Edan下月的亞博騷今早開售，迅速售清，他嘗試親自買飛都唔成功。Ryan表示，有加入搶飛行列同樣空手而回，即場向Edan索飛。爵屎同樣渴望加場，Edan稱：「希望有得加場，但機會大唔大未知，希望集氣成功，起碼加到一場先。」他又想請Ryan做神秘嘉賓，Ryan向Edan提議：「我喺台下除上身，你喺台上除下身？」而Edan居然冇拒絕。
早前Edan落實會在大熱韓劇《模範的士》中演出，與李帝勳有唔少對手戲，Edan表示好開心可以參與：「好夢幻，可以同自己有睇開嘅韓劇主角合作，我最鍾意嘅李帝勳韓劇係《Signal》。」今次主要對白都是英文，Ryan即時慫恿Edan表演，Edan即轉channel：「My English is very fluent now！I practise many many times！」他大讚崔始源客氣又好人：「佢讚我好靚仔，又話我係very good actor。」
至於MIRROR今個周末出席雜錦騷，已經開始一齊排舞，早前做了手術的Anson Lo亦已經歸位，Edan說：「阿Lo好返好多，我噚日見佢已經冇事，跳到舞，大家唔使擔心。」而墮海後即飛巴黎工作的姜濤，同樣ready：「姜濤有一齊排舞，狀態同平時一樣。當下有message佢，但咁混亂嘅狀態一定好難覆，我搵佢係想表達支持關心。」至於見面會延期，Edan稱未清楚活動詳情：「應該會畀返上次本身有嘅遊戲同談心環節。」
我哋連登之子最近演唱會個四眼look俾人話勁好睇，成個雪兔哥哥咁又唔講
