101歲「佔中大黃伯」現身銅鑼灣 三警致電「關心」「有咩節目」　

今年 101 歲的「佔中大黃伯」，下午身穿黃衫黃褲、拴着拐仗和傘，現身銅鑼灣。他表示，原先在東角道行人路就坐，其後被大批便衣警「請」他改到一旁的銅鑼灣地帶門口坐。大黃伯說自己「唔鬥氣同佢嘈」，依從指示。

https://www.instagram.com/p/DLj7t2ASXy_/

被問為何今日出來銅鑼灣，大黃伯笑說：「今日好日子吖嘛，叫做回歸做中國人」，所以「出嚟行吓、睇吓熱鬧」。回憶往年7.1，他「有親遊行都出嚟，唔會缺席，除非唔行得、唔郁得」；即使沒有了7.1遊行，他也一如以往到銅鑼灣坐坐、見見人，放鬆一下：「又唔出得聲喇，出得聲佢會拉你…不過我又唔驚佢拉喎。」

連續第六年沒有民陣的7.1遊行，大黃伯說「冇乜感受」：「你乜嘢訴求佢都冇用，你出一萬句、兩萬句、十萬句佢都唔會睬你㗎啦，佢邊度聽你訴求吖，佢根本要你個個都要做啞佬」，「𠵱家回歸做主人，根本阿爺就唔當我哋係人，冇自由，冇民主，當你係畜生。」

民主派政黨幾乎全部解散，他嘆「因為啲政黨要求民主自由、做個真正嘅人，佢唔當你係人，梗係唔想嗰啲人幫你爭取」，失去了民主派，「咁點呀？咪揼低頭囉，有咩辦法，又唔夠佢打。」

大黃伯說，每逢六四、7.1都會收到警察電話，「問我有咩節目」，今年7.1也有三名警察打來關心，他便表示「我日日都有節目」。年紀大仍走上街頭，他說：「我都係人，我唔係廢人，識行識郁，梗係出嚟行」，「還掂都係，個人未死之前梗係出去活動吓」，「攰咪唞吓」。

前社民連曾健成亦有到場，被問為何今天到銅鑼灣，他僅表示：「由治及興，鴉雀無聲，講完。」曾健成和大黃伯一行人，其後排隊搭巴士離開，約6名便衣警跟隨，在眾人上車時拍照，目送他們登車後才離開。

101歲仲咁精神

完全唔似101歲

101歲拉咗都唔知點安排

大陸有單監獄都費事煩
直接放佢返屋企比家人接管

大陸仲自由過香港

真! 手瓜起展

咪玩
你返大陸住吓先評論啦

大陸上唔到google
有長城
你微信講錯d名詞會封acc
同埋真係會有人上門拘留你

同埋就算你拍樓下有警車話見到有殺人事件
都會出事

見過有微信群拍完放上嚟
隔日群主係公司被帶走
條友就消失咗
你拍自己樓下既事實都拉
佢哋要封鎖消息你講出嚟就出事

仲有好多林嬸野

我當年住過一排

勸你唔好對某地方太多幻想

一百歲，都已經無乜所謂，每一日都可能係人生最後一日，何妨去盡佢

如果係國安上既處理，大陸係自由過香港
大陸會做勸改，約談，"提醒" 要注意自己個行為
但而家係香港係極嚴柯，未審先坐幾年，同普通法黎行大陸法

當你去到今晚訓訓下覺就隨時就咁走左的階段，人生都冇乜野可以嚇親你

睇你有幾嚴重

好多直接上庭閉門審訊
然後判五年十年
依d新聞你唔會睇到

你只會睇到d小事
果d就做案例警告其他人唔好多咀

同埋你講果d通常都係「評論領導人」、「聚眾維權」
依d野連登大把
香港連約談果級都去唔到

我諗你返大陸住下
去下貼吧
睇吓人哋個真實情況先落結論啦

依家都好難想像人生可以去到一百歲時會係點
不過真係去得到，都冇乜野好顧忌，生死都置諸度外(因為已經係咁，每一日都可能係最後一日活著)

100歲思維都咁清晰敬佩

101歲真係唔驚你

呢啲鳩嗚團不嬲無人理架啦