混血網紅二奶丁丁分享近況打風打唔甩　用《回魂夜》歌詞寸爆花生友

著名YouTuber「混血肥仔」，早前捲入出軌風波，背妻暗撻女拍檔丁丁(丁彥均)，二人形象破產，一度絕跡幕前。之後二人同遊越南，又不慎被其他YouTuber拍攝入鏡，二人情侶關係已成為公開秘密。近日丁丁分享在越南的近況，她拿著雨傘，面對狂風，寫著「吹呀吹讓這風吹，平常心面對，唔想面對就咪埋眼順便瞓個覺」，懶理外間批評，戀愛大過天。

「混血肥仔」(曾達恩Tommy）曾先後創辦網台「啱Channel」以及BBO（Black Box Office），正當混血肥仔老婆「芊蕙子」，帶同兩名女兒移民英國，混血肥仔即出軌女拍檔丁丁，令全城網民食花生。混血肥仔婚姻破裂後，未有跟丁丁劃清界線，更直接帶丁丁到越南旅行，恰巧被其他YouTuber撞破，二人關係再次成為焦點。近日丁丁分享了近況，出Post寫著「吹呀吹讓這風吹，平常心面對，唔想面對就咪埋眼順便瞓個覺」，又以周星馳電影《回魂夜》歌曲自嘲「成盤係血，當佢無事」，看來跟混血肥仔打風都打唔甩。