被內地粉絲譽為「港劇主題曲女王」的吳若希（Jinny）日前夥拍同唱片公司的師弟林智樂（Felix）假廣州舉行演唱會。雖然二人有12載的年齡差距，但表現合拍零違和，33歲的Jinny賣萌扮鬼臉，睇到21歲的師弟眼定定。Jinny大唱經典劇集歌如《越難越愛》及《眼淚的秘密》外，二人還翻唱容祖兒、謝霆鋒、陳奕迅及薛凱琪等的熱門歌，又合唱串燒歌，不過全晚焦點卻落在Jinny的全新歌衫上。
穿上金色閃片背心裙的她，貼身的設計盡顯曲線，但在燈效下，未知是否上衣質地太薄，其胸前出現若隱若現的「飛釘」效果，引人入「性」。她獻唱懷念已故祖母的新歌《感激跟你能夠遇見》時，一度感觸而淚流滿面，台下歌迷大叫：「唔好喊」，Felix亦貼心地遞上紙巾，Jinny卻突然爆Seed：「點解你畀一張紙巾咁孤寒㗎！」她的「淚中有笑」將全場傷感氣氛一掃而空。
親自解畫 強調有打底
之前有網民指Jinny在廣州宣傳演唱會時，對迎面打招呼的粉絲充耳不聞，被指「臭寸」，今次她完騷後，拉隊到地道食肆慶功可謂「一洗污名」，有網民分享Jinny面對大批食客包圍合照及互動均無任歡迎，令現場變成歌迷聚會。
而昨日Jinny被問到疑似「飛釘」一事，她說：「好肯定係件衫嘅線頭啦，打底呢啲嘢，我從未失手。」又指演唱會最深感受是享受大舞台，問到可想挑戰《歌手2025》及《乘風2025》等頂級製作節目？她恨到出口表示：「梗係想，開完澳門演唱會後，自己已經係跳唱歌手，希望有機會喺大型節目表演。」
