警察會唔會處理？

一名女子近日乘搭港鐵期間，發現被一名陌生男子偷拍腿部。與對方對質後，發現對方不只有偷拍她的照片，還有大量在港鐵偷拍其他女性的照片，已經報警處理。

事主在社交平台Threads發文，指當日身穿T恤及短褲，留意被一名陌生男子用手機對住腿部拍照。事主首先以眼神警告對方，但對方仍然繼續拍照。事主決定跟隨偷拍者下車對質，對方一開始否認偷拍。但當事主要求打開手機予她檢查，發現有兩張剛才被偷拍的相片。

男子一度靠近事主懇求原諒

事主追問偷拍者有否其他相片，男子打開手機一個檔案，當中有很多在港鐵偷拍其他女性的相片。男子在事主面前刪除檔案中的相片，並靠近事主，懇求原諒及不要報警。在影片可見，女子指「你呢啲人，畀機會你，你永遠都係做呢啲嘢㗎。我唔會畀機會，我畀機會你，邊個畀機會我呀？」而旁邊有港鐵職員協助處理事件。

香港無肖像權，唔影私密部位無事。

港鐵附例可以告佢

影部車之嘛

狗鐵叫人舉報的

可以告行為引起他人不安
只係告唔到拍攝私密部位ja

其實香港法律對偷拍係比較寬鬆，最新果條窺淫罪係2021年新訂既刑事，可以坐5年，現時立法尚有改進空間。

一）主要有兩條罪可以入，較重既窺淫罪會有舉證難度，影大腿腳根好難入，你要證明偷拍走光。警（犬）通常會用更容易charge入既乘客不得造成滋擾入罪close file，因為只要事主合理地覺得唔舒服就可以charge。
窺淫罪要影私密地方。「私密部位」是指某人的生殖器官、臀部、肛門範圍或胸部（不論是露出或僅有內衣遮蔽），或所穿的、遮蔽著生殖器官、臀部、肛門範圍或胸部的內衣。
港鐵附例「乘客不得造成滋擾」，有案例認罪罰款1,500元。

二）個流程如下：「警方到場檢查被告的手機，發現一段拍下女事主雙腿的影片，但沒有拍到裙底或私處。被告於警誡下承認「一時好奇，無意針對人，偷拍只係一時興起」。他又承認迷戀不同女士的雙腿及衣着，但從沒將片段公開或與他人分享，昨判罰1,500元。」

三）如果係偷拍私密地方，因為上刑事、任何人都可以合法拘捕疑犯。但可惜既係現行法律上，如果只係偷拍大腿／樣，其實個犯比人捉到可以走佬，因為港鐵附例唔係大罪，平民係無權力逮捕，反而你見義勇為你會犯法。根據《刑事訴訟程序條例》第101條，任何人都有權拘捕懷疑已干犯可逮捕罪行的人士，期間可行使合理武力，並毋須法庭手令及執法人員。可逮捕罪行是指可判12個月監禁或以上的罪行，一般打人、非禮、影裙底等違法行為都包括在內，亂過馬路則不屬於可逮捕罪行。

理論上要告嘅話 可以告有違公德罪 睇個官點判
現實係唔關國安事 麻煩唔好阻住阿sir數鳩毛

低能

點分偷拍定明拍？

條腿本身就係公眾可見地方

睇就得，拍就唔得？可能睇都唔得？

咁介意點解又要著出街？

根本無犯法，警察黎到都無用，最多勸你行開唔好再影佢

咁驚青

認真：

睇佢啲相嘅角度同影到嘅部位

如果係正常人視線會望到嘅範圍 & 非私人部位無事， 原因係合理祈望在公眾場所被人看到。

香港任何人喺公眾地方都可以合法影見到範圍內嘅其他人。

最多用口袋罪告遊蕩之類，不過唔關啲相事。
====

簡單講如果佢係低抄咁影 = 有機會告
如果低抄 + 影到私人部位 = 大機率入

如果就咁正常角度向下影腳 = 影嘅相 & 影相嘅行為唔係罪

如果手機搜到犯罪證明，唯有用無偷窺意圖黎打甩，除非你有班uncle又係法律人或者社會賢達寫信。

另外警察同事主唔拍麻煩其實應該告刑事，公眾場所唔係大曬，普通法靠個官解釋，公眾場所可以有合理隱私期望。事主可以主張雖然地鐵為公開場合，但事主係有合理隱私期望，不希望著短裙/褲時被偷拍。

如果係純人像或者無遮樣傳播，都可以應該走私隱條例民事索償精神損失，任何一個有正職既人都唔會想永無止境走法律程序，大部份人收到律師信就會走和解。

遊蕩通常少用偷拍，係附近徘徊有合理懷疑準備犯案，例如準備入屋爆格。地鐵車箱佢有合理原因停留。

唔係幾信
個男人又肯打開手機俾啲相佢睇

簡單講 , 即係手同腳係一樣既
著短袖衫露出玉臂
同著短褲/短裙露出玉腿
係相等既

會唔會稱著短褲/短裙既女人係裸露呀 ?

如果 close-up 影隻腳係犯法 , 咁同一情況下(咩私合理隱私期望呀咩私人空間呀之類原因) close-up 影隻手臂一樣算係犯法

要睇下個官受唔受 我覺得好大機會比個官串
你可以搵下案例手臂告唔告得入

我見過有人偷影 個女仔係女著長褲 條友唔知做乜春照影 警察黎到 就話「小姐 你著到咁都影唔到咩野」 就放咗條友走

唔打開手機走人就得啦
差佬嚟到其實都冇權要求你打開手機

就算有法庭命令都係得暴力破解手機 俾人兇兩兇就解真係弱智

遊蕩罪萬能嫁嘛

係
即係我旅遊狽部go pro
影到所有人
包括該人既大腿
咁是咪有違公德？

如果識玩
狽go pro上自己心口
點告

香港好多極品

咁如果見到對老人家好恩愛，影底温馨一刻，告唔告得？

臭西