下午茶連加一收$63 連鎖餐廳自己落單仍收加一 業界：仍需人手上菜, 執枱 所以唔會減

有網民在一間連鎖餐廳食下午茶，埋單連加一服務費收63元，他在網上分享質疑：「下午茶都加一，仲要自己落單？」掀起爭議，有網民質問：「真心覺得，加一又叫服務費，請問你（指店家）服務咗我啲咩？拎個餐比我呀？」有人甚至認為：「取消加一！會更加吸引！」

有網民在「香港茶餐廳及美食關注組」FB專頁發帖，分享在一間連鎖餐廳食下午茶，他點了白咖喱豬扒飯，他雖大讚「白咖哩豬扒係好正，豬扒鬆軟香脆」，但指出：「不過下午茶都加一，仲要自己落單？」似暗示僱客自行透過手機掃瞄QR code落單，仍收加一服務費不太合理。

翻查該餐廳的價目表，該款下午茶餐價格58元，連加一後，埋單63.8元。

網民質疑無服務仍收加一：不如直接加10%簡單啲
帖文引發網民熱議，不少網民認為餐廳由僱客自行落單，質疑收取加一服務費的合理性：「其實自己落單但要收加一，真心唔值。」「而家自助落單，有啲連倒水都自助，但加一照收。」

「真心覺得，加一又叫服務費，請問你服務咗我啲咩？拎個餐畀我呀？」「+1唔緊要，但如果係寫服務費，仲要自己落單真係唔會再食。」

有網民認為食肆不如直接加價一成：「真心唔明，好多食肆自己落單，自己埋單都無加一，呢間點解要收加一，其實都係茶記，不如$直接加10％簡單D。」「其實食物價錢直接貴10%都冇咁谷氣。」

有網民指，目前食肆經營環境困難，應考慮免除收加一服務費：「取消加一！會更加吸引！」「加1服務，自己落單，依個時勢，應該好快執。」

業界：QR Code落單只省很少成本 仍需人手上菜、執枱等
叙福樓集團兼行政總裁黃傑龍過往接受《星島頭條》訪問，就手機落單仍收加一服務費作出解釋，他表示，採用QR Code落單是為提供更好的服務，減少人為落單錯誤。他指出，建立系統成本高昂，加上現時請人難，QR Code落單只是媒介上改變，增加客人的選擇，加上仍需人手上菜、執枱等，沒節省到多少成本，「加一」收費亦難以調整。

香港餐飲聯業協會會長黃家和則指，QR Code落單在內地一早推行，甚至連同支付寶、微信等付款一條龍，香港已慢了起步。手機落單只省卻部分工序，例如與侍應溝通落單，但仍有擺餐具、斟水、上菜等服務。至於部分不懂使用QR Code落單的客人，亦需員工協助，QR Code落單在營運上只省卻了很少成本。

如果我自己煮埋，可唔可以唔收加一

注定‧要執笠

返去食大檸樂咪唔洗加一囉

打邊爐有無收？

所以咪不斷執笠

本身個價冇包人工？

一間餐廳
請人做佢自己職位嘅嘢

點解要我哋客人找數 ？
服務費根本就痴撚線

不如你份糧我攞埋啦

依家係講緊心理問題，關成本咩事，你直接加落餐價度我心中有數，唔係明明100最後比110

問題係你收加一但並沒有提供更好嘅額外服務，咁你憑咩將你嘅人力成本轉嫁俾我？

麥當勞、南記、茶餐廳都要員工執枱清潔，咁佢哋係咪都要收埋一份？

根本就要立法禁止收+1

擺餐具、斟水、上菜都要收錢，咁我屋企自己煮啦柒頭，所以唔好怪人唔消費，本身加一呢啲仆街野就唔應該存在，好景嗰陣你收人地唔志在俾，而家咁嘅環境你仲企硬真係執笠都抵

本身個餐就已計埋鋪租、人工、燈油火蠟同腦細賺取嘅利潤；加一真係另類加價

自己抗爭囉 要加一果D就唔好行入去

以前唔使 上菜 執枱？
完全係藉口

下午茶價都可以午市價 執得笠啦

午市呢個價, 除非無得揀, 而又一定要食
否則寧願餓住都唔會咁貴食一餐
何況下午茶

咁大個仔, 食下午茶通常都係十幾廿蚊
俾到盡三十頭, 但食既野, 一定係要值呢個價, 個量唔可以少, 仲要包野飲

不如入餐廳範圍要收入場費啦，都要舖租先有空間比人使用

有人幫襯你又吹佢唔漲

真係唔明點解唔直接加價10%

一睇就知沙嗲王，佢平日午市都要加一

黃傑龍 黃家和都係餐飲業既毒瘤黎
一日有佢地存在 餐飲業都唔會有咩轉機

啲人見到個價錢門口都唔入

屌你老母 立法禁止加一 直接加落個價錢度啦戇鳩 唔知加一做乜撚

至少唔洗俾人話憑咩加一先