家暴唔會得一次，只會換黎無數次
結左婚差唔多 5 年，開頭相處得真係好好。上年開始一鬧交佢就會郁手，摑我，推跌我，用拳頭打我，掃跌屋企啲嘢，扯頭髮，用水潑我，大聲咆哮，鎖門唔比我入屋，粗口更加唔小得。
開頭我都無還手，後尾會還手。
我自己本身無屋企人，只有一個家暴嘅老豆，已經無揾好多年。最心寒嘅係，唯一我信賴諗住可以渡餘生既男人，知道家暴係我既弱點同陰影都可以照做。
上年我照到有個瘤，身體好差，行路會痛，佢叫我唔好返工。我就打理屋企，每日煮飯。我無問佢拎家用，每次買餸會比 200 蚊左右我買幾日。
換嚟嘅只有一句，話我係屋企無野做，只係瞓喺到，無資格講任何野。佢每日都會開 cam 睇我有冇出街同做緊咩，我講過好反感，亦都唔會比我同朋友出街。
我真係好想走，但係無路可走…
點解？
