[khara × SUNRISE] 機動戰士Gundam GQuuuuuuX 集中討論 25

其實愈係幻想創作，就愈講求邏輯合理
如果中途不斷改設定，咁就係唔合理
如果設定更改係劇情嘅一部分，咁都可以係合理，有啲後設嘅故事本身係咁玩

「作者大晒，唔鍾意就唔睇」呢個講法係反智，你等於同大家講袁生啲垃圾同鋼鍊係一樣
當代觀眾成日自我中心咁將個人喜好凌架於客觀質素
你可以無需理由咁鍾意/討厭一部作品，但同果部作品嘅質素係無關
創作必然有相應嘅技巧，有技巧就有高低之分
設定嚴緊度，邏輯是否通順，故事有冇深層意思，呢啲都係決定質素嘅條件
如果一部作品嘅設定可以任意更改，上一集同你講喪屍爆頭會死，然後下一集爆完頭又唔死，又唔講點解，咁呢個故事就係唔合理，唔合理就係差

例外嘅係超現實主義或者avangard藝術，因為呢類創作目的就係挑戰既存嘅邏輯同概念
但呢類作品通常抽象到你連情節都睇唔明
例如Holy Mountain，個導演成程都係啪撚左野
https://www.youtube.com/watch?v=bdXGhsAynGI

唔講唔記得side6做乜鳩改咗黑拳場地
似乎都想老太婆死
之後完全不了了之

泰坦斯真係可以講多啲

https://www.youtube.com/watch?v=KrdDWQ3JXDU

lalala版正

我講的正係"超現實主義", 呢類咁extreme的case.

都係去番大家認為"寫一部創作"的目的係為佐乜? 宜家我只會用"最純粹"的角度睇 = 我想通過寫/畫D嘢去講我想講的嘢. 巴打講的邏輯, 技巧, 手法目的都係指向一件事: 要睇果堆讀者或者觀眾, 明你想講D/表達乜嘢.

但我個人觀點係: 人哋睇唔睇得明唔明其實唔重要, 只要我講佐就得, 巴打講的袁生, 講真我都冇否定佢, 我只會好客觀咁講, 佢D作品同"超現實主義"一9樣, 我哋對唔到佢電波.

所以, 巴打講創作作品的"高低", 只係影響"讀者易唔易睇得明"同"搵唔搵到兩餐, 有冇商業化的價值"咁解. 一個唔識乜嘢創作技巧, 亂咁畫的死靚仔塗鴉, 同one, 村田雄介的創作, "本質"上係一樣的. 唔應該用"高低", "優劣"呢D咁主觀的結論詞比較, 呢方法我係好"唯心論"的.

準確D講係, "唔撚明袁生之流畫D乜, 過唔到大眾的共同審美觀, 商業化的基準", 正如我都get唔到畢加索D抽象派畫有乜咁特別咁解.

泰坦斯果兩集, 其實都幾夾硬將D至敬位炒埋一碟, 唔易入口.

創作本來就係"主觀"的行為. 夾硬用世俗化的標準去衡量主觀行為, 先係真"反智".

只有需要用創作搵兩餐/商業化時, 先要逼於無奈地套世俗化的準則去吸引多D人睇, 從而搵到錢養活自己. 袁生唔係想攞自己作品出來sell的話, 佢畫成點我都唔fucking care的.

首先商業性質與作品類型同藝術文化價值冇直接因果關係
商業作品都可以有文化價值，動畫媒體都可以係有深度藝術

你可以講當代藝術唯心，當代藝術係將意念/意圖從傳統意義上嘅技巧中剝離，令藝術成為單純嘅概念表達形式，所以先有將膠紙痴隻香蕉喺牆上面都係藝術嘅事發生
但呢類當代藝術係好講究intention of creation，寫art statement啲時間可能仲耐過創作本身
你唔好以為當代藝術就無法評價，只係換左個評價方式
當代藝術就算結果睇起黎幾鳩，你都要為呢件事充分說明
呢啲野係introduction to contemporary art就會講

