有體臭嘅人入嚟，救得一個得一個

買止汗水晶。名叫止汗，其柒唔止汗。但天然礦物成份可以抑制臭味細菌。

皮膚臭（汗臭/狐臭）
沖完涼，隔肋底用嚿石濕水最輕力打橫打直各捽五下；朝早起身沖唔沖涼都好照做多次，隔肋底已經有九成保證冇味。

衫臭
有啲牌子嘅止汗石有出噴霧裝，買嚟出門前噴吓件衫出汗後乾咗會臭嘅位（例如隔肋底/背），反轉嚟噴。真係體味好勁嘅噴埋自己背脊，隔肋底用返石。如果係返工著恤衫，就噴你件打底衫，總之就係噴貼身果件。

另外噴霧裝可以順手噴埋其他臭位，例如腳板（噴埋對襪就唔驚去朋友屋企除鞋尷尬）。

抑制臭味時效大概都有足一日。

係咪姐係爽膚水就有用？

已買一支 試下

我喺日本大大隻字No.1
買完之後當平時止汗劑咁搽無乜用
之後睇連登話沖完涼，乾咗個格甩底就每邊搽十下
直頭兩日出汗都唔臭，好勁

歡迎加入

明明係爽膚水竟然係臭狐救星！？

hktvmall買枝試下先

我腋下都有味, 係酸味, 唔算係作嘔
但都好尷尬, 我天生好大汗, 搵唔到咩原因

我唔係精神緊張同甲狀腺有問題
係好易出汗, 冬天唔係太凍都可以著短袖衫
夏天沖完凍水涼, 未抹乾個身就成身汗

以前冇點買新衫 d 衫好易臭
而家買多左 十件出街衫 著左幾個月就買新
咁先冇咁大陣味

有冇師兄都係好大汗 我唔知係唔係大汗症
唔想割汗腺 好似好多後遺症
但我發現左我鼻骨移位 應該好多年
唔知有冇關係

me
夏天一做運動/行路/由d冷氣地方出返室外 即刻爆汗
做運動成撚日做到對鞋都濕9晒

實際原因冇好認真搵 精神緊張有可能

師兄, 咁都忍得到?
出到黎社交同人多地方好尷尬 wor

係架 冇辦法啦夏天盡量少郁少社交
長備Gatsby紙巾

咁你覺得你大汗係咩原因

我都唔知, 一係大汗症
我情緒冇點變化 但一熱就出大汗
我係屋企張床都係咁出汗

但割汗腺就唔敢 冇頭緒咩事
你有冇睇過醫生 我係屋企坐係電腦椅
個電腦椅會濕 夏天屋企一定要開冷氣

花王彩漂都可以拎黎開水洗食用器皿?

有分洗碗用

X2

唔介意大陸野可以試下呢d，一兩日茶一次都冇味，有流汗但冇味
利申唔知咩原理/成份，風險自行承擔

今日用咗

用完即刻見效有料到
btw 胸同背脊爆出汗點解決？

由得佢出汗囉，嗰啲汗都唔會臭嘅

呢隻ok 茶完真係無汗無味

太好啦，上面有唔少師兄開始使用，搭地鐵唔使咁臭了

留名

即刻有效咁勁
咁腳汗有無得搞

真係咁有用咩

學啲細蚊仔攝條毛巾