[金澤聖巡] 加賀友禪水燈祭典之眩耀夜行

前文提要

［獨遊多圖多字］愛生活聖地巡禮之旅 （東京+金澤+沼津）
https://lih.kg/3870552
- 分享自 LIHKG 討論區


有興趣可以㩒返入去上一篇到望下主要係金澤個part 同#68，會同今次呢篇幾大關係，可以當係上一篇金澤嘅延續同收尾，之後都應該會copy 返#68過嚟


前言

細佬我係個幾鐘意love live 系列嘅毒撚，可以參考我之前啲post 年頭嘅時候趁住去睇亞巡五代同堂嘅時候順便做咗次全系列聖巡，本來以為短時間都唔洗再去聖巡住，但係事情緊係冇咁簡單

呢一年半我好沉迷咁追Love Live 嘅第五代團，蓮ノ空，唔誇張咁講係我追左十年LL 入面追得最瘋狂嘅時期

而屬於蓮ノ空嘅聖地，金澤，最近一年我已經去過兩次，基本上啲點都踩得7788，點解仲要去第三次？

就係為咗完成埋金澤聖巡嘅最後一塊拼圖———加賀友禪水燈祭典

至於呢個活動係咩嚟同埋點解對蓮ノ空聖巡咁重要，由於篇幅關係容我之後再講

除此之外就係要去睇102期畢業live，因為大三角畢業之後我應該唔會再追得咁癲，趁今次一次過搞晒所有野


前言就差唔多，內容大概係咁：

Day 0: 事前準備
Day 1: 金澤
Day 2: 金澤
Day 3, 4: Live + 感想


仲有幾日東京不過冇乜特別所以skip

最後就係睇吓反響點，最近有啲想寫埋之前積落嘅聖巡遊記（e.g. 宇治/下北澤/etc），如果有人有興趣先寫不過呢個都係後話


下個comment 正式開始

Day 0 事前準備


基本操作 UO624




所謂嘅事前準備其實就係出發去金澤之前喺東京個兩日，要買定啲live 要用嘅嘢（即係uo），因為我要喺7號朝早由金澤返東京，之後即刻去橫濱 K arena，個日係完全唔會有時間準備，所以去金澤前就要買定所有嘢

池袋有pop up，去到先洗一輪錢






跟住就係6月4號先開賣嘅102 solo album，大意左諗住反正都會過嚟所以冇訂到，點知3號晚去睇已經冇晒貨




之後就係每次做有關LL 嘅嘢都必去參拜嘅神田明神，祈求學園偶像之神幫手上buff






就結果論真係有用，一個月落二十日雨嘅金澤六月喺未來兩日竟然一滴水都冇，再加埋一個禮拜後場live 仲抽到一日arena，建議下個禮拜現地嘅ching 都去拜一拜

Day 0 完

點解依家連燈up 圖咁慢

金澤Day 1

朝早喺東京坐かがやき去金澤



今次帶咗超多架餐，包括呢七隻梢趴趴，為咗不留遺憾



喺酒店放低行李第一件事緊係去金澤ゲーマーズ搵我個看板娘影相



時間差唔多就出發去近江町市場食lunch，今次都係去ひら丼食完之後落樓下食おでん



MCP 兩個嘅簽名



DC おでん間鋪

上次有人坐冇影到，今次終於影到



有Ching 推薦一定要試車麩，少少哋叫咗四樣，的確幾好食，類似吸晒啲湯嘅麪包咁




呢個時候去一下景點架巴士啱啱走咗睇返時間表要二十分鐘後先有下一架，果斷行路


中途經過金沢観光案内所，拎咗張聖巡地圖就繼續行

尾山神社

當日更已經準備緊祭典嘅嘢，有啲位已經封咗





犀川大橋




好天都不得了，去咗三次金澤都未試過咁好天




散步日記鎖匙扣就係咁用




桜橋

呢個位櫻花季嚟應該幾靚




然後終於行到目的地，自遊花人水引ミュージアム

自遊花人水引ミュージアム

水引係一種日本傳統工藝，可以理解做一種裝飾用嘅繩結，喺唔同場合包括紅事白事都會出現，而呢間自遊花人水引ミュージアム就係由一班水引藝術家開，參觀部份500羊

同蓮ノ空嘅關係就係ひめ歌留多嘅取材地，同埋104準備蓮金澤篇都有嚟過，聽埋館主係準備蓮之前都未聽過蓮ノ空，拍完之後就做咗fans，官方twitter 都唔少蓮post


