尖沙咀人氣火鍋店「漁一」突宣佈結業 感性帖文：唔止人生倒數，店舖都要落車
尖沙咀人氣火鍋店「漁一」無預警結業
「漁一海鮮火鍋料理」位於尖沙咀，向來以優質海鮮、即叫即煮足料靚湯底及日式串燒見稱，深受「邊爐控」歡迎。然而，店方日前突然於社交平台發帖，並以電影《破地獄》的金句作比喻，指餐廳的旅程已到站，「唔止人一出生就倒數，漁一到咗站都係要落車，有機會喺車上同一班漁友共聚已經係賺咗， 何必介懷幾時落車？」店家亦在帖文中感謝食客多年以來的支持，「衷心多謝多年來喺車上留下每一段嘅回憶，無論開心的談天說地，或者唔開心嘅移民離別，所有嘅點滴仍在腦海內，已經賺咗！」，同時又呼籲食客支持其他本地小店。
「漁一」無預警宣佈結業
以足料湯底聞名
優質海鮮配料
金牛獻瑞「犇」拼盤
食客不捨道：有緣再會
帖文一出，不少網民紛紛留言表示錯愕與不捨，亦有人感嘆，「昔日嘅香港，續步續步離去。」有食客留言指自己剛於上星期前往「漁一」用餐，無意中成為告別聚餐，「上星期好彩黎食時胃口好比平時叫多兩串牛舌過口癮，原來係指引黎，感謝你們。」亦有人感慨，「咁又少左個食野既好地方」、「走過風雨飄搖的日子，大家珍重，有緣再會。」店方亦有回覆部分留言，指目前已經正式停業，又坦言並未有計劃為店舖另覓出路。
不少食客紛紛留言表示錯愕與不捨
打邊爐要自己煮
