但你一入行 就係比「AI搶飯碗」
而家AI勁到飛起，幾乎乜都識做，分分鐘你啱啱學識嘅嘢，已經俾AI代替咗。
同埋呢條路係「無止境學習」，一停一步，就會俾人技術淘汰。行內有啲三十幾歲嘅人，因為技術out date咗，搵工都冇人請。
公司請人，prefer啲後生又學得快嘅，人工仲平啲。啲老IT人，如果冇keep住學、冇時間upskill，分分鐘真係坐喺度等炒魷。
再加埋AI而家咁勁，代碼生成、debug、系統設計，AI都幫你做埋。以前需要十個人嘅team，而家可能兩三個就搞掂。你話老細會點揀？當然係揀啲有最新技術、識AI嘅人啦。你話，咁大壓力，仲值唔值得入行？
所以，我話你聽，入行IT唔係淨係話「識寫code」就得，你要日日學、日日追，仲要有心理準備，三十幾四十歲，可能已經有後生仔後生女搶你位。人生有咁多條路，點解要揀條咁辛苦又冇保障嘅？
如果真係好想入IT，記住：一定要keep住學嘢，唔好以為學完出嚟就可以安枕無憂；仲要諗清楚自己有冇咁大毅力，日日對住冷冰冰嘅電腦同埋無止境嘅新技術。
最後，唔好盲目追潮流，搵條真正啱自己，又行得長遠嘅路，唔好到時三十幾歲先發現自己已經俾市場淘汰，後悔都遲啦！
會計及稅法碩士 cuny bootcamp (python sql) 金融bba 副修哲學