搭小巴都要撳鐘嘅人有無廢d？一定係大叫有落

你搭小巴都要撳鐘就好似你去痾屎唔屙尿咁

搭小巴撳鐘，你估你坐飛機叫空姐咩？香港人搭小巴一定要用盡丹田大叫『有～～～落！』你咁樣叫人地一聽就知你係地道香港人，浸街坊味出曬嚟

啱先搭小巴成程車成架靈車咁，個個落車都撳鐘，完全冇人講嘢。我深深咁感受到社會嘅冷漠。
直到小弟忍無可忍，扯盡個喉嚨大聲叫咗下：XXX有～～～落！成車氣氛立即為之一清，旁邊個大嬸即刻擘大隻眼望住我，佢心底嗰種愧疚完全收到

司機大哥唔洗講，即刻挺直咗條腰，好精神咁揮手話收到，然後嘴角微微向上，透過倒後鏡畀咗個意味深長嘅笑容畀我

落車嘅時候我哋互相對望咗一眼。有時候，男人間嘅友誼盡在不言中

記住，下次搭小巴一定要出聲講有落。撳鐘，係懦夫嘅行為。你唔配做香港人

我試過嗌xxx有落，司機無反應，原來大陸外勞黎唔識聽廣東話

咁你就可以名正言順屌柒佢，唔識廣東話憑乜嘢嚟香港做嘢

好文采，篇文值得更多

唔明整個鐘做乜
明明係香港文化黎

轉左19座，架車長左，後排d 人要嗌好大聲

比d自信大聲d咪得
乜撚野i人都係呢d多餘既設計造成

屌柒還屌柒
過左站你咪又係死死地氣行番十零分鐘番轉頭

唔熟路或者唔識中文既就要用
去到附近就按鐘

是咁的，一架小巴，十六個座位，十六種想法。而每架短途小巴，總存在一個「熱門落車地點」，即係全車16條友仔，七成都係嗰到落車，嗰嗰地方可能係「地鐵站」、「街口」、「燈位」。總之你坐上架車，已經知道嗰嗰地方係大部份人嘅目的地。
好，問題 嚟啦。
人人都係嗰度落車，但嗌「有落」嘅只係需要一位。咁邊個嗌呢？
我老死阿強嘅睇法就係：「等人嗌囉，唔通自己嗌呀？」

阿強喺香港生活咗30年，充滿住香港人應有態度！就係有咩事都好，等人出聲，都好過自己出聲！你說對不對？
每個人搭上呢架Van仔，心中總係存有一絲希望，就係「最好有其他人嗌有落啦！」
Actually，嗌句「有落」好難咩？點解唔自己嗌？

逃避心態嘅嘢你識條春咩，大學嘅Final Paper都要拖到最後一晚先爆，稅表唔到Last day唔填，我哋香港人有咩係唔可以「避」？

同埋嗌「有落」係有Cost架！你有無試過同前面個阿叔一齊擘開個嘴，兩把聲同分同秒嗌「有落呀唔該」，
同步率係100，同暴走咗嘅初號機一樣！Perfect Match，場面勁尷尬，司機亦立即減速。

另外，如果你坐最後個排，嗌「有落」其實存在危機，因為你離司機太遠！你需要運氣，將全身氣勁儲落丹田，再經個肺，大喝一聲「有落」。太激動會走音，變咗「有樂牙..唔該...」但太細聲的話，司機就有機會聽唔到！

知唔知世界上最不安係咩？唔係放榜、唔係女友唔聽電話，而係你嗌咗「有落」，但係司機大佬無遞手。

究竟司機大佬係心情麻麻唔想遞定真係聽唔到？你要明白司機大佬係性情中人，唔得罪得，所以無人知。
但全車其他人聽到你嗌「有落」，佢哋唔會Double Confirm，個責任交哂俾你。如果司機真係聽唔到飛咗站，咁係邊個嘅錯？

