凱撒算唔算羅馬2千年歷史以黎第一人

軍事：8年時間將高盧變成羅馬一部分，以劣勢兵力打贏龐培

內政：曆法，金融，貨幣，教育，行政，司法，醫療，社會治安，城市衛生，奴隸，書籍，城市建設，乜柒都改革曬

文學素質：高盧戰記/內戰記

個人魅力極強，俾海賊捉鳩咗都處變不驚，講過無數好撚型既名言，半個羅馬既女佢都食過

其他俾較強既羅馬皇帝都有明顯既缺點

屋大維，軍事能力廢，要靠阿格利帕

圖拉真，有打過逆風仗證明自己

奧勒留，個仔太廢

奧勒良，執政時間太短

君士坦丁，奶基督教袋底

查士丁尼，窮兵黷武，俾庫思老撳住黎砌，唔知係咪迫害貝利薩留

希拉克略，臨老喺哈立德手上柒咗獲勁

君士坦丁五世，個朵太柒

約翰一世，執政時間短

巴西爾二世，冇後代搞到馬其頓王朝收皮

亞歷克修斯，約翰二世，米海爾八世：起手太差

托迪大帝先係

Zaniolo先係

奧古斯都先係吧
雖然軍事能力上黎講屋大維連凱撒嘅車尾燈都睇唔到
但係屋大維嘅政治能力足以彌補依個缺點
佢係真正將共和國轉換成帝國嘅開山祖師
將元首制穩定（唔似凱撒仲係萌芽階段，結果不穩到比人刺殺埋）落黎先有羅馬帝國嘅千年基業

秦始皇勁D

俾你搶咗
迪羅斯

佢應該估唔到元老會夠膽大庭廣眾殺人

個人覺得凱撒用8年吞併高盧好撚癲

同埋我主觀覺得屋大維人品唔好

搶人老婆，恰鳩提比略毒撚

基本上羅馬元首（皇帝）黎講能力頭三我覺得係無咩爭議
奧古斯都 凱撒 同圖拉真
差嘅只係排名問題
屋大維真正最厲害係年僅十八歲係毫無軍功嘅情況下同凱撒被刺殺嘅困境
以政治手段拉起一支大軍為凱撒復仇
而一個軍事能力不出眾可以牢固咁掌握軍隊先係屋大維真正跨張嘅地方
要知道羅馬元首首先係羅馬軍隊嘅司令，軍隊慣常係不會接受一個唔識打仗嘅人做皇帝（屋大維唔係完全唔識，佢只係無佢養父咁西利）
羅
所以羅馬皇帝嘅親征次數遠比東方帝國嘅皇帝多得多
羅馬帝國事實上係軍事獨裁嘅先軍帝國
凱撒由於半意外身亡（無想到佢對政敵寬容係一把雙面刃）我地唔知佢之後會點改革羅馬
但係屋大維係真正將羅馬改革成元首制
依個唔單止係做皇帝咁簡單
而係解決左由馬略起開始發現共和國不合時宜統治龐大國土嘅問題，佢建立一個穩定嘅軍隊體制去架空羅馬共和國嘅元老院，同建立初步嘅文官制度去統治依個先係最高成就
凱撒8年征服高盧同佢內戰嘅戰功固然係羅馬史上都係鳳毛麟角嘅榮耀
但係羅馬皇帝就唔缺好抽嘅
比如奧勒良 世界光復者 佢帶住差唔多十個軍團做左五年皇帝就已經東滅帕爾米，西併高盧
圖拉真 最大羅馬版圖
但係佢地嘅能力都未必及得上奧古斯都
至於人品 搶人老婆依個係羅馬上流人嘅風氣
屋大維事實上係一個好傳統嘅羅馬人
佢多番想重整返羅馬人嘅傳統美德（以法律形式）
所以佢更加似依家嘅右翼保守派

通常黎講評價皇帝我好少講私德
李世民弒兄迫父 搶弟媳 都唔阻佢第一皇帝嘅評價
除非私德差到係有害於國家 比如康茂德

如果我既排名的話

1.凱撒
2.奧勒良
3.希拉克略
4.屋大維
5.亞歷克修斯一世


我個人評價會睇重當時局勢多啲
所以除非出色到凱撒同屋大維咁，如果唔係我覺得羅馬帝國盛期啲皇帝評價高極有限，好似圖拉真，你放佢喺曼努埃爾後面上位，分分鐘都係柒

反而奧勒良，希拉克略，亞歷克修斯呢啲真係一己之力力挽狂瀾救返羅馬

約翰二世喺公元98年上位都有機會係第二個圖拉真

另外戴克里先其事都係救世主之一，但唔知佢太理想定點，點解冇諗過四帝共治會內鬥

阿一唔夠佢個仔約二厲害
主要係雖然阿一已經將馬其頓王朝末期嘅混亂救返一部分，但係佢軍事能力上不足不及約二影響力大
（約二個仔曼一比人叫大帝最過份）
希拉克略只可以話運氣都係實力嘅一環
（至於圖拉真可唔可以逆天改命我覺得你可以嘅，因為佢唔係漢武帝依種行事方式，最起碼佢軍事能力係超班先）
戴克里先當然係救世主，結束三世紀危機
佢事實上係試緊如何順暢咁交接政權（三世紀危機最大問題係羅馬帝國無一套穩定嘅政權交接傳統，所以君主一死就內戰）
佢嘗試有兩個方向，一係正式將羅馬皇帝同公民分開（告別元首制）
為皇帝建立神聖性（以東方皇帝做參考），比如皇帝唔再以第一公民為首去統治羅馬，又訂立尊卑禮儀分開皇帝同臣下嘅關係
二係佢決定自己主動退位，同自己嘅威望幫下一任保駕護航，最後證明係fail
羅馬皇帝嘅威望只係掌握軍隊嘅時候先有用
依個問題至少要到君士坦丁一世先初步解決

希拉克略算唔算死局

幾經辛苦磨贏咗波斯帝國，轉個頭彈個阿拉伯帝國出黎
不過佢後生20年應該打得贏哈立德

同埋五賢帝既涅瓦爾同安敦尼都吹太大

骰子已被擲下呢句型到，不過未必係佢自己講

我來我見我征服

拉丁文仲型

發明沙律已經好巴閉

原來您咁熟羅馬