有無人覺得「比家用」依個文化，簡直係陋習？

首先，父母生下仔女，本身就係單方面既決定，從來都未經子女同意。

既然你做咗依個決定，就必須要負責任，養育子女到成年。因為依個係父母自己任性（輕率）既決定，必須承擔責任。

然後，子女並唔係投資工具，咩野養兒防老，根本係將子女視為工具，要求回報。甚至聽過有父母強迫子女從事違反自己意願既行業，雖然叫做「為佢好」，但根本變成「由上而下」式去剝奪子女既選擇自由。

人同人之間係一個獨立既個體，我認為可以基於親情，互相照顧。依個係一個朋友，雙方都舒服既關係，而非中國傳統果種「孝道」- 父要子死，子不死視為不孝。

套用係今日，所謂家用就係父母眼中既投資回報。放起中國文化就係「孝順」。孝順係一種由上而下既姿態，子女只能順從，反抗就視為「不孝」。不給家用又係會扣你「不孝」既大帽子。

不孝就不孝啦，反正如果太care人哋既批評，你生活會好煩。

當然，子女有錢主動想比錢父母，咁係一個友善既表現，體現互相照顧既親情，我係支持既。正如子女要買樓，父母比首期一樣，都係一件好事，最重要係大家樂意，開心。

如果係單方面既索求、命令式既苛索，我覺得就恕難從命。子女唔係投資工具。想投資落樓下買樓、買藍籌，如果一早識咁做，上一輩已經發咗達。

你住同食唔使比錢？

你自把自為生子女出嚟唔洗負責？
做人連負返自己責任都唔識

睇落似係你窮
想連家用都慳返既飛機文

咁呀，ok啦

我真係幾窮呀又

窮人先計較一萬幾千
我爸爸個個月俾幾萬我使

一向都覺得比家用係ON9

通常父母越係冇為下一代做準備嗰啲反而越收得越多家用

搬出去住都要俾家用啦

搬出去唔想比咪斷來往。如果在屋企住都唔比，樓主感係咪旨意生你出黎養到你99歲先叫負責任？

我又好奇養貓同狗既人駛唔駛啲貓同狗俾返錢？

並唔係陋習 只係你同屋企人關係唔好
講真你唔想比咪唔好俾
同你屋企人講 同我哋講把撚

絕對係陋習

不過同父母關係好就唔會介意嘅

其實係 唔想咪唔好俾
其實佢哋想多啲人認同自己

係陋習, 無比過

我屋企關係並無特別差
只係佢哋根本無需要我比
而我亦唔會特別比

而我教下一代都唔會要求有依份文化陋習
依d差劣文化唔應該保留

同埋依個叫討論區
大家都可以出po吹水
我亦唔係特別同你講

所以，如果唔啱聽
你可以按「上一頁」的

責任只付責到18歲成年，成年後需自立

標題最後兩字已觸犯紅線

如果出去做野又同住
每月一兩千家用支付屋企開支都合理

唔比家用唔係犯法
但係法律規定父母有責任提供經濟支持比仔女到18歲

我係英國，依度無咩紅線

依個我覺得合理
西方都係18歲會叫子女自己搬出去
甚至有聽過要同子女收返租既
咁依個就個人基於大家關係既選擇喇

你岩，根本係陋習，結緍比人情、新年封利是都係
呢d 傳統唔應該流傳落去

家用呢d 根本唔應該逼，子女想比咪比，唔想比咪唔好比

咁生仔都要錢

大陸都唔使比啦，得香港要