居屋公屋裝修新手村 – 1

相信唔少人都好似我咁，無乜錢又唔夠窮，經過努力終於有間居屋 / 公屋，要煩裝修但乜都唔識，最驚就係爛尾。或者比咗幾十萬之後仲未完工，不停要補錢 / 後加項目，所以想開個PO，大家交流下。而講明係新手村，希望有經驗或行內人士唔好笑我哋嘅低能問題，指教下

由於係居屋、公屋，違規改建(改開廚等) 就唔喺度討論喇

以下係我目前收集到嘅資料:
一般裝修預1000/尺 (唔計家電)
搵設計師或靚料 $1200-$1500/尺

裝修流程及工期時間
1. 與裝修公司 / 室內設計公司見面
2. 製訂合約
3. 現場度尺
4. 繪製施工圖
5. 清拆：需要約1星期的時間
清拆是裝修工程的第一步，開工前，戶主需要確保已買第三者責任保險，並向屋苑管理處申請裝修、搭棚等。工程會拆除不要的舊裝修，如磁磚、地板、入牆傢俬等；
6. 建牆(如有)：需要1星期的時間
如有間格改動，拆牆後師傅可選擇在此時砌牆。
7. 水電：需要2.5-3星期的時間
戶主此時要確認電掣插座及來去水口位置，為了方便日後使用，在此時就要設計好電燈、家具、冷氣等位置。除了水喉和電線，煤氣、電話、寬頻以及分體式冷氣的管線亦是在此時鋪設。如要換煤氣喉或寬頻公司，就要再次安排煤氣公司上門和親自聯絡寬頻公司。
8. 鋁窗(如有)：需要1星期的時間安裝
9. 泥水：需要2.5-3星期
除了平整地台和牆身、做防水處理外，鋪磚亦是泥水師傅的工作。視乎磁磚的存貨，業主需要提前兩至三星期訂磚，通常在清拆工程進行期間或之前。浴缸要配合泥水安裝，所以也需要提早購買，預留時間送貨。
10. 前期木工：需要1星期
木工師傅就會開始製作現場木工，如果有在你的單位即場將一塊塊木板變成燈槽、隱藏窗簾路軌的木殼、隱藏冷氣機的木殼、假天花、特式牆等等。
11. 油漆：需要2-3星期
油漆與木工通常會同時間進行，從現場木工開始，油漆師傅就會不時出現，直至工程完結為止。因為部分木工需要油漆「收口」(填補縫隙)，而某些安裝工程亦無可避免會刮花油漆，需要補油。
12. 後期木工：需要2星期
油漆工程做到大半，木工師傅就會將早前根據你要求訂造的家俬，運到單位裝嵌。此外，木門、門框、木地板亦會在此時安裝。
13. 安裝潔具/小五金/執漏：需要1星期
裝修已接近尾聲。師傅會將你訂購的潔具如洗手盆、鋅盆、座廁、水龍頭，與及燈具、掣面、電器、窗台石等安裝好。
14. 交收：驗收單位時，仔細檢項每個項目，如門窗、插座、水龍頭、油漆等等。但也有些問題要住下來才發現，保養期就顯得十分重要。記得要記下所有問題，集合起來一次過叫師傅上門處理，就可以安心住在新居內。

＊時間只屬參考，實際情況也要視乎當時裝修項目大小及複雜情況而定＊
(CREDIT TO ECHOUSE)

目前首先想請教，就係清水樓收樓，有冇需要搵驗樓師呢? 有啲坊間驗樓師收$3-$5/尺，計落唔貴，但如果自己唔識，搵咗個無料到嘅，白白比人賺千幾蚊，最後又要加錢比裝修佬執咪好蠢囉
定係自己睇YOUTUBE學完，有問題搵房署執仲好呢

準備煩到仆街

我都諗緊收樓就裝修
定係等3-4 個月，等部分單位裝咗修先

怕咁早入伙，周圍都裝修，好嘈又會沙塵滾滾

我覺得裝修好先，電器就遲啲先搬入去
因為怕遇到惡劣天氣或其他,被迫要拖延

樓主會唔會早收樓好多搵裝修公司簽約？

等多4個月即係10月
做3個月又過年，咁樣玩鳩自己？

唔會,暫時首選係搵親友幫襯過嗰位師傅,但要知道確實收樓時間先可以約實,後備方案係承仔

我打算過幾個月等翔東邨收樓，就去睇定兩三間承仔

知唔知邊頭多裝修公司
諗住搵街鋪唔搵Fb果啲了

承仔個價算叫做平 但手工就真係見人見智

街鋪應該旺角快富街 新填地街個邊多d
不過有街鋪 個價應該都係中上水平

諗住香港剩做水電同泥水
傢俬就上深圳訂做
4百幾呎希望40萬樓下搞掂晒裝修傢俬電器

lm

lm

加埋電器就應該抆少少

另外你裝修同傢俬分開做 要搞清楚收口邊個負責 通常都係你推我 我推你

磚多數業主買 因為個價錢可以相差太大

係 裝定唔咁快入去住都得，如果等人地裝完你先黎裝 到你搞到沙塵滾滾D鄰居實好多謝你

自己買磚要唔要預多幾多？

記得合約要寫明幾時完工 清楚年月日 唔好寫工作天 工作天係任佢講 個裝修佬事後話開工先計工作天你都吹佢唔賬 一定要寫清楚完工日期

每個項目寫清楚價錢 會用咩料

保留所有單據 宣傳單張

查清楚有無牌 有牌衰極有限度 無牌既就做完一水就走佬 甚至呃錢爛尾

唔好信個啲咩示範單位 分分鐘係啲黑裝修打龍通整出黎

最好合約寫明業主有權即時終止裝修計數

所有想裝修記住 你係客 唔好俾個裝修佬帶到 如果唔肯簽既話就next下個 唔好貪平

通常預多5-10%損耗
正常你問個師傅 佢會幫你計埋要幾多
不過你要揀咗做咩類型嘅磚先

Lm有幸同樓主做鄰居

再補充多小小

啲材料最好記得哂係咩黎 日後有壞自己整 或 補油都方便

防水西卡基本配置 廁所防水最好小好多煩惱

電掣預多好過預小 如果洗手間想裝浴室真建議天花式 但要拉多條20a線

唔好揀個啲咩白色支那 花紋 香港屋細整出黎唔會好睇

sink 盤 水龍頭 原色 不鏽鋼最好 黑色 槍灰一開始係好睇 用耐左你就明

自己買啦