而家住既面積無一千呎，但係感覺又大又舒服。
點解呢？
開頭以為有個花園（唔入積），落地玻璃望出去好寬敞，
所以有依個感覺。
頭先睇其他post有巴打話自己住一千呎，好細，
唔信英國d屋好寬敞。
諗咗一吓，以前明明香港住一千呎，
英國又係100m²，明明分別唔大，點解差咁多呢？
最後發現，原來你哋中國香港係建築面積，
即係根本唔係實呎，吹大到1000呎賣。
英國就無依d邪門左道，
我買100m²，就足呎，
唔會掛羊頭賣狗肉呃秤。
英國有d仲送賣地下室/花園，真係無計落個賣價到。
香港就唔同，咩野特色戶，天台花園，
果d呎價特別貴，喺呀，因為你都要比錢買埋果d地方。
英國d地下室入契，但係佢真係唔駛比錢的。
睇過一間屋帶地下室，同同區一般既大細flat既賣價無分別，
等於免費送比你。（當然依間好快就賣出了）
總結，香港賣一千呎，並唔係真係用到一千呎。
只係吹大咗，等買家覺得感覺良好。
住緊一千呎屋喎，爽。當然管理費都按照依個呎價收。
而英國買到100m²，真係大過香港所謂一千呎。
面積確實係大過中國香港。
P S（100平方米等於1076.39平方英尺）
建議面積就自己打個7折