好明顯係你呀，又要爭住嗌，又要唔夠聲，司機唔遞手又唔嗌多次，仲唔係你錯？由嗌咗嗰刻開始，所有公民責任都落哂喺你度，壓力極大。

既然嗌「有落」都咁多陰謀論，梗係逃避啦。

好似我同阿強上次搭Van仔咁，基本上九成人都肯定係「街口有落」，因為街口隔離就係地鐵站，既方便又環保。

一上到車，大家已經暗地裡角力，心諗：「今日有無人嗌呢？」

司機大佬唔理咁多，踩到60Km，掟埋個彎，前面就係街口！

已經嚟到最後100米！前面嗰阿叔好似蠢蠢欲動！係咪想嗌呀？係就快嗌呀！因為離目的地愈近，大家一齊「撞車」講「有落」嘅機會就會相對提高！

得返80米，阿叔好似唔係好惦，隔離個師奶拎手袋，嗱！師奶只要你揚聲嗌「有落」就好似領住聖旨咁，無人夠膽插嘴呀！

得返50米，喂師奶唔嗌嘅？你唔落車唔好拎手袋啦！俾錯「熄爐」喎！點先？唔怕，坐第一排仲有個後生仔，佢細細聲講句「有落」都食糊！一嗌就做英雄救全車！嗌唔嗌？

得返30米，後生仔有啲猶疑喎，係咪信唔過？唔通要自己出手？呢個時候，成車16個人都係一個眼神，千言萬語盡在其中，想說服對方講一句「有落」。咁有默契，我哋唔去嘗試發展一段16角戀都算係社會上嘅一種浪費。

最後10米啦！大直路！「司機！前面有落啦唔該！」終於出聲，係阿強。司機大佬技術好！最後10米剎車，順便將衝力化為動能，「發」開度車門。

喺最後10米先有人嗌有落，正路應該係得佢一個有Demand要落車啦！Right？
但係最後全車16個人一齊落車，無人留底。

基本上係阿強嗌咗「有落」之後，不論阿叔又好、師奶又好、後生仔又好，大家都鬆一口氣，露出久違嘅笑容，即時拎袋，狗衝落車。

如果阿強真係唔出聲咁點？司機會直行直過，可能會有人嗌喺前少少超市有落，行返轉頭。又或者直接去總站，搭多幾分鐘行多兩步咁囉。

香港人，總覺得行先死先，出聲先無著數，盡量少做。

今次10米前有阿強，下次未必有。而小巴司機係明叔的話，都叫萬事有商量，你要落佢會停。

但係如果有日個司機叫梁振英，你又唔出聲嗌「有落」，咁就真係飛站，直行直過，將香港車去中國，賣你豬仔。

試過啲小巴司機係7、80歲伯父，
我坐左邊第2排，右邊尾排個女仔叫3次有落，
個司機都聾咗咁聽唔到，我同其他乘客大叫有人要落車先肯定，臨尾個司機仲要屌個女仔，
咁對啲聾咗嘅司機，有個鐘㩒係好事。

先肯停

樓主講得好好 絕對認同
所以我每次去建興或者發利都唔會禁鐘 我只會大叫開門
咁樣除左可以表達自己作為陀地男人果種驕傲
亦可以同時響呢個國際男人交流宴會 震懾其他男人 俾你入房先
建議樓主下次照跟

熟果條線可以咁做
唔熟就點做

上google map search就有車站名㗎啦，或者上車嘅時侯問定司機大哥：係咪經XXX？
坐最前嗰排然後差唔多到咪開聲問司機大哥lor

窮撚搭小巴你點都係廢

更多膠

小巴應該要淘汰 又冇站名又污糟 唔熟路點落車 又分段收費又要提個司機 on撚鳩

吹咩，係鐘意襟鐘仔，關你咩事

有啲公司都肯用心做嘅
會跟返晒站行

不過運輸署係鐘意批線比馬亞木嗰啲19公司

我上次坐車尾 為求司機聽到 大大聲咁嗌 點知用錯力 嗌到走埋音 司機減速 全車靜晒 下次都係撳返鐘仔算

有鐘撳鐘，無鐘先嗌
有時架車嘈或者司機發瘟會聽唔到，撳鐘保證司機一定知道，但啲鐘又成日壞

小巴最大問題係真係好撚污糟，巴士都已經算差，不過起碼有定期執執，小巴我都唔知佢地揸一個月會唔會掃一次

用廣東話屌7佢佢唔識聽，用普通話屌7佢唔識廣東話我無曬霸氣

每次都朗誦咁叫司機前面有落唔該