長文 謹入 14歲生仔。我真係覺得自己好勁 一開始第一個月冇嚟M我已經察覺到自己有咗 冇用驗孕棒驗 講真我真係有少少緊張。 但我冇同屋企人講過 因為我知佢地會嘈到拆天 第兩三個月嘅時候我真實嘅感覺係冇嚟M好爽。 有運動會 我跑唔到好快 我冇唔開心 因為我知道嗰陣身體最緊要 運動會只在於過程。
第四五個月 我有諗過同屋企人坦白 但到嘴邊都係講唔出口。加上幾年嚟屋企人都冇乜傾過計。 第六七個月嗰陣個肚已經開始大同埋重 我係一直返學冇請假同埋考左上學期考試 但我著唔落校裙 呢一個月我都係著PE衫 考試都係 所以缺點數不勝數。出街行路都變慢好多。
到第八個月嘅時候 一堂PE堂要求除外套 我已經知道要俾人發現啦。PE Miss問我：我見到你個肚有啲唔對路 你係咪..有咗呀？我點頭。佢帶左我去社工室 同社工講：姑娘，佢有咗呀。佢回應：哎真係，今朝集隊都見到佢個肚有啲唔對路。過左陣就轉左令一個社工接我個kcase。問我好多問題。我大多數都係喊同啲安心 因為feel 到終於有人可以幫到我 。佢打咗俾我屋企人，叫佢地嚟同我去醫院檢查。我好驚我老母嘅反應。社工同我地一齊去到醫院嘅時候，我老母一直講過不停。
檢查結果已經好明顯 八個月中。我老母嘅心情複雜到唔知點形容。社工跟著我哋上急救車轉到去有婦產科嘅醫院 就安排左我入院做返晒七個月嘅産檢。向學校申請左休學之後我就住左半個月先出院。街上我冇理過人地嘅目光投向我。
返到屋企已經第九個月中。我心情好好多 終於可以放鬆成個人。加上比起初頭發現嘅時候個肚大好多同埋重。我心底都驚佢會係畸形 但呢個月都要定時定後去做産檢 一切都正常。就放心左。有我父母.警方.醫院.學校社工.社署社工.為我而開左個大會傾。傾完有社工嚟探我，問咗我一個佢地好多人都想知嘅問題。「其實你可以唔使假裝堅強㗎，你有咩就講出嚟 我哋會幫你㗎」講講下個社工就喊左 我笑笑口咁唔知點同佢講我冇假裝 只係由細到大好多野都係自己做。BB足月出生👶🏻
其實我想講由我知道自己有咗之後 我可以講係多左份決心。雖然呢段期間行樓梯好辛苦，身形肥咗間中被人笑都唔係唔咩大事，但我做到我自己上學期我考試成績考到屋企人由細到大都想要嘅全班頭十，屋企人開心我自己都好開心。經歷左好多好多我好難忘嘅事。我心態都係保持到。大家最想知嘅男仔，有咗第一時間有同佢講，BB出世仲拍緊拖。佢都係BB嘅父親。同年。
睇完我真心覺得呢篇嘢少少假嘅
認真諗下，屋企人邊會六七個月肚都唔會知
不過如果係真嘅話
個BB都幾慘
老豆老母腦筍都未生得埋就已經生咗自己出嚟
