[多圖] 700日環遊世界 (live)

大家好

話說幾年前我辭左份工，諗住花兩年環遊世界。不過因為種種原因，到而家只係去咗一半。

由2023年開始，我陸陸續續喺連登寫遊記，原來不經不覺已經兩年。

呢兩年間，好多謝大家既支持同分享，令我喺寫遊記既過程都好似重新去多次咁。

而事隔幾年，我終於有機會再次出發，去埋環遊世界既下半段。

今次都會想喺連登繼續更新，不過吸收過之前既經驗，可能就會 post 多啲相，詳細文字就之後先 update 了。

希望大家繼續支持，多啲留言啊。

之前 post 過既地方：



東南亞



印度/不丹



非洲



美國



英澳加



巴爾幹

Day 369 再次出發

行程既第一站，嚟到荷蘭既阿姆斯特丹。

最近世界局勢混亂，本來喺多哈轉機既航班都被取消，最後要喺北京轉機。

有時候，原來順利出發，都唔係一件易事。


飛機起飛，望到城門河


南方航空既飛機餐，都 ok


北京大興機場，幾新，不過無咩航班


抵達阿姆斯特丹

700日環遊世界 Day 370

到達阿姆斯特丹，第一日天陰雨濕，先去國家博物館。

博物館集合咗荷蘭既珍寶，順便介紹下荷蘭既歷史。

之前去印尼、斯里蘭卡，唔多唔少都會見到荷蘭人留低既痕跡。

而家嚟到現場，感覺都幾得意。


國家博物館


林布蘭既夜巡；而家復修中，有玻璃隔住


維梅爾倒牛奶的女僕，原來真嗰幅好細


博物館裡面既圖書館


荷蘭曾經有個統治者打輸仗，比人剝皮倒吊，仲要成為名畫傳世


荷蘭人曾經好迷青花瓷，流行整啲花塔嚟插鬱金香


荷蘭亦都係 Miffy 既誕生地，好多聯乘


博物館最近展出既古代安全套，用羊腸製造。上面仲有圖案，畫緊個修女，對住三個修士講“我揀你”

之後周圍行下，睇下荷蘭既運河



荷蘭人好中意運河，方便運載貨物，仲有防禦作用


荷蘭東印度公司總部，曾經富可敵國，仲係世界第一間股份有限公司


市內主要交通工具係踩單車


典型既運河屋，高高窄窄，上面有橫樑方便上落貨物


市中心有好多 smartshop，賣 magic mushroom


紅燈區，不過時候尚早，無咩人

700日環遊世界 Day 371

繼續喺阿姆斯特丹周圍行下。




荷蘭竟然仲有 School of life 實體店，好驚喜~ 倫敦同台北嗰個已經捱唔住貴租執咗




海事博物館

樓主有無試mushroom 食完睇野好正

林布蘭故居。當年佢收集咗好多外國物品，反映左荷蘭喺黃金時代既強大國力。不過林布蘭最後因為理財不善破產，連間屋都要比人收番


林布蘭剛到阿姆斯特蘭既自畫像，意氣風發



荷蘭傳統食物，薯蓉同蘋果批



仲有荷蘭餅~ 當地人話要食新鮮整出黎，不過我覺得好似超市買仲好味


運河上既鮮花

大麻蛋糕冇咩料到 只係有啲眼瞓
下次應該要試呢個

Day 372 梵高博物館

平時美術館有一兩張梵高已經係鎮館之寶，然後呢度成個館都係

不過亦都因為咁，可以更了解梵高既人生，心路歷程既轉變。


梵高博物館外貌


梵高一開始想透過繪畫描繪農民苦況，所以畫面都係黑麻麻





後來學習左印象派既畫法，加埋日本浮世繪既影響，筆觸變得鮮明大膽



好多人以為上面既麥田昏鴉係梵高遺作，但其實梵高最想人記住既，係佢對世界，對生命既喜悅，就好似下面既麥田收割一樣

梵高能夠繼續創作，因為有個好錫佢既細佬，相信佢既才華，支持佢既生活起居


即使梵高同細佬走咗，細佬既遺孀都願意花其一生整理佢地既書信，繼續推廣梵高既作品


梵高為左慶祝侄子誕生而畫既杏花

邊個post先係