簡短版：訂左特典但唔齊，貨到又唔通知人，仲要瀨落我有問題，雖然肯退訂金，但影我樣。
詳細版：
是咁的，上年11月係個間店經wts訂左隻switch game限定特典，官網寫5月30日發售。之前都係呢間店出機買game，見佢大舖又開左咁多年，所以我諗應該冇問題。
幾個月前，官方宣佈限定特典取消左一部份，得返預購特典三款立牌。
到左6月頭，官網話發售中，我諗可能未返姐，於是我等到6月7日問佢有貨未？結果已讀不回。
6月20日又再問佢，然後係fb查下有冇其他店返左貨，見到佢fb原來係6月2日話有貨，當時fb相已經得返兩款立牌。後尾先同我講得返一款，但人地官網寫明係送晒以上立牌。
為免我誤會佢地，我特登問左另外兩間game舖，一律都話係送晒咁多款立牌，唔係只送其中一款。於是我就要求退款。好景間店仲要同我講︰問左官方取消左特典（但事實上只係取消一部份），講到佢地冇問題咁，亦都冇同我解釋點解我訂嘅特典淨返一款。
6月21日我上去退款。當時有其他店員問負責人點解個客要退款，負責人講「個特典冇返到個客想要個款呀」，講到好似我西客咁，我都算啦，諗住攞錢走人算。結果佢俾返錢時，要影張錢作實，我feel到店員好似影我個樣，我以為我太多疑，特登拎轉頭扮同家人講野，唔想俾佢影到，店員send wts話退左款俾我，仲有我個樣！！！個下我真係嬲到爆，影我相做咩姐，仲要問都冇問？？？（詳細對話我放最後）
真係痴線架！！！大家要訂game特典一律唔好去呢間店到訂！都唔知將你啲特典送出去，定賣左俾人？
今次我算好彩，隻game唔算熱門，係其他店到揾到現貨。我忍唔住同另一間店員呻，特典只有一款，同退款俾人影相⋯佢地一下就知我講邊間，講好肯定立牌係全部送晒俾買家，因為呢間店竟然係出game公司嘅直銷店⋯我真係誤打誤撞⋯
最後多謝你地睇到黎呢度，希望你地可以幫手share，我唔想再有人同我一樣中伏。如果可以轉發其他地方都冇問題！萬分感謝！
*******
以下係我同好景店店員對話，佢未影相前叫我再wts一次，確認我係本人，我有照做。
我：你影到我樣，麻煩你刪返相
店：我要影相作實退款
我：咁你唔洗影到我個樣架喎？
店：咩你唔係機主咩？
我：我係機主呀
店：我以為你唔介意俾人影相
我：我好介意呀，你再影過囉，我唔想俾你影到我樣
店：唔好意思，咁我地唔影樣啦
痴線，佢地做野係有咩問題？點撚解退款要影客個樣？？？我已經好火大，真係火上加油！
樓主是不是很靚女？
你匡智仔?
