人到中年 賭到傾家蕩產 走投無路

課金抽野 玩成60萬咁癲

連登睇多咗9po 有時出樓主呢啲Po同comment 都真誠嘅幾好
樓主加油 我經驗有限 只諗到上癮呢啲嘢可以試吓轉移 一係其他興趣一係唔多賭錢嘅形式慢慢戒
睇樓主收入唔錯又無點提及其他加重負擔嘅困擾 其實都係成功同生活平安過好多人
輸錢事少 人生好多嘢輸咗仲痛

加油樓主

其實 .. 生來咩都冇 走亦帶唔走 ，夠食身體健康就好

病情同壓力影響係咁架啦
同時間仲要另外比筆錢長期睇精神科

多謝你開我眼界
我真心唔知手機game都可以課幾十個…
真係家家有本
你屋企人好叻 自己闖禍自己解決
好厲害 真心

咁第一佢有病，大家已經唔可以用正常嘅角度去睇佢呢個行為，其實佢都只係想搵個途徑宣洩壓力

三四個月打咗60幾萬，乜嘢都冇落過袋，60幾萬可以買到幾多野？佢能夠咁堅強面對返呢件事，仲要抑鬱症康復，其實真係好犀利。

抵輸既

因為我出事嘅時候 都想睇多啲過來人分享
所以打篇文出嚟
他人有人出事 自然就會search個賭字
自然搵到呢個post 隔空畀啲安慰對方
因為忽然間負債咁多 個人會好慌好亂好心噏
心力少啲 真係會冇咗條命
其實好多人suffer緊 睇下邊個企得返起身先叫贏

我覺得樓主仲還得到 已經算好好
你最多返兩年 已經還晒可以重新開始

好多人搵得小又要賭 之後一二三線都借晒再問朋友借埋先識醒覺
但去到個時 條數已經大到十年up都還唔清
對我黎講 條數只要五年內還得清 都無乜所謂.叫做交功課

師兄可能仲後生 覺得有好多時間
當去到咁上下年紀 見到同齡嘅同學/朋友
個個都走到人生另一階段
再望下自己 好自然覺得自己好失敗

賭波呢一年 我好似被偷走咗一年咁 熄咗燈 冇回憶

樓主認真答你
你呢啲階段我都經歷過，以前40歲嗰陣時炒孖展衰咗爭人哋幾球嘢，仲要講緊十幾年前，嗰陣時嘅幾球仲誇張過你而家呢個狀況，咪又係捱過咗…

加上我見你前面都話冇老婆仔女，起碼你冇呢方面負擔，重新振作好快搞掂㗎啦，而且大把人65歲先退休，老實講，你呢個年紀都仲要捱多30年 而且你爭嗰筆錢又未至於去到好大

真心未去到話搞唔掂冇彎轉 放心啦 而且大家都係普通人，我諗接近地球上九成人都係咁，成日都會好想有一番作為，但係生存咗大半世咪又係好似乜都冇做過 我都係㗎…

因為唔係好知你背景，所以冇乜實質意見俾你，但起碼我分享吓我自己啲嘢啦，你當參考吓都好
我後生去到35歲前都係好似白紙咁乜撚都冇做過份份工都打唔長，讀書又唔叻、口才又麻麻哋、仲衰過你，不過唯一優點就係自問算係好仔，亦都冇學壞咁囉 然之後高中到大學就被屋企人送咗去外國，唔好以為外國好好，都係睇際遇，我就去到35歲先搵到人生第一份正職，講緊係真係長做嗰隻
跟住之後咪又係扚起心肝，邊做嘢邊半工讀，點知40歲先賴嘢 炒孖展爭人幾球，其實都係好老土，full-time再打份part-time，然之後債務重組慢慢還，最後咪又係搞掂

起碼你冇老婆仔女要翻身好容易

支持你

你係個本身有能力既人，起得返






但好多人本身真係爛命一條，社會所有人就只會從結果上話佢點點點，佢地都無從反駁，但心底裡唔會鋸，只能壓


就好似有D劣根性重嘅香港人笑人哋送外賣，係唔讀書唔努力

冇錯

但都錯曬


好多父母，自己做人都做唔好只係將苦難傳畀後代
仲有好多環境，時代既因素


生而為人礦，唔犯法又唔係最叻果1%內， 真係冇得簡，係響好多層面上，被有設計嘅機制鎖死

當佢哋真係跌咗落坑，可以係， 唔係感覺上無望絕望爬唔起，而係， 上返黎又如何呢？做人為何呢？


所以要建立自我，一切都係一個過程，相信樓主你經此後，自己既內心會更加穩固

及時行樂同放縱係兩回事，活著就是對自己好，當你有能力對自己好，對他人黎講亦會更加有吸引力 ，可以RUN得出良性循環

我覺得其實冇所謂唔需要有焦慮
有好多人所謂嘅人生另一個階段其實咩意思？
結婚生仔，繼續返工賺錢等死？

要點樣比先為之夠呢？咁幾時先可以停落黎，自我了解，好好休息呢？

回頭望其實好多嘢都冇意思嘅

例如你某一次讀書成績高過人低過人
某一場場體育比賽贏咗定輸咗
當下情緒上好有價值
事後其實可能都唔記得


所謂嘅落後所謂行前D行後D，計係啱嘅，代表你做人認真，對自己有要求，但點計法，可能就要研究下



我結咗婚我唔生後代

但我唔會覺得我同年嘅人甚至畀我年長嘅人，佢哋唔結婚有任何問題

新一代既人智力高，好多發達地區嘅人唔單止唔生仔仲唔結婚甚至實力單身，我覺得也很好

個重點在於自己感覺有冇生命力
係咪主動積極



主動躺平
被動躺平

主動努力
被迫努力


同一個表面形式既行為，內涵差太多了

多謝師兄
上面有好多師兄話唔會戒得到 一定會再玩返
我自問 對睇波冇太大興趣 30幾年人生都冇賭開
我要信自己 我必須要信自己 話戒就要戒得到
我要戒到只可以有下一階段嘅人生
呢一年半嘅人生 我可以話 等於早死咗一年半


師兄你呢個故事好大鼓勵
我之前一直要賭 係因為唔服輸
成日諗 我要拎返失去咗嘅嘢
但今日開始 我要認 我輸咗 我認輸

師兄 坦白講 如果有老婆仔女
我未必會沉迷賭博
嗰種被分手嘅空虛感 我敵唔過 所以衰咗喺賭帶嚟嘅刺激感

你有屋企人真係好，連原生家長都有等於冇，甚至負數既人太多了


好既伴侶可以一齊作戰，不過有埋後代就真係，，，加油

多謝樓主分享
小弟25歲 前前後後都輸咗差唔多20個
雖然好似比起你地唔係好多 但係都肉赤
係呢個post立證 希望自己都可以成功戒賭
利申 仲差緊銀行10個
大家都要加油 好快又做返條好漢

師兄 你呢段文字係要有啲經歷先打到出嚟
好哲學 好正念
多謝你嘅引導我思考

大家一齊努力 之後心癮起想賭嘅 上嚟回返呢個post
傾下偈 大家屌醒大家

雖然好多人話賭仔10個有9個都戒唔到
但見樓主覆人心態都幾好
希望你會做到嗰1個，講聲加油

賭撚無救

揾野寄托
一定要 賭引唔係講兩句就有決心
揾輔導 揾所有人
寫低心路

祝你好運

一年時間就可以清到條數，抵到爛

一共輸幾多

我又係30 歲 不過我炒股輸兩球 本身係贏兩球 但衰貪心