對上一次玩已經係PSP 年代，會坐係麥記連機刷裝刷錢，成日冇錢買回復藥，要刷雷狼火龍 etc 同埋真係會合作拉怪打
去到今代其實已經係一個新手，一開始玩真係好難pick up，可能年紀大左，好多npc要記，又多左機械武，多層地圖，新技，要睇好多攻略，去到上位任都會三貓，所以原諒我呢個主線都會卡關ge新玩家，我覺得呢隻game對新手真係難。
覺得難咪去學下人點打，上YouTube 睇片，睇下點砌裝，慢慢打下打下打到出TU1開始可以5分鎖刃，然後再學打白熾龍。
然後就沒有然後了，d fd都轉左打其他game，因為實在冇野好玩。
成長曲線，成條主線其實係新手教學，你照顧到班新手，咁班老手呢，我唔識個d佢地識晒，玩兩下就上手，主線只係走流程，四大大王只係中等程度（對於佢地黎講），然後就發現冇野打同冇必要打！所以佢地ge內容就係得個四條龍，其實班fd同我連機都唔知為乜，之後出ge 8星歷戰係難打，但我打黎做咩？我都齊裝，最多打完一次體驗下又可以熄game。我認為將8星歷戰係day 1出已經好好多，咁你話我唔打歷戰都可以刷裝，可以改歷戰掉落率機會率大d去俾人揀，將機械碎片放係非歷戰，但係驚班新手真係打唔到wor，咁就要講講第二個問題。
屬性，冇左環環相扣關係，一套物理走天涯，以前要出套耐屬性防具同弱屬武要打先打得比較順，記得以前要出完一套a龍裝去打一條b龍，刷完b龍裝再打c龍，一步一步黎，呢到都夠你刷番幾個星期，e+我出完屬裝仲廢過物理，咁我打黎做咩
地圖，冇玩幾代地圖又大又靚，dllm條龍識自動導航，咁其實你將我傳送去個場冇分別，set 左坐標由玩家自己行已經好夠順便執下素材，真係驚人唔識行咪set箭嘴。
素材，講緊回復藥個類，e+有人幫你搜集好方便，咁我出村為咩？其實可以減低搜集量，等玩家會物資短缺再出去搜集，仲可以出番玩家交易，又驚新手唔夠藥棄game 你咪完主線前喂飽佢，之後再停唔俾藥。
一隻game ge內容唔係自己訂俾自己，TA，刷珠，刷全裝，裸裝呢d唔係遊戲內容，係你冇野搵野黎玩。不過呢代mon hun 係有帶番我入坑，仲買番rise同world 玩。TU2開始又有番d野玩亦都明顯難打左，可以配下裝，不過因為有玉任ge關係又刷完了（有感掉落率低左）但全個fd list last online 已經係多於一個月，如果出DLC 我都會買但希望呢個DLC 會救番隻game。