根本上就係又要返工搵錢 又要受老婆仔女阿爸阿媽氣 照顧得一個照顧唔到第二個
女人就乜都唔識做
女人圍爐呢度少啲見
都係話男人幫唔到手 又要返工又要做家務 仲要照顧埋自己同人哋老豆老母
但係大家指責對方嘅同時 有冇諗過點解上一代咁幸福 咁簡單
屌 因為我哋呢代人窮呀 搵十萬八萬都唔夠駛呀
首先 我哋呢代人 真係唔夠錢駛 要兩條友返晒工
唔好講乜9嘢去旅行買iPhone
一個返工一個照顧屋企 係極度困難
而家係兩個都要又返工又照顧屋企
返工又辛苦過上一代 返到屋企又要做 邊有人心情好
男人又話女人攞晒著數 要男分一半家務 又要溫柔
女人就屌已經冇人養 要返工受氣 仲要啲家務好似係女人責任 做唔足好似唔啱咁
以前啲人 一個返工搵錢 已經夠生活 另一個人就可以負責照顧屋企
咁當你係返工嗰個 返到嚟 屋企又乾淨 人又體貼 仲有飯食 乜都gur晒
當你係做家務嗰個 人哋養你養到可以俾你去同啲師奶吹下水 high下tea 洗衫煮飯都煮得開心啲
幫下手照顧埋人哋老豆老母姨媽姑姐都有時間有力
我哋呢代人 根本男人女人都係要做晒兩樣
返到個亂七八糟嘅屋企 仲要一個煮飯一個洗衫 食完仲要執要洗
要湊仔嘅 洗埋個人都未有得抖 第二朝又要返工
第二 呢代人返工辛苦到仆街
睇下啲老海鮮 人哋當年ot有錢 呢個唔係淨係錢嘅問題 係腦細唔會叫你日日OT
返工時間又chur過以前
每一個行業都有呢個講法 就係以前唔駛做呢啲呢啲
金融界以前冇咁多compliance audit冇捉得咁緊
教育界以前唔駛又顧家長又顧課外活動 加埋咁多admin
IT以前唔駛識咁撚多嘢
問邊行都好 以前都係冇咁多工作內容 唔駛識咁多嘢
以前精通中英文已經好勁 而家係三個語言先係基本
根本大家都好撚辛苦 返到屋企點會有好面口
第三係以前湊仔要求低好多
而家知識普及 知道父母同湊仔方式 會影響仔女嘅身心健康 社經地位 快樂指數 乜乜柒柒
你兩條友唔做就冇人做 唯有大家都搏命做
仲要花氣力學完再做 放工返嚟攰到仆街 但bb要interaction要eye contact先發展得好㗎嘛 想攤下屍都唔得
都未講香港嘅教育制度同前景 唔早啲準備 啲仔女大個就仆直
人哋北歐啲小朋友咁開心 唔係佢哋教育制度成功咁簡單
係人哋細個點hea 出嚟社會都夠錢開飯呀
咁人哋咪hea 香港啲細路咪由細捱到老囉
第四 照顧兩老呢個concept
以前人多 又多啲女人唔駛做 一人分啲咪分咗
5個仔5個女 咁5個新抱一日一日 5個女負責星期六日 都唔係太慘姐
而且以前都分得清楚新抱係入門 女係外嫁（全部老公養）
而家呢一代 唔獨生都係一兩個兄弟姊妹
當你3個 仔又好女又好 全部要返工
一人抽半日出嚟都難 仲要除開係每對2日幾 即係一人一日嘅話 係自己爸媽又要做 人哋老豆老母又要做
唔做人哋爸媽又俾人屌唔幫手 做埋又辛苦又唔gur
做埋伴侶嗰份就俾人屌淨係識理你自己原生家庭 唔做埋就根本唔夠 冇人照顧佢喇喎 咁點呀屌
其實大家都係慘
。 