入去見到呢啲就知冇嚟錯





職員會一邊講解一邊教大家點樣影啲打卡相



例如咁，真係幾靚





同場除咗我之外仲有幾個同好，大家都帶好多嘢嚟影相，班職員應該見慣班蓮瘟過嚟參觀，教我地點擺啲趴趴影相






最後就買咗啲手信同埋花帆+梢色嘅水引




總結就係雖然遠咗少少但係值得

留名學嘢

離開自遊花人之後就行去下個目的地，本身諗住搭車因為真係遠，但係嗰個位冇一架巴士可以直接去到最後都係行路

石川縣立圖書館




入到去好似一個圓形廣場，喺度睇書都幾chill，103期有場Fes live 喺度搞，舊年都有同蓮合作，放咗個文學少女花帆立牌係館入面





準備蓮呀初坐喺度影相嗰位，同時都係梢張卡面嘅位




小弟行程比較緊迫就冇留得耐，影曬相就走，如果唔係應該可以hea 幾個鐘唔成問題

石浦神社

呢度最出名就係圖入嗰隻吉祥物兔仔，除此之外就係求「結緣」which is 唔關我呢啲死毒撚事

不過個御守喺波點花紋幾特別，仲有吊住隻吉祥物嘅款，買咗幾個當手信





另外就係呢個迷你version 千本鳥居，嚟完呢度唔洗再去伏見稲荷同人迫





Skip 咗中間行ゲーマーズ個一兩個鐘，直接去晚飯




甜品就土九嘅たい焼き，老細みらぱ推

食完飯之後點都要行到夜一夜先返歸，而金澤其實過咗8點已經冇乜鋪頭開，所以決定去提早視察環境，準備聽日嘅大日子

簡單介紹一下背景故事，post 名同我個username 都係叫眩耀夜行，呢首歌係我入坑蓮ノ空嘅契機，而我因為太鐘意呢首歌所以每次去金澤都會嚟呢首歌嘅取材地


東茶屋街

今次都係重遊舊地，亦係為咗聽日可以萬無一失咁睇到我想睇嘅景色




夜晚嘅東茶屋街其實幾有feel，同日頭人山人海好大對比





浅野川梅ノ橋

呢條橋就係首歌mv 嘅位，即係我拎住個張相，走落嚟彩排下聽日點部署





最後就返鼓門打卡




Day 1 完

開始D2 之前要點返題介紹下今次個活動

金澤喺每年六月第一個星期都會搞祭典，叫金澤百萬石祭，點解叫百萬石就係因為以前前田家喺加賀有一百零二萬五千石嘅領地，為咗記念佢就改咗個咁嘅名



成個祭典有三日，以今年為例就係六日六號到八號，重頭戲之一嘅主巡遊係喺星期六搞，即係七號，呢個時候心水清嘅你應該發現有啲問題


冇錯，蓮四千秋樂正正係七號同八號所以時間上我係睇唔到個祭典咁點解仲要去


呢個時候又要返去標題到，係七號嘅祭典前一日，即係六號晚會搞一個前夜祭，即係標題寫嘅加賀友禪水燈祭

個活動就係夜晚喺東茶屋街出面嘅淺野川沿住河咁放燈籠，成晚會放接近一千個燈籠，成個場景好夢幻


