第一次用安全剃鬚刀/濕式剃鬚(3)

岩呀!技術夠而且對把刀熟悉的話，乜刀都可以BBS。如果日剃的話，唔傷皮膚比BBS更重要

我習慣返工果時都係朝早沖完涼就剃，放假睇心情。有時出街前沖涼後就剃 有時懶就唔剃

aftershave 對香味冇咩要求嘅話, 平平哋用nivea aftershave保濕舒緩都好夠用

lm

lm

諗唔到買乜牌子就偷你老婆/條女最貴果支保濕用，一定好
但之後發生乜事閣下自理

老婆/女邊度買

有冇人用綠a剃多三四次之後就好易剃損
明明第一次好順

應該係變鈍，綠A本來唔算銳利。
DE刀片用一兩次後，COATING磨損露出刀鋒，會比一開始銳利，然後第三至五次後刀鋒慢慢磨損會變始變鈍。當然刀片壽命都視乎使用者手法、鬚量同硬度。

用左merkur 34c幾年，配搭gillette platinum 刀片(個人覺得夠鋒利同耐用)，但keep住剃上唇位置剃完有一兩點血點，有時手勢好就乜事都無，本身上唇啲鬚向下生又生得快，要每日剃，順剃無可能乾淨 ，只可以逆剃先夠乾淨，試過用j hook方法剃控得唔好垂直拉，即刻爆血

想問換剃刀有無幫助 想每次逆剃都0血點

正常都至少要2 PASS，橫剃/J HOOK + 逆剃，先乾淨，一定要有逆剃。

想問番你係一刀逆剃就出血，定番手時出血先?

merkur 34c算溫和刀，逆剃角度係比較難抓。你用左幾年的話，可以考慮換把剃淨度高少少的刀，逆剃角度比較多。

樓上有位巴打都講過，有時試用完激進刀，換番溫和刀果時技術會變好，玩吓新玩具都好呀。

島男你試咗未呀

綠A三四次直接換啦

應該一刀逆剃出血 如果用Razorock Old Type會唔會好少少

商場洗手液

皂打好 你哋會點樣上面一掃落去好似好厚咁
同埋好快乾咁 咁係打得唔好太多空氣？

一刀逆剃出血似手法問題，係咪用大角度逆剃？

手柄要握至接近刀頭，然後riding the cap ： 先用頂蓋靠近皮膚，慢慢移動刀片貼近皮膚，最好刀片同皮膚接近平行。
一開始可以先用手掌試，咁樣比較容易睇到刀片同皮膚的角度。

順便一提，一般注意事項：
1）逆剃要放鬆，唔需要用力，刀頭只需要輕輕滑過
2）皮膚拉伸過度或不足都會剃傷，上唇位比較容易過度拉伸，試過減少拉伸程度，最多剃得冇咁乾淨
3）如果要保護性強，可以試fruit of the earth Aloe Vera Gel當剃鬚啫喱咁用，本身係透明，方便落刀，但注意冇軟化鬚根功能

我一般打完用刷塗抹上臉，冇乜特別技巧wo。

可能原因：
1）剃鬚皂本身冇問題
2）用太少水起泡，泡沫本身就唔濕潤
3）剃鬚前冇整濕臉部及鬚根（洗臉），水份被臉部或鬚根吸收

old type 逆剃都幾難搵個角度

新手刀都會出血應該係技術問題, 換刀唔會解決好多 我第一把都用34c, 盲剃逆剃乾剃都唔會出血...

你34c換old type真心唔會好少少
兩把都溫和刀

你34c換old type真心唔會好少少
兩把都溫和刀