好想分享下香港消費,每次出街食飯,埋單已經係去到“唔L係掛”嘅程度。
星期日,先到西貢艇仔買海鮮,盛惠900蚊,再去屯門三聖興記加工。
興記係冬菇亭入面一間大排檔,有冷氣,但環境少少up duc。從前嘅興記,一定要訂檯,7點未到,門口已經塞滿等位嘅人。但尋晚,由我哋坐低食飯到9點離開,鋪頭都只係6成滿。
淨係興記張單,埋單$1230,我哋3大2小,唔計自來海鮮,興記嘅order 係: 半隻燒鵝,一碟鮮魷通菜,1支水,2盒陽光檸檬茶,2支藍妹。
埋單時,我真心呆左一呆,反覆睇左幾次,見到佢收多一罐汽水錢,但影響不大,無諗過要千幾蚊埋單。
海鮮加工$480,合理嘅。
鵝半隻 $310,偏貴,深井價,但唔係深井質素。
通菜 $138,呢個好過份,大排檔炒個菜一般都唔過$100。
茶芥 $15位,藍妹$40支,最後加埋一。
成日都鼓勵市民留港消費,但原來我連冬菇亭大排檔都食唔起喇。
https://www.threads.com/@colourtse/post/DLg4A5qplUD?xmt=AQF0e4XX0kk75J1IFX88bAqUCaIUJE1DN3hTcYMOtU-2MQ