唔想再搶飛，我想搵人一齊做個公平嘅平台

我係 Kyle，一個人自己砌緊一個文化票務平台叫 CivicTix。

香港咁多演唱會、舞台劇、展覽，點解每次買飛都變咗一場比機械人搶輸、比黃牛炒爆嘅仗？我唔甘心。

---

CivicTix 嘅初心係：

• ✊ 用抽籤代替搶飛
• 🔐 實名制、防止炒飛
• 🎭 打造屬於香港人嘅文化平台，唔止買飛，仲幫人搵演出、推活動、記得現場感動


我已砌好基本品牌設計、網站架構、前端開發（Next.js）都做緊。
但我一個人唔夠，希望搵志同道合嘅你一齊打拼：

---

🔎 想搵嘅拍檔：

👨🏻‍💻 Developer：React／Next／Node，唔需要 full stack，只要想一齊玩
📋 Admin／Ops：幫手整理任務、安排會議、推進流程
💡 內容／策劃人：識寫、識玩、有靈感，想為城市搞啲文化嘢

---

我冇資金，但會公平分 credit、有 ownership、未來股份可傾
希望搵嘅唔係 freelancer，而係真正想 join 嘅拍檔

📩 如果你有興趣，DM 傾下；唔 join 分享俾你朋友都好開心！

DM左
樓主checkcheck 😊🙏

我要去邊度check？

你覺得對於啲主辦單位嚟講有咩吸引力要係你個平台度賣飛？

我已經搶到呢個平台嘅公測資格想要嘅問我攞
會議市價再加50%放售

• 🎭 打造屬於香港人嘅文化平台，唔止買飛，仲幫人搵演出、推活動、記得現場感動

好多主辦梗係想自己賣飛攞盡利潤，我完全理解。但正正因為咁，CivicTix 唔係搶走佢哋票務，而係提供一個 「信任＋品牌價值＋制度透明」 嘅新選擇。🎯 主辦用 CivicTix，有幾個吸引位：1️⃣ 減少投訴＋提升觀眾信任
👉 抽籤＋實名＋公開分配比例，唔會再被黃牛炒價鬧爆
👉 對觀眾嚟講更公平 → 提升活動品牌形象2️⃣ 特別適合主打文化、創作、品牌講態度嘅演出
👉 用 CivicTix 比賣飛，更似「show 出立場」
👉 對目標 audience 嚟講反而更吸引（有價值觀、有社會信任）

3️⃣ 平台亦會為主辦提供推廣、觀眾分析、信任機制支援
👉 等你唔係淨係得張 QR code，而係有一套系統 + 故事幫你 deliver

以上內容我本人冇承認過，澄清返先

黃牛究竟點搶到飛？
https://lih.kg/gNeouT

冇用架,依家除咗"真"黃牛之外,仲有官方自己做黃牛
唔係點會次次公售之後一堆IG黃牛幾倍賣出去都冇人拉

💭 當制度污濁，仲有冇得變？

有，但一定唔係靠靠鬧，而係靠 另起爐灶，試一種唔同嘅玩法。

CivicTix 唔係幻想可以淨係靠抽籤消滅黃牛，而係從幾個根本方向入手：

• 公開透明票數分配：幾多張飛係抽籤？幾多主辦保留？觀眾知道晒
• 限制轉售／實名認證：買咗就係你，唔炒得
• 制度先行，而唔係技術補漏：呢個唔係 server 坐唔住，而係人制度搞出嚟嘅事
• 平台唔配合主辦黑箱操作：用 CivicTix 唔係要將佢哋利益最大化，而係信用最大化

樓主, 如果你係真嘅話, 我欣賞你

一場演唱會需要贊助商
贊助商拎到啲飛番黎
拎黎做生意送飛俾佢自己啲客
拎黎內部認購俾自己同事
拎黎做marketing 派俾記者
仲要唔只一個贊助商
仲有主辦單位呀歌迷會呀要分飛
最後响公眾平台賣嘅飛如果有三成已經好多
我主要想講你搶唔到飛唔係個平台做得唔好
係制度搞成咁

