掟彩虹砸界與否早前在社會引起廣泛爭議。有市民最近在室內遊樂場美國冒險樂園遊樂時，發現身旁的顧客掟出代幣後，竟成功垂直停留在「彩虹」的藍色大獎位置，直言「呢個機率有幾低」。發帖者指，起初第一名職員看過之後判斷為不中獎，及後在場其他顧客起哄，最終經理到場觀察後判斷為中獎；事件隨後引起熱議。
一度有職員表示不中獎
過往冒險樂園都間中有幸運兒成功因代幣垂直停在藍色部分而獲獎，但情況仍然十分少見。發帖者未有透露事發於哪一間分店，但透露當時有約7至8人正在掟彩虹，在有人掟出垂直代幣後大家都馬上停手，「個個都停手唔掉住，睇下佢中唔中，個個都話佢冇擲(砸)界」，又指第一次有職員表示沒有中獎，「之後個個起哄，叫經理出嚟，最尾係話中。」
帖文及後更有留言稱中獎者乃其4歲兒子，形容他只是剛好掟出垂直代幣，「喂吔，我仔得4歲咋，放過我地啦」，並附上事發一刻的另一角度照片。不少網民都讚揚中獎的顧客，「出色」、「有料」、「傳說中嘅天外飛仙」，亦有人戲言「應該喺個肚嗰度就訓練啦喎」、「撞手神童」、「我諗以後都要擲中咁樣先至會計你仲(中)藍獎」。不過，有人就指同類個案以往不時出現，只是經理可能不想爭拗或有同理心等原因，「見你爭小小，咪無謂捉到咁正」，亦有人稱職員有權判不中獎，「不過間間都派彩」，以免又成為電視節目題材。
