楊明、張慧儀、黎燕珊、陳培甡、陳希寶昨晚（21日）在灣仔演藝學院為舞台劇《雷雨》尾場演出，蔡卓妍、關智斌等前來捧場。首演舞台劇的楊明與張慧儀原來每日開騷也提早數小時到場踏台板準備，楊明說：「因為第一次做舞台劇，所以早啲踩吓台板、行吓位，今次有好多粵劇界嘅老前輩演出，唔想失禮佢哋。」張慧儀指一班前輩舞台經驗豐富，自己只能夠將勤補拙。
楊明演出有板有眼，但謙稱給自己合格50分，問到可會對舞台劇上癮？他笑說：「依家仲係好驚嘅感覺，蓋過咗上癮，但係排咗咁耐，演出滿足感好大，就嚟上癮。」講到有輕微蝦碌？他說：「係呀，今晚有少少，因為有少少鼻水，所以令到講嘢有啲𦧲脷。」講到女友莊思明最擔心他忍不住笑「焗蟹」可有發生？他說：「排戲嘅時候就有忍唔住笑，但係一上到台投入咗，就已經冇想笑嘅感覺，直程笑唔出。」張慧儀也指自己有出現過蝦碌幾乎忘記接對白，但隨即接上，覺得舞台劇做現場就有這種刺激感。
