(警世）千祈唔好玩網上百家樂

疫情到而家差唔多輸咗接近500萬
咁當然唔係場場都輸
贏錢嘅時候都收足錢的。

先簡單講一講網上百家樂
有兩種玩法

第一種就係大家平時收到訊息最容易接觸到嘅網站
先入錢，然後平台就會同你上分
贏錢可以即時cash out
呢一種叫做現金網
(贏得多有機會封帳號收唔到錢)

第二種就係叫做信用網
首先要認識一個外圍嘅莊家
然後要雙方信任
因為所有嘅贏輸數都會喺一星期後結賬。

好多人會覺得網上百家樂係假出老千
而小弟一直接觸嘅平台 都係一啲老牌子
佢哋營運嘅方法已經唔係出老千咁低端
而且成個平台唔係淨係對你一個用戶
可能係對緊全亞洲，甚至全世界
亦都有現場認證直播認證
你覺得呢鋪牌全世界買庄，佢會有古怪
你係可以買閒，庄同閒任君選擇，所以我並唔認為有出老千嘅成份。

佢哋嘅營運方法係
相信大家都知庄贏係會抽0.5水
賭場淨係賺抽0.5水 已經好足夠

網上百家樂最恐怖嘅位置就係
太過方便，節奏非常急促

簡單用例子講解一下
我之前係贏緊錢嘅時候 心態自然雄左
佢會令到你屙緊屎都想賭
咁邊度有可能一直贏落去啊
同樣輸緊錢 心態越嚟越急
更加抽離唔到
由於實在太過方便 令到你超級容易上頭。

節奏非常急促，亦都係一件超級恐怖嘅事
同樣可能你喺澳門攞一萬蚊本玩
買一樣嘅注碼 但係喺網上百家樂一定會快好多
澳門講緊係3至5分鐘一鋪
有時候嗰張枱人多10分鐘都開唔到一鋪
但係網上大家樂就唔同，所有嘢電子結算
30秒一鋪，仲可以多枱投注同時間投注幾張枱。
節奏急快越賭就會越上頭越冇理智。


庄贏會抽0.5水
節奏急快代表你投注多咗 佢抽水嘅機會自然多咗。

所以佢哋嘅營運方法並唔需要出任何老千
只需要用方便節奏急促呢一個陷阱令到你上頭
不停抽你水，已經係包賺搵贏嘅方法。

我都想有500萬輸

疫情到而家贏左500萬
多謝樓豬

咁你輸係因為你籌碼管理差
同咩平台冇關係

喺節奏急速嘅時候
基本上你淨係諗買庄定閒
都已經諗唔切 仲想點樣管理籌碼？
再加上輸緊錢或者贏緊錢心態都唔同
上晒頭點控制？

唔使多謝，比多一蚊你做帛金

咁你真係賭輸咗 好過比人呃
贏錢嘅連本帶利冇晒咪仲慘

願賭服輸
係㗎，我都聽過好多人收唔到錢

上頭係指 上司咁解喎
你噏乜嘢啊？

曾經用五千蚊三日就上左十幾萬 玩網上百家樂
戈陣仲覺得自己好醒 淨係留返幾千係個網到
剩底都已經轉曬做crypto 諗住每日贏少少就走
後尾係咁輸 已經好似為左條氣咁
係咁追 追極都輸 輸就入錢
唔洗一個鐘已經嘔返曬啲錢出去
連埋個本金仲有自己既錢
網上百家樂個節奏太快
一想追 幾張枱咁一齊輸 啲錢倒水咁
所以警世 唔好掂網上既賭場 輸錢皆因贏錢起

上網玩陳家樂🤭🤭

買庄定買閒有得諗既咩

入場前set定stop gain stop loss
贏夠輸夠就要閂app唔好再掂
佢贏你嘅原因咪就係贏你「上頭」
如果你控制唔到自己
你根本唔應該賭錢

無錯 個節奏急到癲

又作啲on9故仔 搏attention

一鋪有十幾秒時間你買
賭仔心態就係見到所謂既靚路然後冇買到 後悔
之後既心態就係一見到有路既枱就即刻狗衝落注
最後輸清光 只有輸曬既當下個人先會清醒
即使戶口仲有錢都會搏
因為有成功搏中過既經歷 所以先會有呢啲心態
Btw 已經戒左好耐
已經一見到只會諗到自己當時輸到絕望

可以網上輸得五百萬都係碎銀概念果種人，而且可以開Post討論啫係話受到打擊只係有限。
樓主如果唔係鳩吹的話
必然係猛料之人

做到就唔係賭仔啦
有邊個賭仔做到？

香港人好少唔明

你嗰五百萬應該係執返嚟
用智慧用能力賺返嚟嘅人
好少唔明白去賭場賭錢長遠無論如何一定輸

沒吹百分百係堅 但唔係猛料之人
沒覺得係碎銀，只係過咗去了
我只係換咗另外一個角度諗
身體健康已經足夠了錢都唔係萬能
如果仲不停諗緊呢500萬
就又會想追數了

賺返嚟
疫情嘅時候停咗一排做嘢
玩玩吓上咗癮
貪念出現咗

長賭必輸，線上同澳門分別係方便玩，方便借，

想知點解有500萬可以輸

其實百家樂有咩好玩？
成個 game mechanics 千篇一律
悶到喊仲要輸錢
點解會有人咁 on9 玩