澳門店舖倒閉結業消息關注組：是咁的

馬交FD麻鳩煩 2025-06-24 15:12:01

大家好，借個版面來呻吓，小弟本人公務員月入4萬幾，要輪班工作，本來算係有個幸運家庭，有個大學識嘅女朋友，依加佢變咗我老婆，有對仔女。本身生咗一個，但同老婆有共識，想追多個，老婆生完第二個後身體差咗好易病，佢依加辭咗份工係屋企湊住對仔女加休養身體，為幫輕吓佢，我請咗工人姐姐幫佢手。疫情前兩年買咗樓，依加層樓愈來愈蟹，真係應驗嗰句"自住怕乜。依加我一個人頂住頭家養三個啲生活洗費加埋供車供樓，仲有俾工人姐姐人工，唔好睇我4萬幾一個月，我每個月銀包好多時都係乾晒塘，我依加壓力都好大。以前成日係FB放閃晒幸福，拍拖又晒吓，結婚擺酒又晒吓，買車買樓又晒吓，依加FB都懶得開，因為已經覺得唔知冇咩好晒，之前啲frd成日串我係FB放閃，我理都無理佢地，覺得佢地係度酸葡萄唔抵得，當時嘅我係目空一切，係覺得自己係最幸福。
因為要慳，有時手頭緊時，同老婆最大娛樂係去M記二人世界叫個兩個餐一人一個。依個唔係我提出，係佢一直以來嘅見議。佢成日話有個陪你捱m記嘅老婆，你執到，但諗諗吓係我陪佢捱m記多啲，仲有啊姐，依加m記都唔平啊，以m記依個價錢可以食啲好食過佢有益過佢嘅嘢ga。因為佢係 M記fans，我本人對m記嘅熱情無佢咁狂熱。我識佢咁多年，我一路都唔知點解佢咁鍾意食M記，我開頭都唔介懷，因為個個後生時都鍾意食垃圾，佢想食乜我就陪佢食，依加我地兩個已經慢慢步入中年，我同佢講你身體差咗就唔好食咁多依啲垃圾食物，我一咁講佢就即時黑面，話我以前唔係咁，話我變咗。我對住佢有時都好無耐。我開始覺得我人生好似行錯咗咁，唔係話選錯老婆，而係覺得唔應該有小朋友，不過我老婆又係好鍾意小朋友，所以生咗兩個，依加屋企唔只兩個小朋友，計埋我老婆總數係三個，諗諗吓我覺得我係跌咗落個坑度加埋好似害咗對仔女咁，但我老婆又唔係唔鍚啲仔女咁，只係方法有啲錯，唉，只怪我結婚前太縱容我老婆太聽佢話，搞到佢好似覺得我樣樣嘢都應份以佢為先咁，仲有好多嘢可以講，但怕篇文太長篇。
我同啲frd好耐無出黎聚吓，好難先約到一次，佢地一見面就串我話:做咩咁耐唔見你係FB放閃嘅??今晚係咪又係11點就要返到屋企啊?另一個就話:11點算放寬咗啦，以前10點都未夠就call爆電話ga啦，一聽到依啲說話，我無聲出…………………
依加我有啲葡萄我其中一個frd，佢無我搵得咁多，但佢同佢初戀分咗手後，單身咗好多年，不過佢財政好自由，鍾意買乜就買乜，想食乜就去食乜，我初時仲時不時笑佢單身狗，依加佢見到我咁樣俾其他frd串，佢都陰陰咀笑埋一份，唔知依啲係咪報應。

連登資深會員 2025-06-24 15:13:37

中撚哂男人應該中既伏