DIY洗車 打蠟一問

買咗架二手車，搵人打過一次蠟
宜家個幾星期去自助洗車場洗一次車
上網睇咗唔同片，想買啲打蠟產品試下打（唔用機）
想問下有無咩蠟推介？ 幼蠟同清潔蠟又有無分別？上網見到soft 99鏡面蠟好似唔錯。
我上網睇過一個台灣YouTuber 介紹可以用清潔蠟，用完已經效果唔錯。

另外買過Carpro TRIX洗車軨，但係洗完個車軨一撻撻。請問有無辦法清走佢？




暫時我買咗以下洗車產品

美光
陶瓷 3合1快捷抹車美容液 （有時唔得閒出街洗車用）

美光極品洗車蠟水（洗車用）

Soft99 雨敵後視鏡驅水劑同埋玻璃潑水劑（落雨睇路清晰啲）

龜牌冰瑩撥水鍍膜 （洗完車後用，暫時只用過一次）

CarPro 全透清 （有時玻璃污糟，多手指摸就用嚟抹）

美光快速車廂清潔劑 （抹內籠）

CARPRO 多功能保養劑 （暫時未用過）


多謝指教

洗車鈴一定要放凍左先洗
同埋一洗完即刻要沖水
你呢個情況問返間廠有咩意見比你啦

上臘前要推泥膠
仲有車窗膠邊都要保養

求救 啲蠟去得唔乾淨 仲卡咗啲係啲罅隙度 點解決？

換車

次次上臘都推要推到幾時
唔係用機上洗乾淨啲就得啦

有機會洗鈴支野有腐蝕性，唔係每種材料都用得

點一撻撻法 影張相上嚟睇吓

比少少錢人地搞啦 做下功課 搵間有心搞既

我用咗Carpro TRIX
可能我無攤凍架車洗

變咗有塊膜 好似刮刮卡刮獎灰色個浸嘢，用指甲可以刮甩。
但係用毛巾，刷，加埋泡泡洗車液都整唔走，一定要用啲刮刮走佢

似係支野乾咗有漬姐 好小事
下次噴完拎洗鈴刷刷2下搞掂啦
除非你係chrome鈴

我通常順次序噴晒四隻鈴，洗完就即刻沖咗水先再洗車

美光抹車個支多數係平時洗車唔洗打蠟先用
真係要乾抹都最好直上直下，打圈好易花
玻璃鍍膜要順着雨水方向上
洗車用2 bucket method
二手車可以搵人打一次粗蠟先
之後自己keep住2-3個月打一次幼蠟就ok
用手上蠟太攰可以試下美光個電鑽頭
所有洗車毛巾同打蠟棉最緊要保持乾淨
洗拎就冇咩特別，正常好難洗得花

如果自己有地方有得去污水 勤洗算
打蠟太辛苦
要上要落 玩咗兩次我即時方棄
用洗水蠟 洗車上埋蠟 我最懶 一星期一次 簡單方便
如果有手用埋噴膜 龜牌最平就得 一係鬼佬嘢 唔洗太貴 佢都係洗完車加埋
咁就搞撚掂 一星期感覺同打蠟冇撚分別
不過一落雨就會比打蠟跌得快 因為厚度
我打蠟洗車快極都玩一粒鐘以上
如果我洗車再上噴膜 我用三十五分鐘就搞掂 淨洗車都係廿分鐘左右

唔用機唔好浪費時間
上d 水鍍膜算

美光金裝 一洗即"令"

真

你個名好撚好笑

真心，唔洗搞咁多嘢
用手打，打到身水身汗，計埋洗車推泥膠，分分鐘搞幾粒鐘
過兩個月又要重新嚟過
一係你就勤啲洗車
洗完買枝龜牌噴下抹幾下
都有啲效果
一係就由佢啦，一個月洗一次，污糟咪污糟啲囉

多謝提醒。 都無醒起乾抹個車身都好污糟，有機會有石仔易整花