三國算唔算一個好嘅時代？

其實三國雖然多戰爭，但都不失爲一個好時代，特別依家用開放態度去睇。

將帥可大放光芒唔使講，文政方面都難得地唔黑暗。文政人員各盡其材，盡力實現自己理想：曹操納士不論貴賤，衹論才能；曹魏出建安七子；劉備禮賢下士更不必講，佢建立嘅勢力，直至佢仔嗰代，向心力係三國最高最團結，蜀漢內部除咗楊儀魏延同諸葛李嚴嘅鬥爭之外就冇太大嘅內鬥，而且上述鬥爭影響亦好細，蜀漢文武鮮有失和，權力交接同分配亦穩定，劉備善於團結，諸葛姜維雖得大權但非常盡忠，以至君臣間和諧相處；孫吳四大都督大放異彩，孫權晚年雖然冇善待群臣，但由佢伯爺嗰代到佢晚年前，孫氏對臣子都非常唔錯，孫權本人早中年對魯肅，周泰，呂蒙等人都非常禮貌關心。逼害，冤獄，文字獄等等，唔會話冇，但相比其他時代，三國總算係求材若渴嘅時代。

呢段時期一次過出咗唔少英主，君臣之間冇明清年代嗰種“奴才制”，君臣經常互相試探，君主亦喜怒無常，喜好權術，權臣亦弄權誤國。

一啲差嘅人，諸如華而不實嘅袁氏兄弟，反覆無常嘅呂布，殘暴嘅董卓等都不得好死，算係良幣逐劣幣。

你做漢末徐州人唔會咁講

不過對比永嘉之亂，八王之亂都仲係樂土

比起後世君臣之間嘅角力，君主喜怒無常，臣子嘅冇腰骨，漢末三國嘅君臣關係好似平等啲。至少冇咁奴性重。
但你話死人，咁三國前中期都真係大鑊，後期鼎立好啲，戰爭多數喺邊界，而且最重要係鼎立後大家識得睇住嚟食，變相打少好多仗。

睇下你住邊
交州益州應該安全

on9
你以為自己係呂布
最尾只會做砲灰

你有料咪係囉 但係對平民嚟講 有戰亂既時代就係唔好既時代

人口無左成大半，十室九空，死人無數，經濟破敗。

你只係企係君臣角度去睇..... 呢個亂世人口唔見一大半，成年就被捉去做前排，今日唔知聽日事，點會係好時代。貞觀果啲先係好時代，百姓富足

寧作太平犬，都啱嘅。

Topic應該加返'政治層面上'

你係平民走出個城2步就比流民捉左黎煮啦
再唔係就城破被黃巾軍裹從做炮灰一部分

山坡羊
潼關懷古
作者：張養浩 元
峰巒如聚，波濤如怒，山河表裏潼關路。
望西都，意躊躕，傷心秦漢經行處，宮闕萬間都做了土。
興，百姓苦；亡，百姓苦。

最尾果句寫得好，帝皇/極權，無論咩時候都係苦百性，肥自己。

受教了。

你拎東漢人口頂峰對比三國人口

黃巾後仗無停，天災無停

所以近年我都由以前英雄角度睇歷史慢慢解毒咁走返出嚟。
邊有咁多蘇軾<赤壁懷古>咁浪漫，一將功成萬骨枯就有。

二月賣新絲，五月糶新谷。醫得眼前瘡，剜卻心頭肉。
我願君王心，化作光明燭。不照綺羅筵，只照逃亡屋
咩朝代做平民都係死
普通人有好日子過都係呢百年都無嘅事

所以最主要係個制度問題。唔係民主有幾好，係極權政權實在太很仆街。

唔熟歷史，三國時代，嶺南好似廣東，港澳呢D地方係咪比較安全?

後期嘅愚民奴化政策更加將成個民族推入習慣惶恐不安嘅文化深淵入面。

都有孫吳打壓濫殺嘅問題，至於整體就如前面Ching所説，寧爲太平犬，莫做亂世人。

曹魏都不枉多讓
曹魏為左生砲灰強行用屯田限死一大班人做奴隸（士家制度）

相對上劉備似乎得嗰邊比較人性化啲，冇乜奴役同屠殺記載。

夫濟大事必以人為本，今人歸吾，吾何忍棄去！

依個算係劉備政治理念嘅問題，劉備最深層都相信成大事要以人為本

做平民都唔知幾慘
無喇喇徵去打仗