https://www.am730.com.hk/%E6%9C%AC%E5%9C%B0/%E7%BE%85%E6%B7%91%E4%BD%A9%E5%9B%A0%E4%B8%80%E4%BA%BA%E8%AA%8D%E8%AD%98ian-mirror-%E7%AC%91%E8%A8%80%E6%9B%BE%E6%83%B3%E5%AD%B8-%E9%A0%AD%E6%96%87%E5%AD%97d-%E9%A3%84%E7%A7%BB%E4%BD%86%E5%94%94%E5%8F%AF%E4%BB%A5-ray-online/574765
2025-06-29 16:50:22
羅淑佩因一人認識Ian@MIRROR 笑言曾想學《頭文字D》飄移但唔可以｜Ray Online
文化體育及旅遊局局長羅淑佩曾提過自己係「Hellosss」，即係男團MIRROR成員陳卓賢(Ian)嘅忠實支持者。至於點解會認識同欣賞Ian呢？羅淑佩就話，2021年有個讀大學三年班嘅契女，因為想近啲返工做見習生而搬咗過去一齊住，自此就令佢接觸多咗香港年輕歌手、組合同韓星，包括有關Ian嘅電視節目，「我其實嗰時都冇睇，都係後尾再睇返。」佢仲記起有一次電話彈咗韓團SF9出新歌嘅通知，細問之下先發現契女原來拎咗佢個帳戶去不斷播嗰首新歌，因為愈多帳戶聽首歌就愈好，「好多呢啲知識都喺佢嗰度學返嚟。」
《留一天與你喘息》一句歌詞有共鳴
羅淑佩上個禮拜接受前助理廣播處長周國豐嘅新音樂節目訪問，被邀請推介嘅5首歌入面就包括Ian嘅《留一天與你喘息》。佢話呢首歌喺香港經歷第五波疫情期間推出，依家諗返嗰陣時都唔知點過，「又冇乜得出街，食飯又好多限制，甚至有啲晚市都冇堂食，旅行更加唔好講啦」，因此主要娛樂都係睇電視、聽歌同收音機。被問到幾時開始鍾情Ian，佢就話去到呢啲年紀已經唔係用「鍾情」，較多嘅會係欣賞。
認識咗香港年輕歌手後，羅淑佩認為令佢覺得世界闊咗啲，接觸返啲後生嘅樂迷等，又講到《留一天與你喘息》嘅歌詞「不必太煽情太過悲壯」好有共鳴。佢以失戀為例，第一次失戀嘅人會覺得個天冧落嚟，但當閱歷增加、經歷過唔同悲觀離合後，再失戀嗰時可能都會傷心，但已經會知道「真係唔使太煽情太悲壯」。
講到點樣面對情緒問題，羅淑佩覺得身邊有一、兩個信得過嘅朋友願意同行、開解好重要，因為同行可以令你知道自己唔孤單、有人願意花時間同你同行，「你自己個價值就喺嗰度」，到時就唔使理啲令你覺得自己好冇價值嘅人。佢又話，做公職都算半個公眾人物，而喺其他圈子認識嘅朋友例如同學、教會等，就可以令自己離開「壓力煲」出嚟唞一陣，叉滿電就重新嚟過。
追星咁耐，羅淑佩都好多謝有朋友善意提醒「唔好咁高調」，的確社會上會有人覺得從公務員轉任問責官員會更受關注，一言一行需要更加謹慎，平時考慮言行嘅時候會諗埋呢啲意見，至於點拿捏就笑言「見步行步啦」。佢講到周國豐邀請佢揀5首歌推介嘅時候，如果專登避開唔揀某一位歌手嘅歌，外界都可以問「咁假嘅，明明鍾意都數唔出呀？」所以佢揀嘅歌，背後都會有一個幾確實嘅原因點解會揀，而Ian同另外幾首嘅譚詠麟、陳百強同Beyond，都係之前講過鍾意嘅歌手。
讚跑車線條靚揸上嚟爽快
電影《頭文字D》20年上映，羅淑佩話因為自己鍾意揸車，前後都睇咗呢套戲好多次，「配樂啦、啲歌好鍾意」。做過運輸署署長嘅佢又透露，除咗第一架車係實淨、穩陣嘅四門車之外，其他就都係雙門跑車，「一嚟線條靚啲，二嚟的確揸起上嚟爽快啲嘅」，亦都想學《頭文字D》飄移，但笑言後嚟做咗前運輸及房屋局首席助理秘書長同運輸署署長，「更加唔可以學啦……喺香港呢個地方(玩飄移)唔係幾合法嘅。」羅淑佩仲提到，以前夜晚放工如果得閒就會揸車去機場、石澳，「打開個篷，真係幾開心嘅」，但近排已經少咗好多喇。羅淑佩本身有好多興趣，例如揸車、煮嘢食、考咗潛水牌、睇波等，佢話正正因為自己有不停學新嘢，就會持續覺得自己仲係年輕、冇脫節。