我最愛嘅眩耀夜行就係咁嘅背景之下誕生
今次金澤之旅都係為咗經歷歌詞入面嘅景像而去




因為武肺嘅關係今次係事隔幾年之後第一次搞，由於太多外在因素會搞到佢停辦今次唔去下年未必有


再者就係如果睇完之後第二日live 唱眩耀夜行你話幾浪漫咁我嘅蓮瘟生涯就可以以眩耀夜行開始再以眩耀夜行結束




結果會係點？待續


Day 2 正式開始

劉明跟進
本身下一次去日本 （唔知幾時）已經有去北陸計劃（主要係巡下PA WORKS堆原創動畫set係自己地頭附近嘅景），而家又會多一堆

Day 2 金澤

五點鐘天都未光就起身，準備上山，成日比人話我去旅行辛苦過返工又真係駁唔到

沿住路由車站行出東茶屋街，好似前一晚咁，中途經過呢間餐廳

うし重 てらおか

104準備蓮CB 三個人個嚟食過，係食能登牛嘅，大小姐個陣一嘢叫咗個7200羊嘅set小弟實在唔捨得一餐食咁貴所以skip 咗




今晚嘅主戰場，冇落雨真係奇蹟




冇人嘅茶街好好feel




懷華樓

最出名嗰間茶屋，可以比錢入去參觀，亦係めぐみ歌留多嘅原型




行到入口，對上一次嚟嘅時候橫風橫雨，今次終於可以正常咁行




卯辰山　花菖蒲園




六月到七月係紫陽花季，呢度基本上係石川縣最好嘅賞花位，不過去嗰日只係開咗少少，叫做睇到啲




繼續向上行

卯辰山 眺望の丘

如果開咗花呢個位都會好靚

然後繼續行，八點鐘終於上到目的地

卯辰山 見晴らし台

講真，其實冇可能唔嚟，夢開始嘅地方






一大朝早已經有四五個蓮瘟喺度，大家咁多架餐我都唔執輸




可以望到金澤全景




由於走咗巴士嘅話要到一點鐘先再有下一班，所以實際逗留時間只係半個鐘多啲，不過都好夠

返去沖個涼食個飯就去下個景點，由於同其他景點都有啲距離所以等到今次先有機會去

石川IR 搭一個站再行15分鐘到，車程唔耐，但係等車時間來回足足用咗一個鐘所以呢個點一直都冇去


金沢 健民スポレクプラザ

就係さやか嘅溜冰場聖地，留意番佢每年嘅789月係唔開的不過如果你好似我咁只係出面同reception 打卡嘅可以照嚟





ドルケ推必去




さやか立牌同kkn 簽名





一朝起身行咗咁多路最後都係頂唔順返咗去訓陣

然後就喺金澤城公園行咗個圈，準備一陣間嘅big game

樓主Day0 UO624落機然後7點拖gip去池袋pop up再去神田明神再坐新幹線去金澤，酒店check in 完再去近江町+尾山神社+石川縣立圖書館+東茶屋街
？
體力大癲

