雪妮昨胰臟癌病逝 享年77歲 夫妻二人將一同舉行喪禮

武術指導唐佳 於6月23日在尖沙嘴柯士甸道與松山道交界墮樓亡，享年88歲。家人今（4日）公佈，雪妮 昨（3日）於醫院 胰臟癌 病逝，享年77歲。唐佳生前曾向兒子透露，因妻子長期住院治療而感到難過，更表示希望與太太同死。這對結縭56年的影壇夫妻，短短時間內相繼離世，令人唏噓。圈中人感嘆，這叫「鴛鴦蝴蝶命」。願他們去到彼岸，再沒眼淚與痛楚，繼續相愛！

二人將一同舉行喪禮，7月14日於紅磡世界殯儀館設靈，翌日舉殯。喪禮採用非宗教儀式（維新教）進行。儀式後靈柩隨即移奉火葬場火化。

【拍《女黑俠木蘭花》戀上】
兩人於1966年拍攝電影《女黑俠木蘭花》結緣。雪妮曾稱唐佳在片場與女演員交談時會臉紅的靦腆性格，正是吸引她主動追求的原因。1969年他們奉子成婚，育有二子。婚後雪妮淡出幕前，唐佳繼續從事武術指導，80年代末移民加拿大，90年代回流返港後，唐佳逐漸退休。

雪妮以武打女星成名，1966年《女黑俠木蘭花》奠定其「御用女俠」地位，代表作包括《雪花神劍》、《天劍絕刀》等。回流後加入TVB，轉型飾演母親角色，憑《難兄難弟之神探李奇》黑玫瑰、《棟篤神探》劉並蒂等角色深入人心。

【丈夫成「人肉助聽器」】
雪妮受遺傳性「中耳筋骨硬化」影響，廿多年前聽力開始衰退，單耳完全失聰，另一耳經手術後仍須助聽器。唐佳時刻陪伴，在公開場合為她翻譯溝通，自認是其「人肉助聽器」，無微不至地照顧。

雪妮曾坦言：「我好幸運，我老公成日陪住我，我聽唔到嘢，佢可以同人哋解釋，試過有一次人哋同我打招呼，但係我唔知道，老公咪同人哋講：『唔好意思，我老婆聾㗎』。」唐佳常隨雪妮出入片場，攜帶湯水與日用品，默默守候，成為圈中人津津樂道的畫面。

儘管戴了耳機多年，但聽力變差讓生活不便，年前雪妮亦曾跌倒受傷，因此決定不再續約TVB，好好享受晚年生日，最後作品為2020年《食腦喪B》。

【唐佳憂心妻子想同死】
唐佳和雪妮結婚逾半世紀，一直恩愛。雪妮形容自己性格「野蠻」，唐佳則自嘲是太太的「阿四」。雪妮曾深情地說：「他是保鑣、經理人、阿四，但我還是叫他做老公。」雪妮患癌住院期間，唐佳因憂心妻子病情曾表達共死意願。他離世時警方未尋獲遺書，但家中發現遺囑草稿。

去年8月兩人最後公開露面，與友人的合照中唐佳豎起拇指，雪妮展露笑容。夫妻從影壇合作到晚年相守的歷程，活出愛，留下愛。

仆街連登仔拎人地老公個頭黎玩

睇錯雪姨

唔知佢知唔知佢老公已經行先一步

以前撞到佢喺The one附近後欄食煙

一路好走

rip

阿添一日死左老豆老母

羅家良 劉愷威 葉佩雯

細B

RIP
願佢兩位老人家安息

有冇人好感慨 唔關鍾唔鍾意TVB事 唔關邊個死事
而家望住細細個一路係電視度睇到嘅人老嘅老 死嘅死
唔知係近年真係特別多定只係自己留意多左 但望住D知嘅人一個一個咁死覺得時間過得好快

家咩姐啫？我姓甘㗎嘛!!!!

雪妮姨

見到周驄，就會諗起「呀添～～～」
見到雪妮，就會諗起「細B」
腦裡邊有聲
原來唔覺唔覺已經廿幾年，分分鐘好多連登仔都未出世

原來佢先77，仲以為佢80幾
以前成日同周聰夫妻檔，點知周聽大佢咁多

90後嗰班, 話咁快五年後就4張野
老了

一樣感覺, 始終我睇電視大, 以前覺得呢班綠葉理所當然, 唔會留意佢地, 後來自己少左睇電視劇, 亦繼續無興趣留意綠葉去向, 突然就開始有新聞講邊個過身, 好唏噓

以前後生感受唔到咩叫時代變遷，而家大個咗之後一切都明白曬