突發性失聰

可以唔麻醉既咩
你邊間醫院打

上個月頭有一日瞓醒又係一隻耳仔聽唔到。當日已經立即睇私家耳鼻喉，診斷突發性失聰，食咗一星期類固醇完全冇改善。跟住𨍭介去做高壓氧治療，第一次做已經有好𨍭，每日做一次，做幾次後已經好返八、九成。

喺治療中心入邊見到都有其他病人，都係做幾次就好返好多，但係最緊要快應該病發10日內做效果最好。另外，通治療中心啲工作人員傾過下偈，佢哋都話近排唔知點解有好多人有突發性失聰。

你係邊間做？

都係耳鼻喉專科診所

想問你係點知要check突發性失聰
我間唔中都會單邊耳鳴十零秒
兩隻耳仔都試過

東區那打素，有需要可以打電話去佢個高壓氧治療中心(HBOT)問一問。

頭一個星期私加專科食類固醇完全冇用，我已經半放棄狀態叫自己習慣(其實都好難，因為一去多人地方嘈到扑街乜都聽唔到)，第二個星期開始去做呢個treatment，感覺好似奇蹟一樣，個treatment做完10次，依家隻耳仔聽力好返9成。

隻左耳突然一起身得返3、4成，咁好自然咪知道要去睇醫生囉。

你個case唔係突發性失聰，不過有問題就應該立即去睇專科check下。

我初時以為係中耳炎去睇家庭醫生咋
跟住醫生就幫我check完就懷疑我突發性失聰
幫我寫轉介信叫我去醫院check
去到醫院佢就會幫你做聽力測試

想問下巴打，係咪拎轉介信用HAgo 排期就ok ？ 佢咁快排到期比你？

私家冇得直接轉介去，所以你要打電話聯絡咗HBOT先，同佢哋夾一夾時間，夾到之後再係佢哋醫院排急症，走一走程序然後轉介過去。

借呢度表揚下HBOT啲醫生同工作人員，佢哋全部都好nice，好多謝佢哋幫我醫返好隻耳仔。

請問巴打 突發性失聰 打完4針後 好左一排
耳鳴又出番 係咪都可做高壓氧療程
拿打素做一次幾錢？
感謝

第一個問題你要打電話去問。第二個問題係每次$120。

唔該哂兩位 放假搵返家庭醫生問問佢先