而家好似少左男仔去做兵咁

阿蓋達傳說 2025-07-01 15:25:32

10後係叫Gen Alpha

鄉連登也 2025-07-01 15:25:50

70後廢中覺醒心路歷程(我知係長文，但已係簡化版)

90年代尾，做咗一份工時勁長嘅西工，但有得聽著收音機開工，期間成日聽到D情情塔塔話題(商業二台903講最多)，越聽越覺得唔對路。

啟蒙事件，係有次聽到話題係講「曬月光後，送女朋友返屋企」，男主持分享十幾歲時，自己住觀塘，送港島東區女友返屋企嘅苦況(當時未有東隧)，最後頂唔順散咗。

然後接咗幾個PHONE-IN，全部都係港女話堅持要(前)男友送返屋企，而且全部都係大家住好遠、全部都係明知咁樣會令男方好辛苦兼浪費大量車錢同時間，尤其係送完之後，再山長水遠返自己屋企，第二日又要晨早返工返學。

我就聽到毛管楝，點解D女係咁嘅呢？如果我拍拖，又係咪要咁辛苦呢？如果係，咁拍拖嚟做乜？同時反思「送女朋友返屋企」既合理性，得出結論係：完全多鳩餘(呢個係另一話題了)。

之後開始上網(唔知28.8定33.6K)，網上+電台所見所聽，我感覺到，拍拖好似無論乜付出乜責任，都係只關男方事，一出咗乜嘢唔完美情況，就只會怪係男方責任怪男方做得唔好。而女方嘅角色同責任，就相當模糊，甚至可以話係----冇責任，只要肯出黎拍拖肯做人女朋友，已經叫「付出青春同時間」。

乜嘢情人節、紀念日，往往係男方單方面表演同交功課，安排節目行程、揀餐廳訂位、送花送禮物、攪浪漫驚喜、埋單畀錢....全部男人做晒，女人就淨係出席同接受就得(當然有不滿、發脾氣嘅權利)。我想問呢D日子唔係屬於大家雙方嘅咩？點解一定係男方單方面付出？係「情人節」定「女朋友節」呢？

1998年秋，爆發M記史諾比事件，M記推出28款唔同造型嘅史諾比膠公仔，要買一個套餐加6蚊至買到一款。由於每日指定換領其中一款，要集齊全套，就要連續28日，日日買一個M記套餐，少一日都唔得。

呢D膠狗公仔，好受女仔歡迎，D男友、兵，為博紅顏一笑，你明啦！

最抵死係，呢場瘋狂入面，社會輿論只係批評浪費食物同M記換領規則太嚴苛，但對於D男友、兵喺呢場瘋狂中嘅角色，係毫無批評，唔通社會風氣認為咁係應份？

差唔多同期，港男都有換玩具：書展D港漫兵器(亦係促成漫畫從書展分家嘅部份原因)，但呢D有邊個唔係食自己？有邊個大膽港男，膽敢滾攪尊貴女士？

最鮮明對比，係同期我有個男性朋友，去咗外國讀書，佢要求我每月一次，去唱片舖拎一張傳單寄畀佢。後來我發現佢去外國之前，喺香港讖咗女友，當時LONG D中，我就問佢點解唔搵你女友幫你做呢件事，畢竟另一半至係最有責任對你好嗰位(我認為！當然，反之亦然)，佢竟然話：「唔應該叫女仔做咁多嘢，風度」。

你話同史諾比事件比較，係幾咁強烈對比？

從此我就覺醒。

而家睇返，男人打機、玩模型成日畀女人針對，一係就要睇女人面色至買得。
女人買手袋、高爭鞋、珠寶首飾、MIRROR代言嘅物品、對著MIRROR瘟瘟沌沌.....從來未聽過要睇男人面色，相反，女人鐘意乜，男人通常全力配合(一如當年M記史諾比)