個時序寫得唔好sor

UO624落機然後7點拖gip去池袋pop up再去神田明神

上面呢part 係Day 0，神田明神之後其實喺老秋行到夜晚，因為冇乜特別所以skip 咗，所以其實有喺東京訓一晚，不過主要想寫金澤所以先叫Day 0

新幹線去金澤，酒店check in 完再去近江町+尾山神社+石川縣立圖書館+東茶屋街

呢度開始嘅Day 1已經係第二日嘅事，你當係朝早七點班新幹線出發

所以其實唔係好chur?我諗

延伸閱讀：眩耀夜行

https://www.youtube.com/watch?v=XYKceXnAFpQ

以小弟dse 中文僅僅合格嘅水平實在翻譯唔到ケリー寫得咁靚嘅歌詞下面呢位巴友嘅version 我覺得譯得最好，下面都有啲注釋，有興趣可以睇吓

https://home.gamer.com.tw/artwork.php?sn=5803922


眩耀夜行呢首歌有個朵係一睇就知佢有幾勁

令和snow halation

Snow halation 對LL 嚟講係幾重要應該唔洗我多講，而可以比fans 起個咁嘅朵都反映到首歌有幾受歡迎

除咗繼承左SH 嘅橙色應援之外，首歌本身嘅完成度都十分之高，基本上係live 聽一次已經入到腦，呢兩年已經有好多例子係夜行入坑蓮

兩位聲優係台上面嘅表現都好完美，異次元個陣連其他聲優都聽到呆晒

歌詞嘅故事其實就係講兩個女仔 （花帆同梢）係初夏嘅祭典入面發生嘅事，而呢個祭典嘅原型就係標題嘅加賀友禪水燈祭

故事嘅解讀，例如邊個係主視角其實冇寫明，兩個version 其實都講得通

喺熱鬧嘅祭典入面趁冇人注意同「你」沿住河走到盡頭，即使黑夜降臨都唔會怕，因為同「你」一齊就係咁耀眼

呢種近乎私奔嘅場景係活動記錄都有回收到

成首歌由曲到詞，mv，氣氛，意象，都好表達到花梢個種非你不可、命運之人嘅關係

作詞嘅ケリー為咗保留金澤個種古風，成首歌係完全冇用過和製英文，仲有幾句日本人先寫到出嚟嘅隱晦式表白真係好浪漫

花帆同梢呢個組合就係因為咁係我心中係神聖不可侵犯


所以我好想體驗一次佢哋係眩耀夜行入面經歷過嘅嘢，完整我呢年半入面嘅蓮瘟生涯

祭典七點鐘先開始，大概四點出到茶屋街行到五點就去霸位


當日條動線就係咁，基本上就係圍住咗邊兩條橋順時針行，或企定兩邊



呢張喺起點嘅天神橋上面影



已經有一堆人坐咗喺度，當然不乏蓮瘟

準備曬啲架餐同我嗰堆趴趴，機會只得一次





到五點半到啲職員開始準備，放咗個dummy 出嚟試吓，中途卡住左



坐咗兩個鐘終於正式開始，首先就係啲大人物出嚟講speech，冇認真聽佢講咩跟住就各代表每人放一個燈籠



正式開始，個天未黑曬有啲難睇到




開始黑返啲，行咗去夜行橋下面睇




開始有啲feel




等咗咁耐就係等呢一刻，就差啲煙花




好多人，exact match 返歌詞嘅場景



趴趴唔可以少



行到大街個位唔夠暗，呢度有啲可惜





いつもより賑わっている橋の上
在比平時還要更熱鬧的那座橋上面

背中向けて静寂の方へと走る
背對著他們朝向寂靜的地方跑過去

完完全全就歌詞嘅場景個刻係幾感動，好似我自己眩耀夜行緊





最後八點左右就完咗，散場返去食飯




總括嚟講個場景係幾浪漫，見住啲燈籠沿住河流落嚟真係好似動畫入面嘅景咁，反映首歌真係寫得好好，親歷其境咗一次花梢私奔，完全係worth

缺點就係夏天冇咁快日落，大概都要7點半左右先黑晒，令到前半段基本上影唔到燈籠啲光，少少扣分

不過我已經睇到我想睇嘅嘢好滿足


Day 2 完

Day 3 + 4 蓮4th 横浜

眩耀夜行完之後第二日七點就check out，由金澤返東京就去横浜差唔多要四個鐘所以盡早出發

最後以鼓門結束金澤之行



五個鐘後又返到熟悉嘅横K，今年現地咗五次，四次係橫K多過我出新界



