周驄肺炎離世享壽92歲
原名冼錦榮嘅周驄，因肺炎離世享壽92歲。藝名取自名劇《雷雨》中的角色「周沖」，因為屬馬故選用了有馬字旁嘅「驄」 字。
周驄入行前曾於餐廳擔任服務員，客人鼓勵下踏上了演藝之路。早於1955年制片人黃慶華喺百貨公司購物時，看中佢嘅外形，認為佢適合幕前發展，於是介紹佢報考演員。初入影壇嘅周驄一度不適應，甚至打算解約。幸得黃慶華再力薦推介，之後有機會同影壇前輩合作，從而提升自信心。
周驄參與首部電影《碎琴樓》就擔任男主角。60年代佢已係光藝影片公司力捧小生，出演眾多膾炙人口作品，好似《苦命女兒》、《龍鳳劍》、《癡情兒女》等，加上佢身形高大、外形儒雅，演技自然流暢，深受觀眾喜愛。
後來粵語電影發展陷入低谷，周驄亦因而受到影響，曾轉行到戲院擔任經理，其後又曾喺免稅店工作。
到1998年周聰加入無綫電視，此後於多部電視劇塑造令人難忘嘅角色。好似《創世紀 II 天地有情》中飾演葉孝勤令人印象深刻。2008年，喺《溏心風暴之家好月圓》飾演「廿四孝公公」鐘泛達 形象深入民心，令佢入圍當年萬千星輝頒獎典禮「最佳男配角」最後五強，再次證明了他卓越的演技。此外，又曾出演《美味情緣》、《團圓》、《純熟意外》、《當旺爸爸》等作品，最後一次於電視演出係近期嘅《逆天奇案》。
周驄與太太 陳綺華 育有三女一子，夫妻感情深厚。太太患癌期間，他推辭所有演出，全心全意陪伴。2016年因佢對香港影視業卓越貢獻，於萬千星輝頒獎禮上獲得「萬千星輝演藝人大獎」，由好友胡楓同曾江向佢頒發，對佢多年來辛勤付出同傑出成就高度肯定。
直至2020年3月，周驄合約期滿後選擇離開TVB，正式退休，結束長達60多年演藝生涯。退休後，依然保持著健康生活習慣。
#周驄 #肺炎 #92歲 #雷雨 #餐廳服務員 #碎琴樓 #男主角 #戲院經理 #免稅店 #溏心風暴之家好月圓 #廿四孝公公 #最佳男配角最後五強 #美味情緣 #團圓 #純熟意外 #逆天奇案 #陳綺華 #2016年萬千星輝演藝人大獎 #2020年退休
