仲有冇中產中佬想移民？

阿哥一家收入1x萬，侄仔讀國際學校，阿嫂本身有加拿大籍幾時走都得

話說近日侄仔有個強國同學同人打交受傷，學校就想小事化無，但係佢老母日日去學校嘈話要幫佢個仔維權，仲喺個group度開哂涉事同學啲名，又話歧視佢地。咁一提到歧視學校就要跟機制調查，搞到好麻煩。呢件事trigger到阿哥一家覺得香港無論各方面都越來越低質（佢地有提其他例子不過呢度唔詳細講），原先讀到中學先走嘅計劃想提早，不過佢地就煩緊搵工問題。

阿嫂做公務員好搵得，阿哥就做私人公司19 manager，佢地話過到去好彩嘅話人工可能得返1/3，積蓄應該啱啱好搣到侄仔大學畢業，但係佢地就會乜都無好似好無保障

有冇人有相似背景可以分享下？

有加拿大藉又做公務員宣誓
咁佢係效忠中國香港定效忠加拿大呀
有無國安風險？

要移一早移咗
點會小朋友打下交先考慮移

開埋個學校名先啦 都唔知真唔真

去加拿大想做大統華都未必請你啦
加拿大已經夠晒人

唔知呢篇嘢真定假，但係如果為咗細路仔其實越細個去適應快 D

有加拿大籍幾時走都得
已經係答案

我妹兩公婆, 本身每月收入8萬, 2個讀緊小學嘅女, 2年前賣樓移民....
最近失業半年, 雖然生活上有壓力, 但兩個女生活開心(大人就唔係幾開心)...睇你覺得值唔值得....

掉佢個仔去寄宿咪攪掂，自己留喺香港搵錢

邊有學校唔比打交㗎

只會見到呢啲問題越嚟越嚴重。

有仔女而負擔到嘅，一律建議移民。
負擔唔到嘅就盡快送佢去外國讀書。

利申 唔會有小朋友

你呀嫂想點維權？你姪仔係打人果個定被打果個？被打有冇還拖？定你地想所謂維權係告到對方冇書讀？定賠醫藥費？移民係唔係包唔俾人蝦？你自己有冇經歷過讀書時期打交先？果陣係唔係都要所謂維權？我自己就小學中學都經歷不多不小泥沙交，最後都會同對方揸爬，甚至成為知己。我又好唔明點解小朋友打交要扯到維權。

咁兩個大人有乜打算…？

一早有計劃，宜家係想提早

罰你重讀

搵唔到工㗎啦
唔好咁天真

我地右翼精英唔會去左膠國家

d 家長冇乜腦架
同埋好多d中式家長都係咁overprotect
人大左都覺得學校打下交好少事
人地學校都唔想理 咪即係覺得好少事囉
咁學校唔理其實仲好
咪即係叫你地自己搞掂囉
即係其實叫返個仔打鳩返佢或者學識同人講數
咁咪搞掂囉
國際學校就係西式先唔想理
唔似中式學校乜都管
佢移去外國咪一樣
d high school 鬼仔咪一樣
打黎打去
下下咁少事搵家長搵老師反而比人笑

同埋反而覺得呢d中式家長反而唔岩送仔女去外國
歐美中學大把鬼仔食大麻
男男女女搞party周圍扑野
咁到時個家長又送返個仔黎返香港？

老母同個仔去外國讀, 老豆留係到繼續搵錢做太空人
依個應該係最好既方法
成家去搵唔到工, 除非拎住一大舊過去, full paid+個個月有被動收入

後生移民玩下 OK，溝下鬼妹，老咗就唔好搞啦。

去英加一樣可以比印度仔，蝻亞仔打

去到外國咪一樣

Full paid買樓 + 被動收入，根本財自咗