其實係咪攪親裝修都一定係不愉快經歷？

話說我最近攪完屋企全屋裝修，發覺由傾design，報價落訂，做緊到做完都係好多受氣位。

香港既裝修公司收費間間都有啲唔同，我揀嗰間就做少少初步design，之後岩睇就收幾千蚊down payment就做埋全屋3D圖同報價。 咁做3D圖嗰陣自自然然就會有啲位想改咁。有野改就自然有機會有錢加減，正常就都係想改到岩 報價都match個design先落大訂。事關7x萬工程 佢個大訂都40%。

咁可能因為我唔係好趕住做，始終屋主係我屋企人，人一多，時間又多既時候意見就多，同好多野都係埋枱傾到先發現同設計師理解唔同/有啲野做唔到咁，如是者執左3,4次之後就決定俾呢間公司做，但因為應該仲有野想改，所以就同裝修公司嗰邊agree左我俾到25k佢先 等傾好埋個design之後先落大訂。

之後前前後後都夾多左5,6次，但基本上除左頭嗰2,3次傾野係順利之外，後期開始個老細就好多小動作，例如嗰日mark完啲comment叫佢影印返份佢又話未落訂無得print，有野改左要佢報返價佢又俾啲說話黎聽話佢唔係報價園咁，又久唔久就chur我落大訂咁，總之意思就係未落大訂就好多野都唔想傾。攪到中間其實真係有諗過仲搵唔搵佢做，因為好似搵親佢傾都有氣受咁。

好喇咁之後落左大訂就開工啦，我個工程就唔使攪啲窗既，佢又唔知點解可以攪到我啲窗既鎖耳無左 有幾隻窗鎖唔到，然後佢唔認數。後來又攪到樓下漏水攪到我差啲俾人告。咁我都唔識判斷係屋企個設計本身有問題定工程有問題啦，總之嗰排就好苦惱。工程公司就例牌唔認數，一啲責任都唔想孭。

到而家完左工，好好彩佢啲手工唔算差，問題唔算多，基本上我入晒傢俬之後，佢要執嘅defects都係唔算多，咁我就叫左佢地上黎執啦，因為佢地係話完工半年內可以上黎執一次油漆。
咁如是者佢就上左黎執左一次油，但有少少位執完都仲係見到花左 同新發現左有一條裂縫，不過再同佢地講就已經唔應機了，因為已經俾晒錢。我諗佢依家應該等夠半年期就當close file。

想知其實有無人係好順利攪掂屋企裝修？其實係間間裝修公司都係咁定其實有啲會處理得好啲？

我呢間好既位就係個designer算跟得貼。我聽過有啲裝修公司係design都未傾好就收90%訂 然後有野改就係咁加你價，又或者次次同你傾design嗰個人都唔同，好似hea 9你咁

建議開名

聽落都好正常喎
咁多嘢夾要完美順利應該都好難
裝修真係好鬼煩
今次吸收到經驗，下次應該會順利啲掛

嗰25k訂叫佢繼續攪design其實係我自propose架，佢係一開波咩都未傾好就想chur我40%

名？

搵之前有無 check 過黑裝修名單 ?

Lm

可以答你 一定有不愉快經歷 手工差係基本 唔覆機係常態 執漏執極都漏 不過好彩就唔爛尾 冇漏水問題已經當ok. 搞一次裝修，真係命都短幾年

我覺得我搵到間手工好 會即日內覆(除非星期6日) 無要執漏 無漏水
我真係幾有眼光不枉我去左差唔多6間設計/裝修公司傾

有搵過啊 但嗰陣無搵到on list, 同我都唔知依家咁佢算唔算黑

聽落好似基本上只要係街客小業主就注定俾人湯咁所謂豪裝都不過係間工程公司夾9住你跟佢意思做咁 仲要貴到hihi

搵黑工

幾十萬仲要受氣好慘

都唔一定嘅

裝修係煩，但我果陣又冇不愉快經歷，我係落左10％訂先開始做設計，正式入場再落10％，之後好似再分左4期比。由頭到尾都幾順利，負責果幾個都跟得幾足。

其實都係人夾人，間設計公司都係有朋友用過覺得幾好所以簡呢間。

介紹下得唔得

唔得 廢事俾人話打手
只能講傾個時觀察間鋪既人有無耐心好重要，有幾多唔怕煩問幾多，肯全部細心有耐性咁解釋就GOOD。同埋我搵既係無設計既裝修公司，所有野都我自己話事，磚都自己深圳揀，地板都自己買，都幾煩同花時間。

屌 好既又唔開名 差既又唔開名 都唔知討論乜春

你呢隻即係裝修公司淨係出人手
其他野你自己搞
咁咪慳左一舊錢
唔知你啲野複唔複雜
一般啲師傅做standard野以外就會話唔識做
或者直頭照佢諗法做埋焗你硬食都好撚煩

一般人淨係想慳/慳到設計/跟單嘅費用
到時就屌哂鬼話中伏
但其實啲師傅手工無問題
係做左啲唔係原本想要嘅野啫

呢個情況係咪香港獨有？

其實係睇你要求有幾高，同埋有幾多嘢要tailor，我試個同一個裝修師傅，我用過兩次都覺得好好，介紹俾我朋友用就屌到仆街

良心裝修佬一早餓死晒
淨番個班
一係劏你
一係劏鳩你

香港搵裝修=一定中伏

講中晒，究竟係全世界都咁定係香港特色

最撚多係老點
講完又唔撚算