陸詩韻被爸爸批中「冇人要」
陸詩韻近年活躍於內地平台，近月她的主要話題均圍繞個人單身生活，雖然她強調最重要自己有能力，但「少了個肩膀」始終讓她有難受的時候，看到她獨自湊貓、於家中食麵包，孤獨的況味充斥於她的影片中。早前她就拍片指，被父親講中「冇人要」：「老竇話我冇人要點知真係中咗！」她表示自小其父都表示「你咁野蠻，冇人要呀」：「真係畀佢講中，我諗佢會覺得好自豪，但我想講，我唔係冇人要，係我覺得冇咁嘅需要住！」
陸詩韻擇偶外表零要求
近日陸詩韻於影片中再談男女感情問題，她於帖子中寫道：「選對象，其實我要求很低」，於影片中她表示未來男友於外表上沒要求：「有大肚腩沒所謂，大肚腩得嚟健康就得。冇頭髮？對我嚟講亦唔介意，比我矮？我亦唔覺得係一個問題」。她表示希望未來男友乾淨、整齊，最重要要孝順，另外亦會採取主動，並且有幽默感就可以。而何謂男女朋友間的甜蜜，她的要求亦很簡單：「其實一句早晨，每日起身話我聽有記得我，我已覺好Sweet。」
陸詩韻曾遭前度累欠債340萬
現時44歲的陸詩韻2005年成為香港小姐亞軍，隨後簽約TVB，不過發展卻平平，大多飾演配角及擔任主持。2009年她約滿TVB後就離巢息影從商，現時主要經營自家品牌內衣褲及自家護膚品生意，疫情期間一度錄得破百萬營業額。陸詩韻近年一直專注做生意，甚少傳出戀情。早年有傳她被前男友馬來西亞富商吳銘偉連累欠債340萬，雖然兩人拍拖9個月便分手，但她是欠款案的擔保人，因而被入稟追討欠款，她遂向法庭申請將前男友公司清盤。她曾指當時是自己的人生低潮，甚至一度想過自殺。最後她於一年內就還清債務。
唔撚係掛