學八字算命嘅大家當初係點樣學判斷身強身弱？

有啲地方係話日主出世個季節要得令
又話月柱佔嘅比重較大
想向大家請教吓 想知道呢個講法啱唔啱
事緣係我自學算命 最近開始幫身邊啲朋友算
有個朋友俾其他算命佬講到身極強
但明明我算出嚟嘅結果係中等偏向身弱
於是我走去用論八字、AI同埋其他排盤工具幫手
結果就兩個version都有
而家都唔知信邊個version好
個人堅信自己算得冇錯
有個講法係身太強會剋老竇 身太弱剋老母
我感覺上個friend全家都好幸福
個老竇年紀大但身體好好健步如風
我完全唔覺得佢剋老竇
順帶一提：個人認為根據窮通寶鑑嚟講，呢個friend條命應該幾好，直頭係呢本書入面講嗰啲好命例子，齊晒佢條命最需要嘅喜用神。

有個講法係身太強會剋老竇 身太弱剋老母
唔能夠咁睇。我明白呢個理論點黎，有人以財為父，印為母，身強財弱所以剋父，身弱印弱所以剋母。但八字唔能夠一個字代表所有野，有啲人應驗喺剋父剋母上面，但只係一部分。
同埋算命唔講幾時應驗，其實未入流。剋父剋母，咁父母邊個大運乃至邊個流年離世？呢個理論無答你。

明白 收到 多謝指教
咁講的話我嗰個朋友嗰日睇過嘅算命佬個講法唔準
我嗰個朋友佢俾人話身太強剋老竇又話佢老竇身體應該唔好
佢自己聽完都心諗咩料 明明佢個老竇比同齡嘅老人家健康

既然分唔到身強身弱，不如試下唔分身強弱情況之下去論命？
有啲八字流派唔理身強身弱，或者唔太依賴強弱去論命。例如五行派、納音派，盲派都有一啲技法唔依賴強弱，例如干支取象。

請問即係好似窮通寶鑑嗰種咁樣嗎？
因為記得窮通寶鑑係講每個屬性嘅命主配搭咩組合會有啲咩結果咁樣
呢種算叫做五行派嗎？

唔係，五行派係近現代先出現，早期人物包括胡一鳴。呢套唔理身強弱，只睇合同生剋組合、相互作用。

有個朋友俾其他算命佬講到身極強
但明明我算出嚟嘅結果係中等偏向身弱

朋友八字係咪有三合局？通常咁樣比較有機會唔同人出現相反結論

你所講嘅三合局係咪申子辰、巳酉丑、寅午戍、亥卯未？
如果係呢種嘅話肯定沒有了

yes
咁你覺得嗰位算命師有無用到合化？btw我幾乎唔睇合化

無八字我就唔落結論。但通常如果月令唔生助日主，唔會達到身極強。

我都幾肯定月令唔係生日主
我諗正常嘅八字應該唔會係戊／己土日主喺寅/卯月出世係身強極