[問左膠] 何謂“天賦人權”？

何謂“天賦人權”？講到人權呢樣嘢與生俱來咁 係天賦的 意思即係話上帝/神會保證所有人擁有人權？細心啲諗下其實覺得幾荒謬 左膠作得就作 幻想力太強 事實呢個宇宙唔係咁樣運作

人權嘅基礎係乜嘢？係生存權 就算係生存權都並非天賦啦 人類要不斷殺戮爬上食物鏈頂層 先可擁有生存權利 人權就更上一層樓 天賦人權講到一出世就有 即係免費？送嘅你唔係唔要呀嘛？咁撚便宜

問問題之前 自己睇下wiki先啦
你照字面解釋 梗係無人答到你

左膠就係咁呃鳩班黃絲

睇左啦，wiki咁講，指人在自然狀態下，便已經享有的，即人具有天生的生存、自由、追求幸福和財產的權利。
最多可以解釋為，自由去爭取你想要嘅人權，但上帝冇講過係免費送，而且價錢冇話所有人都一致喎，邊個咁唔好彩一投胎就跌咗入去北韓，咁左膠仲夠唔夠膽講天賦人權比佢哋？理論上你係有權利嘅爭取你嘅人權，只係你要付出好大代價，成功機會好低

你用ai洗版已經干預緊其他人既言論自由

你呢個問題可以帶到去無知之幕同埋社會契約既討論

睇人啦
香港出世=應該要有
加沙出世=唔應該有

咩叫事實係呢個宇宙唔係咁運作？

咁宇宙自然演化之下出現咗人類

自然演化之下人類出現咗科學力量

即係有社會共融同資源平等分配嘅潛力

呢樣嘢唔係自然演化出嚟？

根本就講唔到定論，喺度鳩噏帶風向。

有咩衝突？有社會資源分配制度，都唔代表有人權。食飯使唔使畀錢？淨係食飯嘅權利都已經唔係天賦，就算係社會主義都係要先有集體勞動然後先有飯食。宇宙嘅法則就純粹係物競天擇適者生存囉，仲有其他嘢咩？

原來得左膠先講人權，右就無，明白哂

唔係人權 係天賦人權
右翼點會講天賦人權
如果有天賦人權咁咪唔可以驅逐非法難民？

有錢有人權

咁不如講吓右翼既人權邊到黎？係咪獨裁者好心恩賜俾賤民

喺呢個時代，基本人權當然係需要成本

但係呢個時代其實就已經產能過剩到可以滿足所有人嘅基本需要

只係礙於經濟同資本主義問題，唔可以隨便咁做

點解人要有人權，因為人就係群體生物，
條件許可嘅情況下，人多必定俾人少更加有利。

當然，唔能夠否認呢一刻人有人權純粹係因為大眾價值觀問題，進而導致政權需要容許。

我就覺得係前人攞起支槍放低條命換返嚟 基本上就係革命/戰爭成功咗先有資格攞人權 而且要keep住有戰鬥力先至可以保持依種權利 美國佬（右翼果班）好清楚呢點 冇槍=冇人權

如果純粹係因為經濟效益產能賦予人權，咁即係都係有條件性，係經濟價值嘅交換。咁就真係令人擔心，不久嘅將來AI取替大部分工作，到時肯定有相當一部分嘅人類係對社會毫無價值，咁點解仲要畀人權佢哋？

個問題唔係經濟效益產能賦予人權

而係因為依家資源集中咗喺某啲人手上
所以其他人先至「被賦予」人權

人權根本就唔應該係「被賦予」

呢件事背後嘅問題係對生命嘅態度
如果係足夠生存條件嘅情況之下，依然冇辦法去尊重其他個體生存同生活嘅權利，呢個物種必然會走向單一化，然後滅絕。

無錯人類適應力好強，就算喺道德淪喪或衝突頻發嘅情況下，部分人都可能通過技術甚至遷移搵到生存之道。

但呢種「生存」往往是以犧牲多數人或生態系統做代價，難以稱為真正意義上嘅延續。

人權當然唔應該係被賦予，因為人權應該係爭取返嚟現時物質富裕下，喺一個社群中人需要付出嘅成本已經低咗好多，但並唔代表個社群應該平白咁俾任何人生活嘅資源

依你咁講，咁當權者武器越厲害，你市民有槍同無槍都無分別時，右翼既人權就會無架喎，即係其實現今社會右翼已經無人權？

btw，不嬲講革命進步係左翼，幾時又變咗右....連登左右思想真係同世界與別不同

右翼換個名叫戰爭 本質上都係一樣
美國獨立戰爭係革命定係戰爭？冇所謂啦 都係一個名啫？共通點就係你打贏咗咪有人權囉

冇任何係權利自在永在天然擁有，一切都係捍衛同爭取返嚟，唔好好保護就會失去

不過就咁，其實天賦人權應該係想講一啲基本共識
例如大家都有生存權，依啲基本共識如果唔達成就冇咩好交流

天賦係中文翻譯，英文冇記錯係Natural Rights

其實可以解一出世就有，直譯就自然地有
係可以由人去給予，唔一定關神佛事

唔洗對“天賦”依個名咁認真

利申：應該係

啱啱收到政府啲通函
係無國界醫生叫我捐錢畀非洲啲兒童打疫苗
睇咗啲單張一陣 覺得啲兒童都幾慘 冇得打疫苗
香港人反而唔想打 政府求我地打
但我都係唔捐錢了
反正天賦的人權會拯救佢非洲兒童嘅
用不著我去干預佢運作

理想嘅情況應該要有

唔係免費有

法律概念你呢啲傻閪識條撚咩