香港經濟差到咁，點解政府仲周圍同人講經濟好?

而家連普通weekend 香港都冇咩人真係得個別旺嘅商場先叫多人d

好，真係唔知差係邊，企業增長勁，營利創新高，差？

伊朗都話自己日日贏

GDP你睇返私人消費開支事實係連跌四季
恆指幾年前已經係中國企業佔八成根本冇代表性同埋疫情後累計都係跌緊4%
睇返納指同期已經升咗100+%上星期五s&p500仲歷史新高
人工加2.2%但同時通脹一樣係加2%即係冇加過
樓市你睇中原CCL係已經喺高位跌咗30%
早排先話七成港人擔心失業
更加唔使講啲裁員跳樓幾十年舖執笠新聞

經濟好唔好唔係好似你咁話信數據淨係睇一個數字
事實係點根本睇唔睇數據都改變唔到

等下就得，到政府破產，國安自然無錢維繫

英皇都收皮，真係含球鏟

口號治港

1) 私人消費下降 但整體GDP升
代表經濟結構性改變緊
要詳細分析私人消費下降既類別

詳細唔講
依家經濟就係變到貧富懸殊更大化
窮人佔8成 而窮人係食緊個下降 所以窮人先會覺得好差
例如見到好多平價店鋪結業 但就見唔到高級消費排晒長龍
整體上 經濟係上升緊

2） 恆指的確反映唔到經濟
香港人普遍都買美股
美股升 反而香港人得益 仲多左錢做高級消費

3） 人工高於通漲就係反映緊經濟上升 仲要做到長期穩定通漲2% 係非常好既水平

4） 7成港人驚失業 唔代表香港經濟差
日後有Ai 全香港90%失業 唔通叫經濟差

5） 事實係點 到底信大數據 定個人感覺 就好個人了

點解要拎恆指同美國比

簡單黎講
咪有D 好
有D唔好囉
咁有人無限放大 D 唔好既
又有人無限放大D 好既

沖KPI

每日返工乜都唔使做, 講大話就有錢收
俾你做都係咁

依家儲多啲錢好過啦
本來之前每個月整一次頭髮幾千蚊好閒，而家消費降級到每個月剪$80速剪算
有得淘寶嘅嘢都唔會喺香港買
每年去一次日本買晒啲貴嘢好過喺香港買啦

1. 其實你知唔知貧富懸殊係社會問題黎，貧富懸殊越大又點能夠話香港正在越走越好；80%係窮人 （好聽d叫基層人士） 咁係咪基層生活的質素都要考慮呀。事實上而家鋪頭汁既汁死既死 行行停薪裁員（包括老字號、跨國企業）；基層點解又會覺得好差呀？其中一個大原因又因為外勞壓榨左香港工人既工作機會 因為佢地肯低價工作 咁香港呢班工人點？失去好多工作機會囉，再放遠講埋外勞點解落黎搵食，就係因為上面內地撈唔掂先湧哂落黎。而家成個市就係基層驚無左份工，老闆驚無左間鋪，業主驚比銀行call loan，銀行而家又開始唔掂 環環相扣 而家睇下邊個位爆先。咁既環境仲夠膽講經濟好？

2. 而家新聞都有報 港人消費熱點有兩個 貴既去歐洲/密住去日本；平既北上大陸你身邊d人唔通唔係咁 定你仲讀緊書

3. 其實呢個一半半 失業率都同步升緊 公說公有理 婆說婆有理

4. 大佬 唔係驚啦 失緊架啦 失業率呢就唔係一步升 而家個趨勢係慢慢升緊 建議望望相關數據。可期望地，政府唔剎停外勞失業率只會繼續上

5. 其實both 睇都係差緊… even中產高管都比人cut哂花紅，香港人都減少緊高消費活動cut costs。得閒你望下大型商場d昂貴品鋪頭仲係咪咁強人流..

定係你讀完大學都唔知人地笑緊你打字有鄉音？

00後？

你係考慮香港既弱勢群體角度去諗

我係當人人平等 支持全面開放外勞

失業率升 咁咪轉型 轉唔到咪自然淘汰

學新加坡咁 外勞做基層 本地人做白領 咁先係正確發展方向

香港經濟差，但多人玩美股
總體嚟講身家都升好多

你唔好講埋d廢話啦 新加坡本身人口幾多 香港本身人口幾多呀
剩翻果班人淘汰 你知唔知中年工人有一技旁身 一時半刻係轉唔到型/經濟壓力會快於他們轉型速度，咁失業d屋企點 政府落實措施果陣無諗過社會問題架咩？
同埋乜撚野叫淘汰 你知唔知外勞係影響緊幾大批人呀？全部失業你係想佢地拎綜援定搵個位生葬哂d工人就算

新加坡本身缺乏技術勞工就話輸入外勞姐
香港本身有本地人係到唔用 係商家而家要減cost先搶住用外勞 咁本地人工點？同埋多成百幾二萬百人 我都唔知你想點淘汰 有d地方可以借鑑 但從來都唔會可以百分百adopt到個政策落香港到

同埋企係香港人角度黎講 我真係覺得你講野好自私。基本上而家係內地經濟都爆煲先咁多人湧落香港 幫還幫而家搞到香港都有民生問題 你唔會去緊張下點保護自己呢個地方架咩
咁大愛不如救埋非洲班難民啦 人人平等呀嘛
唔好淨係拎d書面知識出黎同人駁啦 出街望下個社會發生咩事 數下條街d吉鋪 旺既時間出街睇下人流啦

唔配合政府雞棚就係軟對抗

國安法生效 唔可以認衰過以前的香港

北韓
中國
同俄羅斯都話自己有民主

夜行人吹口哨（壯膽）

冇後生養，未來都唔會好

請問點解條街咁撚多吉鋪嘅

港股上返三萬4未
點解咁多人負資產
點解條街咁多吉鋪