多謝

我都明，成個制度真係黑得嚟令人無力，有啲主辦甚至連抽都唔俾、連放幾多票都唔講，但我哋做 CivicTix 就係唔想再接受「只能咁」呢個預設。
成個環境改變唔到，我哋就改變我哋手上改到嘅部分——就算只係 5,000 張票，我哋都會保障佢係真公平抽，唔係假希望、唔係比熟人、唔係比黃牛。
CivicTix 唔係拎住夢想走，而係拎住一個清楚可執行嘅制度，想一步一步 build 出一個「觀眾有選擇、主辦有信任」嘅新場景。
唔係要打爛晒所有人方法，而係想開一條乾淨、公平、講得出邊張飛屬於邊個嘅平行路線。

虛心請教一下：
1) 外國係唔係都係咁, 定只係香港係咁難搶飛？
2) 啟德嘅出現會唔會令啲飛易買咗？

以日本為例，其實佢哋都唔係冇搶飛問題，但最大分別係：大部分演唱會都係抽票制為主，分階段公開、比例清晰、再加官方轉讓制度，先有粉絲會抽票，再有一般抽票，最後先到先得公開售票，如果唔去，可以用官方平台原價轉讓
所以唔係冇炒飛，而係制度本身唔鼓勵炒飛，觀眾知道自己抽緊咩、買緊咩，唔係盲搶。

至於啟德體育園會唔會改善情況？

場地大咗，理論上飛數多咗，但如果制度唔變，多咗飛都未必落到觀眾手上。

香港就係因為主辦唔想行實名制 所以先有黃牛問題 但你就話整個實名平台俾人抽飛 咁點解香港啲主辦唔直接揾最大個兩間搞實名？

市面上嘅平台已經做到抽籤+實名
但係主辦都因為各種因素無用依個方式
你覺得你個平台有咩優勢可以吸引到主辦方用？

樓主既諗法係好
但係只限文化野, 因為concert 商業考量就係sponsor 佔7成飛, 得返三成係公眾
黃牛係同時幫緊主辦炒+自己炒

以上講嘅面向嘅Target audience係觀眾，但真正嘅Target audience應該係主辦單位？
呢啲係呢個平台嘅賣點，但唔一定係主辦單位用呢個平台嘅原因。

樓主問完AI就算
有冇諗實際操作？

先講實名制
入場對身份對幾耐？幾多人手驗？你個場幾大坐幾多人？紅館過萬，啟德幾萬，要預返好多時間去排隊驗，呢D人手成本個個主辦都想慳返
除非有方法自助驗得嚟又安全，D資料點處理點保護？換轉你係觀眾，你點信呢間賣飛公司/主辦單位呢？

而家好多活動都有一定份額飛係內部用，贊助商有，表演者又有，甚至有D係攪活動抽獎用，拎嚟派果D又好難實名


之類你話抽籤+實名，咁抽籤打算點抽？用咩方法抽？抽的過程會唔會即時live?唔係人地會以為你係假抽，一場show還好，有D一開10場8場，咁點分配？有D人可能只可以睇星期日，而有D觀眾求其有飛都肯，未必一定要死某日，要死某日仲可能令自己機會降低，咁你打算點定？

同埋初心好硬膠
賣得好既代理
根本唔需要理黃牛問題 什至咁先搵得貴sponsor
比你搞到無黃牛 個個自己買到
就唔會有sponsor十倍價錢贊助
明明可炒賣可轉讓個價值更高
你反轉叫佢地降低價值 人地點解要咁做？

實名制咪又係可以加錢轉讓，曬鳩氣

唔知真定假
如果真，佩服你有火做到咁既野
但同時應該驗下智商

真心respect你

但唔想你浪費時間
除非你本身有底 有資源
普通市民諗住砌個app改變生態 就真心無可能

始終掌握源頭係政府
政府中標一定要有咁上下規模
佢點會判賣飛咁重要事項出去比細公司

私人演唱會某程度上更加係樂意有黃牛存在
唔係點樣搵贊助商
什麼什麼保險 留7成飛比內部
3成出去炒 先顯得珍貴

各大保險先可以咁樣用人情牌去留客