羅淑佩：我想學頭 D 飄移！

讚跑車線條靚揸上嚟爽快
電影《頭文字D》20年上映，羅淑佩話因為自己鍾意揸車，前後都睇咗呢套戲好多次，「配樂啦、啲歌好鍾意」。做過運輸署署長嘅佢又透露，除咗第一架車係實淨、穩陣嘅四門車之外，其他就都係雙門跑車，「一嚟線條靚啲，二嚟的確揸起上嚟爽快啲嘅」，亦都想學《頭文字D》飄移，但笑言後嚟做咗前運輸及房屋局首席助理秘書長同運輸署署長，「更加唔可以學啦……喺香港呢個地方(玩飄移)唔係幾合法嘅。」羅淑佩仲提到，以前夜晚放工如果得閒就會揸車去機場、石澳，「打開個篷，真係幾開心嘅」，但近排已經少咗好多喇。羅淑佩本身有好多興趣，例如揸車、煮嘢食、考咗潛水牌、睇波等，佢話正正因為自己有不停學新嘢，就會持續覺得自己仲係年輕、冇脫節。

有生抽王有杜狗都睇

咩叫「唔係幾合法」
做局長竟然可以UP到句咁嘅嘢出嚟都幾犀利