我覺得香港男人個腦俾淫慾支配咗。
正所謂：「丈夫生世，當帶七尺之劍，以升天子之階。今所志未從，奈何而死乎！」
男人天生嘅使命，根本唔係為咗得到異性嘅愛同歡迎。而係要推動人類文明前進、頂天立地、打天下。
我自中學以嚟就已經俾太史慈將軍嘅遺言感動咗，同時亦都睇透咗咩叫香港女性，令我成個人生都改變咗方向—就係敢於追夢。
我嘅夢想，就係希望可以喺香港呢個地方推動真正嘅人權。我深信每一個人生而平等，沒有貴賤之分，每一個人都係神聖尊貴，絕對唔可以因為樣貌外表、種族膚色、收入高低、學歷高低、性別、身份地位而被歧視或者排斥。
而我做緊嘅嘢，就係每一日都善待所有人，用耳去聆聽別人嘅故事，用心去感受別人嘅情感，而唔係透過表面條件去論斷人。
雖然我係無可能喺香港搵到另一半，但又如何？因為喺我心目中，愛唔係講條件，而係講交流。如果一段關係建立於外在條件之上的話，咁唔係愛，而係交易。
所以，已經下定決心，唔會喺香港呢個無水之地搵水飲。反而會努力開荒，直到有水流到呢個地方。
係辛苦，但係只要我諗到後世嘅香港人可以享受到真正嘅人權同埋唔需要再受到無意義嘅審判嘅話，我就心滿意足，死也無憾。