陳茂波: 有留意發展商資金問題 金管局設立專責小組 確保銀行不會只因估值下跌而Call Loan

香港地產市道走弱，近期有重磅地產投資者大手賣產，個別發展商亦面臨財困。財政司司長陳茂波稱，當局有留意發展商資金問題，金管局設立專責小組，確保銀行不會只因估值下跌而「Call Loan」（收回貸款）。

陳茂波接受本報訪問時稱，政府有留意到個別發展商遇上挑戰，「要按個別情況咁睇」。陳茂波提到，商業地產市場尚未復甦，故個別相關投資較大的發展商遇上困難，目前金管局與多間銀行設立小組，確保不會因商業地產估值下跌而「Call Loan」。

商業地產市道受壓，多位資深商舖投資者蝕讓物業，近期陷財困的「磁帶大王」陳秉志自住4層獨立屋甚至淪為銀主盤。此外，四大地產商之一新世界 （00017） 就875億元再融資積極撲水，據報新世界5月抵押核心資產尖沙咀維港文化匯（Victoria Dockside）以向銀外申請額外156億港元的銀團貸款。

市場關注銀行「Call Loan」行動，陳茂波表示，金管局小組取態是讓行業在目前環境下，仍有喘息空間，只要發展商能正常還息，即使物業估值下降，也會盡量寬鬆處理，協助發展商重組貸款，「我們抱着咁嘅思想去做，就着個別地產商情況咁個別去處理」。他補充，銀行業對此做法表示支持。

現屆政府上任3年期間，撤辣兼放寬住宅按揭成數，大幅放慢賣地步伐，支撑樓市氣氛。陳茂波認為，考慮到美國息口已見頂，住宅物業價格趨穩定。陳茂波強調，樓價走勢不僅影響地產市場，更牽連金融穩定、市場信心、財富效應及消費意慾，故政府致力維持市場穩定，穩住經濟大局。

陳茂波指出，香港住宅物業市場自2021年9月起展開調整，雖然各區價格表現有所差異，至今整體回調約28%。他認為，今輪調整步伐穩健有序，「雖然一直調整下來，沒有出現系統性的風險，也沒有出現恐慌情況」。

息口走勢與香港樓市關係密切，陳茂波認為，美國息口見頂，但由於通脹率仍然企高，故實際減息次數較原先預期少，回落幅度較慢，變相促使香港更長時間處於高息環境，「呢個（息口）對於物業市場，對於一般企業經營環境，都係一個壓力，但至少息口已經見頂」。

造地不用急賣
過去兩年政府減慢賣地，今年賣地表上僅8幅住宅用地，預計合共提供約4,450個單位，同時年內不會推售商業用地。陳茂波稱，政府造地工作不受樓價或物業市道影響，「造了地，不用急着賣，可以用來做土地儲備」。

他續稱，雖然賣地數量很少，但旨在穩定市場預期及信心，「我們有地，但我們會考慮市場情況、好審慎，按市場情況先推，大家就唔使擔心。」他亦澄清，坊間曾有揣測政府會否財赤而大量推地填補赤字，強調這絕非事實，鐵定不會這樣做。

銀行硬食

確保銀行不會只因估值下跌而「Call Loan」（收回貸款）。


咁call loan嘅意義喺邊

而家銀行壞帳已經高到仆街，仲叫人唔call loan

下一波到銀行爆

變相開綠燈叫銀行印錢

QE

情願果啲XX大王出事銀行一爆就大鑊了…

估值下跌唔call loan 要臨死先可以？

call loan係合約權利嚟㗎喎

銀行硬食
評級會唔會跌?
一路骨牌效應到邊個先會停?

同生共死命運共同體

政府話唔比就唔比啦嘈。

睇黎美國佬好快又會黎狙擊香港

基本煮法腐乳

抵押Assets減值又唔俾做嘢，咁銀行點balance條數

總之就唔俾 唔好問

係唔係邊間銀行Call Loan就用國安法拉人封鋪?

發展商唔call得，其他可以

窗口指導直頭國粹，call loan算得上係咩

其實call loan 係咪DSE money and banking credit creation 果句bank call back loan
定係仲有其他concept

有可能真係搞唔掂政府保底，有內部協議

（唔知幾時）
：有留意銀行資金問題⋯⋯⋯

銀行之前都賺夠啦，多幾條爛數無所謂啦

迫銀行硬食一定更加大鑊喎