你要將袁生啲垃圾fit入呢個框架，首要條件係佢從一開始就故意畫成咁，可以清楚講出咁做嘅藝術目的同訊息，再將呢件事本身認知為art work
咁好明顯佢唔係

而差嘅作品就係創作意念唔清晰，即係自己都唔知自己寫緊咩
或者創作意念無法傳達，即係創作技巧/方法差到無法表現自己嘅意念
所以一部作者無法清楚說明自己邏輯，無法自圓其說嘅作品就係差劣

類似你講緊嘅野，上世紀70年代art world已經講過
但都係講anti-interpretation，反學院派論述中心，回歸創作本身
你呢個程度係否定所有價值，連唯心都唔係，已經係虛無主義，冇任何可以討論嘅基礎

GQ 係由故事帶動角色
姐係話角色係編劇粒棋去完成編劇嘅心目中故事結構
同時要滿足UC 好多設定
角色突破同掙扎嘅成長曲線其實寫得唔明顯

點解三位主角咁多爭議？
以往高達好多時都係角色帶動故事
阿寶嘅迷茫，馬沙嘅猶疑，馬茜嘅覺悟，拉拉嘅神秘，加美尤嘅衝動，哈曼嘅孤獨，斯洛哥嘅冷酷
高達戰場上局勢嘅轉變，係由人嘅意志所改變
角色嘅性格，係大家幾十年爭論最關鍵嘅位

而被富野祝福嘅新類型人捷度嘅討論度極低
因為角色嘅掙扎同動機其實係寫得唔好
三位主角喺點兩點都係寫得唔好

最簡單嘅4W1H結構中
GQ 三位主動嘅動機係寫得唔明顯示
但如果將個焦點放咗喺鬍鬚佬上
情況就唔同
佢係齊晒4W1H，成長曲線同動機
但佢嘅角色魅力，比不上UC 上嘅經典新類型人
冇話有好極端嘅個性，係完美而冇乜瑕疵嘅角色
所以做一個「背後的」男人好符合佢個性同設定
鬍鬚佬先至係成套嘢真正嘅主角

講住咁多先

睇過陣都諗緊會唔會debug咗刀柄哩一幕

點知CLS copy & paste

你講得冇錯, 去到"極致", 就係"虛無主義"D FD. 某程度上同爭論宗教的"形而上"係異曲同工. 只係"各說各話". 冇可能有共識, 大家就此打住啦

BTW, NT交流係乜? 我個人認為光頭想表達的NT交流, 係純粹到連言語都唔使果隻, 開聊天室講野, 都只係冇其他更好手段去演譯/表達NT的交流的純粹性下, 俾觀眾睇得明, 易入口的方式 (你眼望我眼的黙劇, 觀眾唔係NT, 會唔知搞乜鬼, NT可能唔使用言語, 但觀眾要), ZZ高達第一集捷度望住嘉美尤果種"交流", 先係最貼近光頭心中的"NT"只用"思考"互相交流的純粹性.

你就算心靈感應，都要有共同概念先會對話到
最低要求都有有共情，先可以叫溝通
但你要求嘅係完全否定所有價值同結構嘅虛無，根本係拒絕對話

而且你根本連同我爭論都唔應該
因為你對於虛無嘅執著，以及反對藝術基準common ground嘅念頭，喺概念上都應該係虛無
當你否定討論嘅可能性，咁討論呢件事本身就唔應該成立

所以, 我同你根本唔係"討論"緊, 呢D叫做"各自表述". 或者叫做"交流喺睇1件事物上的立場", 或者叫做"交換見解".

以上的嘢有冇意義? 最少大家都知道彼此standing的立場啦, 唔係100%冇用的. 仲有, 當議題到最根本的層次果陣, 9成以上的時間都係交流意見(舉個爛D的例: 你口講的"ABC"其實係代表乜, 同我講的"ABC"係唔係一樣的理解架?), 而非巴打心中所想要的"討論"

類似的有光頭出名的"吉姆王誤解": 地球人"白旗" = 投降, 異星人理解的"白旗" = 死戰到底. 交流意見(非討論), 最少仲可以模到對方底/俾對手知道自己的理解係點.

有無聽過天手讓葉呢個人？

Match

https://www.facebook.com/share/1CAnCNZEgo/
咪住先"Xavier"點樣可以讀到做"艾古沙貝"?