近日本地多名香港人在澳洲報考英文能力考試PTE（Pearson Test of English）時，有考生按照系統提供嘅選項揀選「Hong Kong SAR」作為國籍，但到達考場當日竟然被考務人員拒絕入場！職員理由係「應該選 China」。事件引起考生不滿，有人形容係「制度陷阱」，亦有人批評政策執行極不一致，損害香港人權益。
其中一位考生喺社交平台表示，佢去到考場嗰陣，工作人員話因為PTE最近更改咗政策，要求持有香港、台灣、澳門護照嘅考生報名時國籍一律要填 China，否則資料「唔匹配」，不能應試。不過，佢亦指出當日有其他人填相同資料，但喺另一個考場就順利應考，顯示執行標準混亂。
澳洲港人組織澳港聯Australia-Hong Kong Link已就事件聯絡有關機構，跟進處理。澳港聯發言人話：「好多香港考生報PTE都係因為趕住申請簽證或者讀書，花咗唔少時間準備。」澳港聯形容情況對香港考生極為不公平
身處澳洲嘅KongHub成員表示都親身登入PTE官網模擬報名流程，發現當上載香港特區護照相片之後，系統會自動識別國籍為「Hong Kong」，而且呢個欄位無法手動更改。換句話講，考生根本冇得選擇，亦係跟足系統指示填寫資料，一步步完成報名程序。
KongHub成員認為，如果官方系統背後已預設為「Hong Kong」，但考場當日職員卻以「應填China」為由拒考，實屬不公，更突顯政策執行混亂：「考生根本唔知道自己做錯咗乜，一入場就被拒，真係非常無辜。」
另外有考生亦表示「Hong Kong SAR」而被即場拒考，形容「簽證就快到期，真係好無助」。佢已聯絡澳洲當地傳媒，希望集合一班有相同經歷嘅考生，一齊向有關方面反映。
source:https://konghub.net/articles/16200
臭港唔係支那殖民地咩
