究竟點解個疫情之後香港餐飲 零售差咗咁多

佔中無事
19年嗰排係飲食晚市少少影響
之後就疫情

但本身疫情前已經好多人淘寶 北上
淘寶都唔係咩新鮮嘢
週末北上講緊2010年左右已經好多
報復性旅行又叫完咗

之後呢點解會差咗咁多
連集團式都收皮

唔再出夜街>晚市縮水
食肆晚市係最賺

疫情之後 開關都未係最差
最差應該係今年拼多多一件包郵開始
你唔洗去感受香港市道有幾差

你去搵個集運點睇下有幾誇張就知

走咗幾多人

係大家習慣左晚上自己煮
其實個陣出18:00 先令到大家習慣左原來夜晚唔使出街食
個個都買返屋企，唔肯消費就一層加一層

個陣D餐廳老闆已經叫唔好停堂食，係唔聽
當人人都習慣左咪好似外國咁，大時大節先出黎餐廳
個個都習慣煮

生活模式改變
依家啲餐廳幾早last order , 鋪頭亦都早左關門
啲人慣左幾餸飯 煮都唔想煮
其實香港人普遍都係有錢 不過鍾意去旅行駛咁解

其實主要係成本升咗？
見佢哋個飯加到痴咗線
都話自己艱苦經營



以前落快餐店食個六粒飯都唔駛30蚊

而家一個焗豬都成80蚊
我記得以前都係4、50蚊

應該係成本加咗
但消費力又因為移民潮減
一來一回差好多掛

利申：以前成日食大家樂/大快活/麥當勞
曾經係日日幫襯

加價加到痴晒線
香港拉麵普遍一舊水碗
日本1000yen就得

中產走撚曬
你想靠食幾十蚊一餐嘅人撐啲乜

點會差咗
你唱衰國家小心國安法

問吓業主就知

走左廿幾萬中產，自己諗下

1, covid改變左好多人習慣, 之前逼住少出夜街, 慣左原來唔出夜街都冇乜問題.
2, 物價升左
3, 雖然失業率低, 但社會氣氛唔好, 冇心情係香港消費, 有錢嘅去外國洗錢, 冇錢嘅北上

原本喺香港消費開嗰班走晒

返開大陸嘅繼續返大陸

你話邊有可能唔死

遊客係少咗

無少啦 係班遊客買支水都牙痛咁

現在是 “寒蟬鳴泣之時”。

另一個原因係疫情果時過度擴張
好似金記呢D

肯消費嘅變哂窮遊

一定係美國佬搞事

我覺得三大因素
第一移民潮
第二無高質旅客
第三係外資公司真係走得太多
好多外國公司 逗住極高人工既鬼佬 一家大細住係香港
每走一間外資 就走一堆鬼佬 加加埋埋幾多個家庭
佢地日日3-4 點就happy hour
帶屋企人出街食野唔睇價錢 消費又高
除左零售/飲食
租樓比員工住宿都支撐左部份樓市
宜家個狀態 死又死唔去 但又見唔到未來咁
無眼睇

有好幾種唔同原因嘅

有啲係之前做得多外地客自由行生意一路擴充
依家收水頂唔順嗰啲咪要執

有啲只係行業息微
好似戲院咁

主力做本地中慘客嗰啲
一係移民一係物業資產貶值
又係消費少咗

不過最主要都係老闆自己對前境唔樂觀
咁就算未衰到貼地
仲有位借錢改革轉營都懶得做
早啲止蝕離場好過

支持政府，廢事軟對抗

香港罰停賽 強國加時

少左50萬中產