羅淑佩愛跑車｢揸起嚟爽」笑言曾想學《頭文字D》飄移｜政壇諸事町
撰文：文維廣出版：2025-06-30 11:50更新：2025-06-30 11:50讚好430001
文化及體育局局長羅淑佩興趣多，除了潛水、烹飪、看足球比賽外，原來也熱愛駕車。她在一個電台節目中透露《頭文字D》是她很喜歡的電影，自己亦鍾情於跑車，「除咗第一架車係實淨、穩陣嘅四門車之外，其他就都係雙門跑車」，笑言曾想模仿電影般飄移，後來出任運輸署署長，「更加唔可以學啦……喺香港呢個地方(玩飄移)唔係幾合法嘅。」她坦言不斷
羅淑佩鍾情駕車放風 翻看《頭文字D》多次
羅淑佩接受前助理廣播處長周國豐的港台節目訪問，提到從前未出任局長前，晚上下班如有空也會駕車放風去機場或石澳，形容「打開個篷，真係幾開心嘅」，但最近已很少了。由於鍾情駕車，當年電影《頭文字D》上映時，羅淑佩也前後看過很多次這套戲，不論是配樂或歌曲也很喜歡。
疫情期間，當時是運輸署署長的羅淑佩親自駕車，聯同工聯抗疫義工隊運送抗疫物資。（工聯會）羅淑佩愛車都是雙門跑車 笑言曾想學《頭文字D》飄移
她透露自己的愛車除了第一輛是實淨、穩陣的四門車之外，其他都是雙門跑車，「一嚟線條靚啲，二嚟的確揸起上嚟爽快啲嘅」，又笑言《頭文字D》電影令她想學飄移，但後來先後出任前運輸及房屋局首席助理秘書長和運輸署署長，「更加唔可以學啦……喺香港呢個地方(玩飄移)唔係幾合法嘅」，便打消了這個念頭。
疫情期間，當時是運輸署署長的羅淑佩親自駕車，聯同工聯抗疫義工隊運送抗疫物資。（麥美娟Facebook）
疫情期間，當時是運輸署署長的羅淑佩親自駕車，聯同工聯抗疫義工隊運送抗疫物資。（工聯會）
因契女認識MIRROR成員Ian
節目上，本身是「Hellosss（組合MIRROR成員陳卓賢Ian粉絲暱稱）」的羅淑佩被問到為何會欣賞Ian呢？她透露原來因為當時讀大學的契女，搬到自己家一起住，因為當見習生比較就近上班，自此令她接觸更多韓星、香港年輕歌手，包括Ian的節目。
歌迷時興不停到音樂平台翻聽歌曲增加播放量，羅淑佩說這方面的知識也是從契女學，憶起一次自己電話彈出一則韓團SF9的新歌通知，才發現契女原來拿了她的帳戶不斷播該首新歌，領會到愈多帳戶聽該首歌就愈好的原因。
推介Ian歌曲《留一天與你喘息》
羅淑佩應主持要求推介大家聽歌，其中一首是Ian的《留一天與你喘息》，歌詞提到「不必太煽情太過悲壯」，坦言很有共鳴。以失戀為例，她說如果第一次失戀的人會覺得「天冧落嚟」，當經歷多了悲觀離合，再失戀時就會知道「真係唔使太煽情太悲壯」。她說朋友願意同行和開解，有助應對情緒問題，不孤單的感覺很重要，寄語大家不用理會覺得你沒價值的人。羅淑佩接受前助理廣播處長周國豐的港台節目訪問。（港台節目截圖）
除了Ian的歌曲，其餘推介的歌曲來自譚詠麟、陳百強、Beyond。羅淑佩說，由公務員轉任問責官員後，一言一行更受關注，朋友曾善意提醒勿高調，但如果推介歌曲時刻意避開不選某位歌手的歌曲，可能坊間有人會質疑「咁假嘅，明明鍾意都數唔出呀？」
原文網址: 羅淑佩愛跑車｢揸起嚟爽」笑言曾想學《頭文字D》飄移｜政壇諸事町 | 香港01 https://www.hk01.com/article/60252148?utm_source=01articlecopy&utm_medium=referral