係神田明神加護之下好好彩咁抽到日Arena，接咗幾個好近嘅fans service 感想group 埋一次過




正當全世界以為五點開場八點半應該出到去，酒會book 九點應該安全嘅時候

完場個刻係九點十五分差唔多四個半鐘

酒會之後已經11點半，追咗我人生第一次嘅jr 尾班車，返到東京已經點幾，最後搞到三點先訓

但係第二日都要早起身準備，先去食個早餐，呢間家庭餐廳早餐好好食




之後出川崎補一補uo 再睇下有冇貨



最後緊係冇啦，屌

第二日坐LV 5，本來唔算好位但係估完歌單發覺其實D2 坐後少少係正確




宣佈動畫化個刻聽到有人yeah 都有人喊，我諗大家心情都一樣



最後全世界喊住一齊去酒會，結束可能係我人生最難忘嘅兩日

場live 最後總時長係足足五粒鐘，係LL史上最長，所以理所當然嘅又要趕尾班車，而我係趕唔切

最後要係池袋行一個鐘返去，三點鐘先返到，又解鎖咗一樣嘢

高汁po

場live 好難寫太多嘢想講

Live 後感：Run down 篇

太多嘢想講，分開post


由於我仲未敢睇返replay 所以以下內容detail上可能有錯


先講兩日嘅 Run down




為咗比返我啲驚喜自己，事前係未睇返石川同兵庫個幾日嘅 replay ，甚至102期三首solo 曲我都未聽過

係咁條件下呢兩日嘅歌單我會比100分，照顧到老粉之餘新人都聽得好開心

D1已經不時聽到附近有人開始喊，D2 我諗由飴色開始聽到我地嘅最年少都開始喊住咁唱都唔係好多人頂到，我上次喊到咁已經睇KON!! 相偶天使個集

跟住抽啲重點出嚟講


飴色/bang you/fortune movie

各unit 都有幾首冇改到做三人版嘅歌，上面呢三首歌嘅出現係一個幾大嘅驚喜，我冇諗過會再有機會聽二人版嘅歌

作為原教旨蓮瘟，最令我悸動嘅一直都係六人時期嘅蓮，依家都係一樣

三首歌都好強調兩個人之間嘅關係，所以只能夠係原本嘅成員唱，鋼之意志都喊住唱飴色嘅最年少、交換歌詞嘅bang you、兩情相悅再求埋婚嘅fortune movie，某程度上彌補咗我冇現場睇過103 時期live 嘅遺憾


Holiday holiday/眩耀夜行

冇呢兩首歌我唔會睇蓮，最後嘅最後可以係現場睇一次已經好足夠，即使係三人version

二萬人嘅橙海深深咁刻咗個腦到，我永遠會記得


幸せのリボン/やっば天使/be proud

大三角solo 嘅初披露亦係最後一次，三首都好好表現到大三角呢三年嘅經歷

幸せのリボン就係綴理終於搵到自己嘅幸福

Be proud 就係個個經歷左咁多嘢終於識得鐘意自己少少嘅乙宗梢

而我印象最深刻嘅係やっば天使，忍唔住眼流咗幾滴汗每個追idol 嘅人都應該要聽下，中間嗰段正正就係慈嘅心底話，嗰句アンコール真係哭住咁叫出嚟


抱きしめ花びら

一開始見到knn 自己企喺台到，大家都以為係runway，結果係抱花2nd 由大三角唱比沙知，到今次由103期唱返比最鐘意嘅前輩，諗起都想哭


ツバサ・ラ・リベルテ

ツバサ係我最鍾意嘅團曲，當日係由沙知寫，再由大三角主唱返，呢兩日再唱又有另一種感覺

Hello brand new world


Dream believers (Sakura ver)

改咗詞嘅DB，蓮ノ空嘅起點，大三角嘅第四次櫻花，遺憾就係唔係好多人有最後轉粉紅色嘅燈


永遠のeuphoria (piano version)

呢首其實唔係演唱曲目但係我印象好深刻，唱完DB 之後聲優揮緊手個時播，見住佢哋喊住咁揮手再播euphoria 點忍在場都有人一路跟住唱一路喊


其實我每首都想寫，不過今次就咁先

下篇講聲優
待續

Live 後感:聲優篇

Love Live 嘅構成入面聲優一直都佔好大部分，同一般聲優只係接job唔同，入得LL 或多或少都有啲兒拉夢，因為LL所以走咗去做聲優嘅例子都有幾個，例如一陣要講嘅其中一個

