搵咗承福殯儀（分店係叫恩福殯儀，兩間嘢係同一班底同一老細（何太（又稱曹小姐））處理家人身後事，極後悔！首先，整幾個花牌咁小事，佢哋前後都起碼錯咗十次，人名錯，稱呼錯，預個客自己proofread，改嚟改去都錯，佢哋職員承認無做任何檢查/較對
最離譜係，佢哋係所有儀式進行前已chur客人俾全數款項（據了解，其他殯儀公司係第一日儀式完成後或兩日儀式完成後收全數）而事前當然係無講呢啲payment terms…點解咁chur? 因為一收晒錢之後就是是旦旦，亂做嘢！本身佢哋職員話出殯係預2.5個鐘儀式，最後唔知佢哋慳成本故意做少咗儀式定點，50分鐘已經做完所有嘢，整整少咗70%時間，搞到我哋上午8點幾已完成儀式，9點鐘已搭佢哋安排嘅旅遊車到酒樓，當時酒樓連廚房都未返工，本身預訂咗成圍纓紅宴都因為時間大失預算而食唔到，認真大吉利是
由於呢間嘢太衰格，淨係想搵快錢，一啲良心都無，我哋要求佢哋以先人名義捐款俾大型嘅慈善機構作「賠償」，佢哋老細何太態度極惡劣，話儀式早完成即係順利，係「好事」，我哋唔應該投訴…講多兩講，仲當場恐嚇我哋話我哋追究落去只會「搞到先人」，咁都講得出，真係唔知佢背後做咩..細思極恐…
另一日，佢哋仲叫一個資深員工何小姐打嚟，話佢哋公司無錯，有錯都係個別員工嘅錯，佢哋行個人問責制，所以如果我哋堅持要佢哋捐款，即係要迫嗰個員工捐錢，咁樣會令我哋一家及先人作「業」….要受返因果…為求甩身連詛咒都做埋…
一句講晒，呢間嘢錢就識收，嘢就亂做…價錢絕對唔係平，市面有更多更多正常有心做嘅agent,呢間嘢只為搵錢，一啲良心都無！絕對唔建議搵佢哋！網上google review, facebook review得一粒星，全劣評，絕對有原因！ 做白事做到俾人恐嚇俾人咒，真係第一次見！
呢間嘢成日改名，暫知恩福同承福都係佢哋分店，但總之聽到佢老細「何太」/「曹小姐」個名都要兜路走
利申先幫朋友po
