釜山長崎雙城遊記

為咗攻下金田城
今次旅程就揀咗去長崎縣嘅對馬島
而對馬島距離韓國嘅釜山只係有49.5公里
既然咁近一於順便玩埋釜山啦

一連5日嘅日韓之旅就開始啦：
Day 1 ：香港>釜山（甘村文化村）
Day 2 ：海雲台
Day 3 ：太宗台、西面區
Day 4 ：釜山>對馬島
Day 5 ：對馬島>釜山

釜山—太宗台


對馬島—韓國展望所

Day 1
喺青馬大橋見到彩虹
嗰陣仲心諗今次旅程一定好順利
之後就出現好多不幸事件


先食個早餐

Dlm ，杯凍檸茶一篤就穿
究竟用個嘴接住下面啲檸茶定用飲管會飲得多啲


食完就去登機閘口
要搭架巴士先上機

Lm

一直想由釜山搭船去對馬
但見到好似好鄉下 驚無野睇
樓主有無野推介下？

樓主點買船飛的？

幾個鐘後嚟到釜山啦
呢隻鴨應該係當地吉祥物


首先拎釜山pass
買咗張big 5 pass 可以揀5個項目玩
另外有24小時/48小時/big3
價錢唔同，可以睇吓邊個啱玩再決定邊張
之後喺機場附近唱完錢就搭鐵去酒店

地鐵站入面有檔魚糕串
食返碌先
學隔離嘅阿豬媽拎個紙杯同鼓油碟
裝啲湯再拎碌魚糕串

淨係去北對馬？

睇你本身有冇興趣或者原因要去
日本好多地方正過對馬島
如果我唔係儲城印應該唔會去

超麻煩
要韓國信用卡先買到
最後喺小紅書叫家人們幫手買

有南下

唔可以現場買？

我睇人哋啲blog 係可以現場買
佢出發前一日去碼頭買

但我上網買嗰張係平啲
3日內來回係79000won
唔知現場買唔買到呢個價

同埋我去嗰日勁多人
成架船爆晒咁濟
唔肯定買唔買到船飛

放低行李已經4點
終於正式食第一餐—元山麵屋水冷麵
都幾好食嘅，不過冇肉就齋啲


食完搭車去甘川文化村
搭咗架喺山腳落車嘅巴士
行咗幾千步先到真正入口


一去到就係啲打卡野


排隊影小王子


再影吓啲彩色屋


嗰度都好多手信舖行

行咗個幾鐘就搭車去釜山塔
係big 5 pass其中一個活動



釜山嘅日景
遠處見到過兩日會去搭船嘅碼頭


出到嚟開始天黑


夜晚去咗間燒肉食




都幾好食，同埋幾平
又食水冷麵
仲有石鍋蒸蛋



食飽再食雪糕
啲配料唔係幾好食


一路行去富平罐頭市場


夜市嚟講都係台灣正啲
見到間炸豬肉好多人幫襯就買嚟試試
小份都勁多
幾好食，但有啲辣



呢個包都幾好食
中間夾咗啲cream


去埋樂天超市買野就返酒店
Day 1完

咁去過釜山+福岡
又去過釜山+下關
睇下對馬有無野睇

食掂唔掂？

聽講嗰度啲穴子好好食

Day 2
呢日去海雲台搭膠囊小火車
因為太遲先book 野
KKday已經買唔到小火車張飛
網上訂又俾唔到錢
最後搵咗小紅書嘅家人們幫手買

一早就搭巴士去海雲台
發覺釜山啲巴士都幾方便


去到車站要先換張實體飛
唔知係咪天雨關係
等咗勁耐都未上到車


終於出發了
當日天氣勁差
大霧到咩都睇唔到


終於見到少少海

我地架小火車會去到青沙浦站
之後用釜山pass換海岸列車嘅飛
同一個站只可以出入一次



搭車之前食個飯先
海雲台好似出名食烤海鮮
揀咗個set
勁多海鮮，印象中都唔平



海鮮煎餅唔錯
其他正正常常

都ok 嘅
食咗三日泡菜
要食啲日本野中和返

我見klook 而加有得賣

食飽就搭列車去松亭站
喺呢度轉巴士上釜山嘅skyline luge


之前喺新加坡都有玩過
不過今次特別啲
可以喺風雨下玩


首先又係用釜山pass換飛
每人可以玩兩次
之後要搭吊車上去滑落嚟
一上架吊車即刻大風大雨
半邊身濕晒


唔使點等就可以玩


雖然天氣差
好彩都有得玩
唔使嘥咗個pass

嗰陣睇7月先開賣
同埋見佢寫台灣同新加坡國藉先買得
仲要即日來回

ic

Btw LM, 我都好鍾意釜山呢個地方

玩完咁劇烈嘅運動
緊係又去食嘢啦

喺IG 成日見到嘅31cm 刀削麵
又幾好食喎
啲青口幾鮮甜



之後就搭列車返尾浦
如果天氣好可以中途落車去展望台行吓
不過嗰日天氣差到展望台都close埋

落車之後直接去汗蒸幕
都係用釜山pass 換嘅
玩4個鐘，除咗水上樂園其他設施都可以用


一去到先換張飛
之後會分開男女房換衫
入面有得沖涼、浸浴
空間都幾大
以下係官方圖片



沖完涼可以去返公眾休息區
嗰度就冇分男女

仲有野食賣
買咗粒好難食嘅蛋


仲有唔同嘅房俾你蒸一蒸
最舒服係冷氣房


室外有足浴
同埋兩間桑拿屋仔


好天浸都幾正


仲有一個area 要著泳衣先可以浸
冇帶泳衣都可以浸吓腳嘅


喺度仲瞓咗一陣先走體驗唔錯