所以LL 嘅聲優同角色嘅契合度咁高係有原因，因為大家都唔只當個企劃係一份工 （er大部份啦），而係真心鍾意自己個角色，鐘意自己個企劃

而蓮因為個企劃係real time 咁行更加強化咗呢方面，你睇得出佢哋係為咗自己個角色、為咗其他隊友付出左好多努力

呢度引伸咗一樣蓮入面我好鍾意嘅嘢：「團魂」

蓮嗰種團魂不限於成團、本身小組嘅member、或者同期，你係睇得出佢哋係鏡頭面前同埋私下相處嘅pattern 係冇乜分別，正正係因為咁今次live 嘅mc 每一字一句都係咁真實，特別係大小姐個段


跟住講下大三角

佐々木琴子

元乃二期嘅身份令佢入團嘅時候已經受到好大注目，我唔熟坂道系但係睇返佢以前啲片都明點解佢有個咁嘅朵

不過我覺得再做偶像嘅佢今次應該玩得好開心，有個妹妹照顧住佢、又有一齊努力嘅隊友，開唔開心呢啲真係冇得扮

最簡單睇佢乃畢業條片同橫浜嗰日已經feel 到分別，今次佢真係唔捨得個舞台，可能喺蓮呢兩年就係佢當初想係乃經歷到嘅嘢

月音こな

喺最後一段mc 入面こなち有一句我好有印象，exact wording 唔記得，大概意思係：「我可能係為咗藤島慈而出世」

如果唔係有返咁上下自信應該唔會咁講，而佢確實有咁嘅資格，全世界最認真對待めぐみ嘅就係佢

102 三個聲優入面對畢業最唔捨得嘅可能係佢，やっば天使寫嘅唔止係めぐみ，亦都可能係こなち本人嘅心聲

花宮初奈

最後就係我推嘅法老王

優木せつな(楠木ともり)曾經係我堅持睇LL嘅理由，所以係ともり畢業之後我以為我唔會再係LL 入面遇到另一個令我悸動到嘅聲優

直至我遇到花宮初奈

到目前為止LL 聲優嘅總人數已經有66位，而係呢66位聲優入面，大小姐都係屬於T0 級別嘅存在

實力上無得挑剔，演技好個樣仲生到咁靚，每次開live 都係最引人注目嘅存在，咁嘅spec 竟然in 咗Liella 兩次都比人foul 咗

但係就結果論呢個其實係好事，因為佢根本就係三次元version 嘅乙宗梢

大小姐、少少自我厭惡嘅努力家、同埋嗰一份對LL 嘅執着，成個角色基本上係對住佢嚟設計Live 嗰兩日染埋紫色頭髮上台，完完全全係乙宗梢本人

Love Live可以擁有花宮初奈實在太好



而LL對佢哋嚟講只係起點，希望畢業後嘅大三角可以係聲優生涯走得更遠




下篇收尾
待續

Live 後感：總結

去到依家已經過咗差唔多成個月，水團FL 都過埋，我對場live 仲係好念念不忘

心情其實都有啲複雜，齋講live 本身可以話係蓮ノ空咁耐以嚟完成度最高嘅一場live

兩日嘅K Arena，差唔多四萬人，D1 四個半鐘，D2 五個鐘，LL 歷史最長嘅一場，uism 嘅mc 都係歷史最長嘅mc，但係個刻應該唔會有人覺得長

以依家二次元偶像嘅規模同LL 今時已經唔同往日嘅前提，蓮其實唔夠力開再大嘅場，呢個安排可能係已經最大限度，所以老實講咁嘅排場我覺得已經拍得住前輩，講緊九年前嗰場

聲優嘅表現、歌單、有笑有淚嘅MC，一切都係咁完美

但係佢終究係一場畢業live

過咗呢晚之後，蓮ノ空再冇大三角，所以即係場live 咁完美都好，佢永遠都係我心目中嘅一個遺憾，

唔誇張咁講，在場嘅所以人都應該唔忘記呢兩日





いつかまた、みんなで


完